བརྙན་འཕྲིན་གསར་འགྱུར། ༢༠༢༥།༠༢།༠༦

བརྙན་འཕྲིན་གསར་འགྱུར། ༢༠༢༥།༠༢།༠༦ · སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ལ་གདན་ས་ཆེན་པོ་སེ་ར་བྱེས་སྨད་ཀྱི་མཁན་བླ་འདུས་མང་གིས་སྐུ་ཚེ་ཡུན་རིང་བརྟན་པའི་བརྟན་བཞུགས་འདེགས་འབུལ་ཞུས་པ། · བོད་ཉག་ཆུ་རྫོང་གི་རི་འདབས་སུ་མེ་སྐྱོན་ཤུགས་ཆེ་བྱུང་ཡང་མིའི་ཚེ་སྲོག་ལ་གནོད་སྐྱོན་བྱུང་པའི་གནས་ཚུལ་གང་ཡང་བསྒྲགས་མི་འདུག · བོད་ཀྱི་གནད་དོན་འདི་མི་རིགས་རྩ་མེད་ཀྱི་གནས་བབ་ཅིག་ཏུ་ཨ་རིའི་གཞུང་ལ་རྒྱབ་གཉེར་ཞུ་རྒྱུའི་འདུན་པ་ཡོད་པ་ཨ་རིའི་རྒྱལ་སྤྱིའི་ཆོས་དད་རང་དབང་ལྷན་ཚོགས་ཀྱི་ཚོགས་ཆེན་གྱི་ཟུང་འབྲེལ་ཚོགས་གཙོ་ Sam Brownback གིས་གསུངས་བྱུང་། · གླེང་མོལ་གྱི་ལས་རིམ་ནང་། ཨ་རིའི་སྲིད་འཛིན་Trump གྱིས་ཨ་རིའི་གཞུང་གི་ལས་དོན་གནང་ཕྱོགས་ལ་འགྱུར་བ་མང་པོ་ཞིག་གཏོང་བཞིན་པ་དེས་ཨ་རིའི་ནང་ཁྲིམས་མཐུན་མ་ཡིན་པར་གནས་སྡོད་བྱས་ཡོད་པ་རྣམས་ལ་དཀའ་ངལ་ག་རེ་འཕྲད་མིན་དང་། ཁྲིམས་ལུགས་ཀྱི་ཐོག་ནས་རོགས་རམ་འཚོལ་སྟངས་སོགས་ཀྱི་ཐད་གླེང་མོལ་ ཞུས་པ་བཅས་རྒྱང་བསྲིངས་ཞུ་རྒྱུ་ཡོད། Reporter: Tashi Wangchuk Producer: Yeshi Tashi