༧གོང་ས་མཆོག་གིས་པཎ་ཆེན་སྐུ་ཕྲེང་༡༠ པའི་ཡང་སྲིད་ངོས་འཛིན་གསལ་བསྒྲགས་མཛད་ནས་ལོ་ངོ་༢༥ འཁོར་བ།

༄༅༎གནད་དོན་གླེང་མོལ་གྱི་ལས་རིམ་ནང་། ༢༠༢༠ ཕྱི་ཟླ་ ༥ ཚེས་ ༡༤ ཉིན་མོ་ནི་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་ནག་ཆུ་ལྷ་རི་རྫོང་དུ་སྐུ་བལྟམས་པའི་ཁྱེའུ་དགེ་འདུན་ཆོས་ཀྱི་ཉི་མ་མཆོག་༧ཀུན་གཟིགས་པཎ་ཆེན་སྐུ་ཕྲེང་༡༠པའི་ཡང་སྲིད་དུ་ངོས་འཛིན་གསལ་བསྒྲགས་མཛད་ནས་བགྲང་བྱ་ ༢༥ ཧྲིལ་པོ་འཁོར་བའི་དུས་ཚིགས་ཁྱད་པར་ཅན་ཞིག་འཁེལ་བ་དང་བསྟུན།   ༧ཀུན་གཟིགས་པཎ་ཆེན་སྐུ་ཕྲེང་ ༡༠ པ་ཆེན་པོ་དགོངས་པ་མྱ་ངན་ལས་འདས་ཚུལ་བསྟན་པའི་སྐབས་གཞིས་ཀྱི་གདན་ས་བཀྲིས་ལྷུན་པོ་དགོན་པར་དངོས་སུ་ཡོད་པ་ད་ཆ་བཙན་བྱོལ་ནང་གི་བྱེས་ཀྱི་གདན་སའི་པཎ་ཆེན་ཨིརྟིནི་ཞབས་ཞུ་བསྟི་གནས་ཁང་གི་འགན་འཛིན་གྱི་ཐུགས་འགན་བཞེས་བཞིན་པ་བློ་བཟང་རྡོ་རྗེ་ལགས་དང་ལྷན་ཨེ་ཤེ་ཡ་རང་དབང་རླུང་འཕྲིན་ཁང་གི་གསར་འགོད་པ་བཀྲིས་དབང་ཕྱུག་ལགས་ཀྱིས་ཆུང་སྲིད་རིན་པོ་ཆེ་ངོས་འཛིན་མཛད་ཕྱོགས་བཅས་ཀྱི་ཐད་གླེང་མོལ་ཞུས་པར་གསན་རོགས་གནང་།།