བོད་དང་སོག་པོ་རང་གི་ལོ་རྒྱུས་སྨྲ་བ་ཚོས་བྲིས་པའི་བོད་སོག་འབྲེལ་བའི་ལོ་རྒྱུས་ཁག་ཕན་ཐོགས་ཆེན་པོ་འདུག སྲིད་སྐྱོང་མཆོག་གིས།
བོད་མིའི་སྒྲིག་འཛུགས་ཀྱི་བོད་ཀྱི་སྲིད་བྱུས་ཉམས་ཞིབ་ཁང་དང་རུ་སོག་དོན་གཅོད་ཁང་། ཏེ་ལོ་རིན་པོ་ཆེའི་བླ་བྲང་བཅས་ཐུན་མོང་གིས་གོ་སྒྲིག་གནང་སྟེ། སྤྱི་ཟླ་༤པའི་ཚེས་༡ནས་༢་བར་ཉིན་གྲངས་གཉིས་ཀྱི་རིང་། བཞུགས་སྒར་དུ་བོད་སོག་འབྲེལ་ལམ་ཚོགས་འདུ་ཞིག་བསྐོངས་ཚོགས་གནང་བའི་སྟེང་། སོག་ཡུལ་གྱི་སློབ་དཔོན་ཆེན་མོ་དང་མཁས་པ་ཁག་ཅིག་ཕེབས་པ་དང་མཚུངས་སུ། བོད་རིགས་སློབ་དཔོན་ཆེན་མོ་དང་དགེ་བཤེས་ལྷ་རམས་པ་སོགས་མཁས་པ་ཁག་ལྷན་འཛོམས་ཀྱིས། དུས་རབས་ཉི་ཤུའི་ནང་བོད་སོག་བར་འབྲེལ་ལམ་ཆད་པའི་རྒྱུ་རྐྱེན་དང་བསྐྱར་གསོ་ཡོང་བའི་བརྒྱུད་རིམ། མ་འོངས་འཕེལ་ཕྱོགས་དང་འབྲེལ་བའི་དཔྱད་རྩོམ་སྒྲོག་སྦྱངས་བཅས་གནང་ཡོད་ཅིང་། སྤྱི་ཟླ་༤པའི་ཚེས་༢ཉིན་མཇུག་བསྡོམས་མཛད་སྒོའི་སྟེང་སྲིད་སྐྱོང་སྤེན་པ་ཚེ་རིང་ལགས་ཆེད་ཕེབས་གནང་སྟེ། བོད་དང་སོག་པོ་རང་གི་ལོ་རྒྱུས་སྨྲ་བ་ཚོས་བྲིས་པའི་བོད་སོག་འབྲེལ་བའི་ལོ་རྒྱུས་ཁག་བྲིས་པ་རྣམས་ལ་རྒྱུ་མཚན་ཆེན་པོ་ཡོད་པ་དང་། འཛམ་གླིང་ལ་ང་ཚོ་རྒྱལ་ཁབ་གཉིས་ཀའི་ལོ་རྒྱུས་ཀྱི་ལྟ་སྟངས་རྒྱ་ནག་དང་མི་འདྲ་བ་བསྟན་ཐུབ་པ་མ་ཟད། བོད་སོག་གི་ལོ་རྒྱུས་རྒྱ་ནག་གཞུང་གིས་འཁྱོག་བཤད་བྱས་པར་ལན་འདེབས་ལ་ཕན་ཐོགས་ཡོད་པ་དང་། དེང་སང་ཡང་རྒྱལ་སྤྱིའི་སྤྱི་ཚོགས་ཀྱིས་རྒྱ་ནག་ལ་དྲི་བ་འདྲི་སྐབས། རྒྱ་ནག་གིས་རྒྱལ་སྤྱིའི་སྟེང་བཙན་བྱོལ་བོད་གཞུང་དང་བོད་ཀྱི་ལོ་རྒྱུས་ངོས་ལེན་བྱེད་མཁན་སུ་གཅིག་མེད་ཅེས་བཤད་དེ། ཁོ་རང་ཚོའི་བདག་དབང་ཁུངས་སྐྱེལ་བྱེད་ཐབས་བྱེད་བཞིན་པ་ཡིན་པས། ང་ཚོའི་ལས་ཀ་ནི་རྒྱ་ནག་གི་འཁྱོད་བཤད་དག་ལ་ཁ་གཏད་བྱེད་དགོས་པ་དེ་རེད་ཅེས་གསལ་སྟོན་གནང་གི་འདུག
