བྱང་ཨ་རིའི་གཞོན་སྐྱེས་རྣམས་ལ་ SEE ཤེས་ཡོན་སློབ་གསོའི་ཟབ་སྦྱོང་།

༢༠༢༤ ཟླ་ ༨ ཚེས་ ༢ ནས་ ༤ བར་ཉིན་གསུམ་རིང་ཨ་མི་རི་ཀའི་གྲོང་ཁྱེར་ནིའུ་ཡོརཀ་ནང་བྱང་ཨ་རིའི་ནང་གི་བོད་པའི་གཞོན་སྐྱེས་རྣམས་ལ་ SEE ཤེས་ཡོན་ནམ་སྤྱི་སེམས་བཟང་གསུམ་གྱི་ཤེས་ཡོན་སློབ་གསོའི་ཟབ་སྦྱོང་ཚོགས་ཡོད་པ་རེད། 
ཟབ་སྦྱོང་དེའི་བརྒྱུད་ཕན་ཡོན་ཇི་ཡོད་དང་ལྷག་པར་དུ་ཚོགས་བཅར་བ་རྣམས་ལ་རང་གི་མི་ཚེའི་ནང་དུ་ཤུགས་རྐྱེན་གང་འདྲ་ཐེབས་མིན་སོགས་ཀྱི་སྐོར་ལ་བྱང་ཨ་རི་སྐུ་ཚབ་དོན་གཅོད་ཁང་གི་བོད་རིགས་འབྲེལ་མཐུད་པ་ཀུན་དགའ་བཀྲ་ཤིས་ལགས་སུ་བསྟན་འཛིན་དཔལ་མོ་ལགས་ཀྱིས་བཀའ་དྲི་ཞུས་པའི་ལས་རིམ་ཞིག་གསན་རོགས་ཞུ། 
ཡང་གནད་དོན་གླེང་མོལ་གྱི་ལས་རིམ་ནང་།  ཟབ་སྦྱོང་ནང་ཞུགས་མཁན་ཚེ་སྐྱིད་སྒྲོལ་དཀར་ལགས་ཀྱིས་སྔོན་མར་སྦྱོང་བརྡར་ཐོབ་པ་ལག་བསྟར་དངོས་སུ་བྱེད་བཞིན་པའི་ཐོག་ཕན་རླབས་བྱུང་པ་གསུངས་ཤིང་། ཟབ་སྦྱོང་འདིའི་ནང་ཐེངས་དང་པོར་ཞུགས་མཁན་བསྟན་འཛིན་ཉི་མ་ལགས་ཀྱིས་གཞོན་སྐྱེས་ཚོར་སེམས་ངལ་གྱི་གནས་སྟངས་སེལ་ཐབས་སུ་གོ་རྟོགས་འཕེལ་བར་ཕན་ཐོགས་ཆེན་པོ་བྱུང་པ་གསུངས་བྱུང་། གཤམ་ལ་ཟབ་སྦྱོང་ནང་ཞུགས་མཁན་གཉིས་པོར་ཨེ་ཤེ་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་གྱི་འགན་འཛིན་གཞོན་པའི་ལས་ཚབ་བཀྲིས་དབང་ཕྱུག་ལགས་ཀྱིས་བཀའ་དྲི་ཞུས་པ་བཅས་ལས་རིམ་ཁག་གཉིས་ལ་གསན་རོགས་གནང་།།

གསར་འགོད་པ། བསྟན་འཛིན་དཔལ་མོ།  བཀྲིས་དབང་ཕྱུག

རྩོམ་སྒྲིག་འགན་འཛིན་། རྡོ་རྗེ་དགྲ་འདུལ།  རིག་ལྡན་སྒྲོལ་མ།

དྲ་ཐོག་སྤེལ་མཁན་། ནོར་སྡེ་སྒྲོལ་མ།  བཀྲིས་དབང་ཕྱུག