བརྙན་འཕྲིན་གསར་འགྱུར། ༢༠༢༢།༡༢།༢༧

གོང་ས་༸སྐྱབས་མགོན་ཆེན་པོ་མཆོག་གིས་གནས་མཆོག་རྡོ་རྗེ་གདན་གྱི་དུས་འཁོར་གསུང་ཆོས་རྭ་བའི་ནང་ཝེཏ་ནམ་ནས་ཕེབས་པའི་དད་ལྡན་ཆོས་ཞུ་བ་ལྔ་བརྒྱ་ཙམ་ལ་མཇལ་ཁ་དང་བཀའ་སློབ་སྩལ་གནང་མཛད་ཡོད་པ། བོད་ནང་ས་ཁུལ་ཁག་ཏུ་རིམས་ནད་ཁྱབ་གདལ་ཤུགས་ཆེར་འགྲོ་བཞིན་ཡོད་ཀྱང་སྲིད་གཞུང་གིས་བདག་པོ་མི་རྒྱག་པ་དང་སྨན་མི་རག་པ་སོགས་ཀྱི་དཀའ་ངལ་མང་པོར་འཕྲད་བཞིན་ཡོད་འདུག སྲིད་སྐྱོང་སྤེན་པ་ཚེ་རིང་མཆོག་གིས་ བཀའ་ཤག་ཚོགས་ཁང་དུ་བོད་པའི་སློབ་ཕྲུག་ཁག་ཅིག་ལ་བོད་ནང་གི་གནས་སྟངས་དང་བཙན་བྱོལ་བོད་མིའི་སྒྲིག་འཛུགས་ཀྱི་ལས་དོན་གནང་ཕྱོགས་སོགས་ཀྱི་སྐོར་ངོ་སྤྲོད་གསུང་བཤད་གནང་བ།