རྣམ་གྲོལ་གླིང་བསླབ་པ་མཐར་སོན་གྱི་མཛད་སྒོ།


2017.12.22
རྣམ་གྲོལ་གླིང་བསླབ་པ་མཐར་སོན་གྱི་མཛད་སྒོ། ༸གོང་ས་མཆོག་གིས་རྣམ་གྲོལ་གླིང་དགོན་པའི་བསླབ་པ་མཐར་སོན་པ་རྣམས་ལ་ཕྱག་འཁྱེར་གསོལ་བསྩལ་གནང་བཞིན་པ།
དགའ་ལྡན་ཕོ་བྲང་།

བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དེ་རིང་ཕྱི་ཚེས་༢༢ རེས་གཟའ་པ་སངས་ཀྱི་སྔ་དྲོ་རྒྱ་གར་ལྷོ་ཕྱོགས་སྦེལ་ཀོབ་གཞིས་ཆགས་སུ་རྟེན་གཞི་བྱས་པའི་སྔ་འགྱུར་རྙིང་མའི་བཤད་གྲྭ་ཐེག་མཆོག་རྣམ་གྲོལ་བཤད་སྒྲུབ་དར་རྒྱས་གླིང་དང་བཙུན་དགོན་མཚོ་རྒྱལ་བཤད་སྒྲུབ་ཐོས་བསམ་དགའ་བའི་ཚལ་གྱི་བསླབ་པ་མཐར་སོན་མཛད་སྒོའི་གཙོ་མགོན་དུ་ཆིབས་སྒྱུར་བཀའ་དྲིན་ཆེ་གནང་མཛད་འདུག
ཐོག་མར་དགོན་པའི་དབུ་འཛིན་མཁན་སྤྲུལ་གྱང་ཁང་རིན་པོ་ཆེ་མཆོག་གིས་༸གོང་ས་༸སྐྱབས་མགོན་ཆེན་པོ་མཆོག་གིས་དབུས་སྐུ་མགྲོན་རྣམས་ལ་འཚམས་འདྲི་དང་མཛད་སྒོ་ངོ་སྤྲོད་ཀྱི་གསུང་བཤད་གནང་།  དེ་རྗེས་དྲུང་ཆེ་སློབ་དཔོན་ཨུ་རྒྱན་བསྟན་འཛིན་ནས་བསླབ་མཐར་སོན་པ་རྣམས་ཀྱི་མཚན་ཐོ་སྙན་སྒྲོན་ཞུས་པ་དང་འབྲེལ་༸གོང་ས་༸སྐྱབས་མགོན་ཆེན་པོ་མཆོག་ནས་ཕྱག་འཁྱེར་གསོལ་བསྩལ་བཀའ་དྲིན་བསྐྱངས།
སློབ་དཔོན་རྣམས་ནས་ཀྱང་༸རྒྱལ་བའི་༸སྐུ་མདུན་དུ་བསྟན་འགྲོ་སྤྱི་དང་བྱེ་བྲག་ཀྱི་བདེ་ཐབས་ཁོ་ནའི་སླད་ལྷག་བསམ་རྣམ་དག་ཐོག་ནས་ཞབས་ཞུ་གནད་སྨིན་ཞུ་རྒྱུའི་དམ་བཅའ་ཕུལ་གནང་འདུག།
དེ༌ནས་རྒྱ་གར་ས་གནས་ཉེན་རྟོག་པའི་འགོ་ཁྲིད་སྐུ་ཞབས་  Vipul Kumar གིས་གཏམ་བཤད་གནང་བ་དང་།དེ་རྗེས་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་བློ་བཟང་སེངྒེ་མཆོག་གིས་བཀའ་ཤག་གི་ཚབ་ཞུས་ཏེ་འཚམས་འདྲི་ཞུས་གནང་བ་དང་སྦྲགས། ༸གོང་ས་༸སྐྱབས་མགོན་ཆེན་པོ་མཆོག་གི་ཕྱག་ནས་དམིགས་བསལ་རྩ་ཆེའི་ཕྱག་འཁྱེར་ཐོབ་གནང་བའི་སྔ་འགྱུར་མཐོ་སློབ་ནས་བསླབ་པ་མཐར་སོན་པའི་སློབ་མ་རྣམས་ལ་འཚམས་འདྲི་གནང་བ་དང། མ་འོངས་པར་སློབ་དཔོན་རྣམས་ཀྱིས་འཛམ་གླིང་སྤྱི་ཡོངས་ལ་བོད་བརྒྱུད་ནང་བསྟན་དར་སྤེལ་བརྒྱུད་འཛམ་གླིང་ཞི་བདེ་བསྐྲུན་ཐུབ་པའི་རེ་སྨོན་གནང་འདུག།
གསར་འགོད་པ་རིག་ལྡན་སྒྲོལ་མ།

བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
ཁྲིམས་སྒྲིག་བསྐྱར་བཅོས་འཆར་ཟིན་ཚོགས་ཆུང་གི་ལས་བསྡོམས་གྲོས་ཚོགས་སུ་སྙན་སྒྲོན་གནང་སོང་།
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