བརྙན་འཕྲིན་གསར་འགྱུར། ༢༠༢༤།༠༤།༡༨

༧གོང་ས་༧སྐྱབས་མགོན་ཆེན་པོ་མཆོག་གི་མཇལ་ཁ་ཐོབ་དུས་སེམས་ལ་ཞི་བདེ་ལྡན་པའི་ཚོར་སྣང་བྱུང་སྐོར་བོད་པའི་འབྲས་ནད་ཀྱི་ནད་པ་མང་པོར་བཅོས་ཐབས་གནང་མཁན་སྨན་པ་ཝི་ཀས་གྷོ་ཡལ་ལགས་ཀྱིས་གསུངས་བྱུང་། ཨ་རིའི་གྲོས་ཚོཊ་གོང་མའི་ཕྱི་འབྲེལ་ལས་དོན་ཚོགས་ཆུང་གིས་བོད་རྒྱའི་རྩོད་རྙོག་སེལ་བར་སྐུལ་འདེད་གཏོང་བའི་ཁྲིམས་འཆར་ལ་སྤྱི་མོས་ཀྱི་རྒྱབ་སྐྱོར་གཏན་འབེབས་གནང་ཞིང་། གྲོས་ཚོགས་གོང་མའི་ནང་འོས་བསྡུའི་ཆེད་འགོད་འབུལ་གནང་གི་ཡོད་པ། སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ཕྱི་ལོ་ ༢༠༢༤ ལོའི་དབྱར་དུས་སུ་ལ་དྭགས་ལ་ཆིབས་སྒྱུར་བཀའ་དྲིན་བསྐྱང་རྒྱུའི་ཞལ་བཞེས་མཛད་འདུག Anchor:Tashi Wangchuk Producer: Nordhey Dolma