སོག་པོའི་དགེ་རྒན་ཆེན་མོ་(BatIreeduiJantsan)་ལགས་ནས། ཁོང་གིས་བོད་སོག་གཉིས་ཀྱི་བར་སྲོལ་རྒྱུན་གྱི་འབྲེལ་བ་ཧ་ཅང་ཟབ་པོ་དང་། བོད་ཡིག་ནས་སོག་ཡིག་ཏུ་རིག་གཞུང་སྣ་མང་ཕབ་སྒྱུར་གནང་ཡོད་པའི་མུར། སོག་རིགས་གྲྭ་བ་དང་མཁས་པ་མང་པོས་བོད་ཡིག་ནང་གསུང་འབུམ་འབོར་ཆེན་བཞག་ཡོད་པ་ཁག་གིས། གཞོན་སྐྱེས་ཚོར་ཕན་ཐོགས་ཆེན་པོ་དང་འབྱུང་འགྱུར་ང་ཚོ་ཕན་ཚུན་དབར་མཉམ་ལས་དང་བརྗེ་རེས་ཡག་པོ་ཡོང་རེ་ཡོད་པ་འགྲེལ་བརྗོད་གནང་གི་འདུག
དགེ་བཤེས་ལྷ་རམས་པ་རོང་པོ་བློ་བཟང་སྙན་གྲགས་ལགས་ནས། ཁོང་གིས་སོག་པོ་དང་སེར་བྱེས་གྲྭ་ཚང་གི་འབྲེལ་བའི་སྐོར་ད་རེས་བཤད་ཡོད་པ་དང་། གལ་ཆེ་བ་ཞིག་ནི་དུས་རབས་ཉི་ཤུ་བ་ཚུན་གྱི་བོད་དང་སོག་པོའི་དབར་གྱི་ལོ་རྒྱུས་ཀྱི་འབྲེལ་བ་དེ། བོད་སོག་མཉམ་རུབ་ཀྱིས་རྩོམ་སྒྲིག་ཅིག་བྱ་ཐུབ་ན་ཞེས་བཤད་ཡོད་པ་འགྲེལ་བརྗོད་གནང་སོང་།
རུ་སོག་དོན་གཅོད་ཏེ་ལོ་རིན་པོ་ཆེ་ལགས་ཀྱིས་བོད་སོག་འབྲེལ་བའི་སྐོར་དུས་རབས་ཉི་ཤུའི་ནང་བར་དུ་གནས་ཚུལ་གང་འཚམས་ཡོད་ནའང་། དུས་རབས་ཉི་ཤུའི་ནང་ནས་འབྲེལ་ལམ་ཆད་པའི་གནས་ཚུལ་གྱི་སྟོང་ཆ་དེ་ང་ཚོས་བསྐང་དགོས་པ་མང་པོ་འདུག་པས། ཕན་ཚུན་གཉིས་ཀས་ཉམས་ཞིབ་དང་ཞིབ་འཇུག་བྱ་དགོས་པ་མང་པོ་འདུག་ཅེས་འགྲེལ་བརྗོད་གནང་གི་འདུག
རུ་སོག་དོན་གཅོད་ཏེ་ལོ་རིན་པོ་ཆེ་ལགས་དང་སོག་རིགས་མཁས་པ་ཚོས། སོག་ཡུལ་གྱི་དཔེ་མཛོད་དང་ཡིག་ཆ་ཉར་ཚགས་བྱས་པ་ཁག་གི་ནང་། བོད་ནང་བོར་བརླག་སོང་བའི་བོད་ཡིག་གི་དཔེ་ཆ་དཀོན་པོ་མང་པོ་ཞིག་ཡོད་པས། བོད་རིག་པ་ཉམས་ཞིབ་པ་ཚོ་སོག་ཡུལ་དུ་ཡོང་སྟེ་ཉམས་ཞིབ་བྱ་དགོས་པའི་ཆོས་སྲིད་གཉིས་དང་འབྲེལ་བའི་ཡིག་རིགས་ཧ་ཅང་མང་པོ་ཡོད་པར་དོ་སྣང་བྱ་དགོས་པའང་གསལ་སྟོན་གནང་སོང་།
གསར་འགོད་པ། བློ་བྷེ།
རྩོམ་སྒྲིག་པ། རིག་ལྡན་སྒྲོལ་མ།
དྲྭ་ཐོག་རྩོམ་སྒྲིག་པ། དཔལ་ལྡན་རྒྱལ།
དྲྭ་ཐོག་སྤེལ་མཁན། ཀླུ་འབུམ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཨ་རིའི་གཞུང་གིས་རྒྱུན་གྲོན་མ་དངུལ་མཚམས་འཇོག་བྱས་རྐྱེན་ཨེ་ཤེ་ཡ་རང་དབང་རླུང་འཕྲིན་ཁང་གི་ལས་བྱེད་མང་ཆེ་བ་གནས་སྐབས་ཕོགས་མེད་ལས་མཚམས་འཇོག་དགོས་བྱུང་ཡོད།
- ཨེ་ཤེ་ཡ་རང་དབང་རླུང་འཕྲིན་ཁང་དང་ཨ་རིའི་རླུང་འཕྲིན་ཁང་གི་བོད་སྐད་སྡེ་ཚན་སྒོ་བརྒྱབ་ན་བོད་མིའི་སྐད་སྒྲ་མེད་པ་འགྱུར་ངེས་རེད་ཅེས་བོད་ཀྱི་གྲགས་ཅན་རྩོམ་པ་པོ་དང་སྙན་ངག་པ་ཚེ་རིང་འོད་ཟེར་ལགས་ཀྱིས་གསུངས་འདུག
- ༸གོང་ས་༸སྐྱབས་མགོན་ཆེན་པོ་མཆོག་ལྷ་ས་ནས་ཆིབས་ཐོན་མཛད་སྐབས་མགོན་པོ་ཕྱག་དྲུག་ལ་ཐུགས་སྨོན་མཛད་ཡོད་པ་ལྟར། མ་འོངས་པར་མགོན་པོའི་ཞལ་མཇལ་ཡོང་བའི་རེ་བ་ཡོད་པ་བཀའ་གནང་འདུག
- བོད་དོན་ཞུ་གཏུག་མཐུན་ཚོགས་ནས་རྒྱ་གར་གྲོས་ཚོགས་གོང་འོག་ནང་བོད་དོན་གླེང་སློང་ཡོང་ཆེད་ལྡི་ལིར་བོད་དོན་ཞུ་གཏུག་གནང་བཞིན་འདུག
- བོད་ནང་གི་བོད་མི་ཚོས་བོད་ནང་ཐོབ་དཀའ་བའི་གནས་ཚུལ་གྱི་འབྱུང་ཁུངས་ལྟེ་བ་རླུང་འཕྲིན་ཁང་སྒོ་རྒྱག་སྲིད་པར་ཐུགས་འཚབ་གནང་གི་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- རྒྱལ་སྤྱིའི་གསར་འགྱུར་རང་དབང་རྩོད་ལེན་ཚོགས་སྡེ་ཁག་གིས་ཨ་རིའི་གཞུང་འཛིན་གསར་པས་ཨ་རིའི་གོ་ལའི་བརྒྱུད་ལམ་ལས་ཁུངས་མེད་པར་བཟོ་རྒྱུའི་ཐག་གཅོད་ལ་སྐྱོན་བརྗོད་དང་རྒྱ་ནག་གི་གསར་ལམ་ནང་དགའ་བསུ་བྱས་འདུག
- སྲིད་སྐྱོང་སྤེན་པ་ཚེ་རིང་ལགས་ཀྱིས་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་གོ་སྟོན་དང་འབྲེལ་བའི་ལས་གཞི་གལ་ཆེན་ཁག་གཅིག་སྤེལ་འཆར་ཡོད་སྐོར་གསུངས་པ།
- བོད་དང་ཆོས་རིག་གཉིས་ཀའི་ཐོག་འབྲེལ་ཐག་ཉེ་བའི་འབྲུག་ཡུལ་གྱིས་བོད་མིང་ལ་ཤི་ཙང་ཞེས་འབོད་འགོ་བཙུགས་པ་ནི་བློ་ཕམ་གྱི་གནས་རེད་ཅེས་ཉམས་ཞིབ་པས་འགྲེལ་བརྗོད་གནང་གི་འདུག
- གྲོས་ཚོགས་སུ་བཀའ་ཤག་མེད་པ་དང་སྤྱི་འཐུས་ལྷན་ཚོགས་འཚོགས་མི་ཐུབ་པ། གཏོང་ལེན་ཁྲིམས་ཡིག་གཏན་འབེབས་མ་ཐུབ་པའི་གནས་སྟངས་བྱུང་ནའང་། ལོ་འཁོར་སྔོན་རྩིས་བཀའ་འཁྲོལ་སྤྲོད་ཆོག་པའི་སྒྲིག་གཞི་བསྐྱར་བཅོས་ཀྱི་ཁྲིམས་འཆར་བཏོན་པ།
- ཨ་རིའི་རོགས་དངུལ་བཀག་སྐྱིལ་བྱས་རྐྱེན་སྔོན་རྩིས་ནས་གཅོག་ཆའི་རིགས་ཕལ་ཆེ་བ་ཚོགས་འདུའི་རིགས་ཡིན་སྟབས་སྔོན་རྩིས་ལ་དཀའ་ངལ་ཆེན་པོ་འཕྲད་གཞི་མེད་པ་དཔལ་འབྱོར་བཀའ་བློན་ནས་ལན་འདེབས་གནང་སོང་།