༸གོང་ས་མཆོག་གིས། ཧི་མ་ཅལ་མངའ་སྡེའི་ཉེན་རྟོག་སྤྱི་ཁྱབ་པར་མཇལ་ཁ་སྩལ་བ།

2023.11.29
༸གོང་ས་མཆོག་གིས། ཧི་མ་ཅལ་མངའ་སྡེའི་ཉེན་རྟོག་སྤྱི་ཁྱབ་པར་མཇལ་ཁ་སྩལ་བ། ༸གོང་ས་མཆོག་གིས་ཧི་མ་ཅལ་མངའ་སྡེའི་ཉེན་རྟོག་སྤྱི་ཁྱབ་པ་དང་དཔོན་རིགས་ཁག་ཅིག་ལ་མཇལ་ཁ་སྩལ་བའི་སྐབས། ༢༠༢༣།༡༡།༢༩ ཉིན།
OHHDL

བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་འདི་ཚེས་ ༢༩ ཉིན་བཞུགས་སྒར་༸རྒྱལ་བའི་ཕོ་བྲང་དུ་ཧི་མ་ཅལ་མངའ་སྡེའི་ཉེན་རྟོག་སྤྱི་ཁྱབ་པ་སྐུ་ཞབས་ (DGP Sanjay Kundu) ལགས་དང་ IG Zahur Zedi ལགས་རྣམ་གཉིས། དེ་བཞིན་ཧི་མ་ཅལ་མངའ་སྡེའི་ས་ཁུལ་ཁག་འདྲ་མིན་ནས་ཕེབས་པའི་ཉེན་རྟོག་དཔོན་རིགས་ཁག་གཅིག་བཅས་ལ་མཇལ་ཁ་སྩལ་ཡོད་པ་ཅིང་། ༸གོང་ས་༸སྐྱབས་མགོན་ཆེན་པོ་མཆོག་གིས། ངོས་རང་རྒྱ་ནག་གི་དབང་འགྱུར་འོག་ནས་བྲོས་བྱོལ་དུ་སླེབས་པ་ནས་བཟུང་། ངོས་རང་འདི་གར་འཇིགས་ཉེན་མེད་པའི་ཚོར་བ་ཡོང་བཞིན་འདུག ཅེས་དང་། དེར་ངོས་ཀྱིས་ཡི་རང་བསྔགས་བརྗོད་ཞུ་བཞིན་ཡོད་ཅེས་བཀའ་སྩལ་ཡོད་འདུག

406573099_738105708352927_3922033316169766973_n.jpg

དེ་བཞིན་༸གོང་ས་༸སྐྱབས་མགོན་ཆེན་པོ་མཆོག་གིས་མུ་མཐུད་བཀའ་སློབ་སྩལ་བའི་ནང་། རྒྱ་ནག་ནང་འགྱུར་བ་འགྲོ་བཞིན་ཡོད་ན་ཡང་། ངོས་རང་རྒྱ་གར་ལུང་པའི་ནང་བསྡད་རྒྱུ་ཡིན། ཞེས་དང་། རྒྱ་གར་ནི་བདག་ཅག་གི་སྟོན་པ་ཤཱཀྱ་ཐུབ་པས་བྱིན་གྱིས་བརླབས་པའི་གནས་ཁྱད་པར་ཅན་ཞིག་དང་། ངོས་རང་དཔལ་ནཱ་ལེནྡྲའི་ཆོས་བརྒྱུད་ཀྱི་རྗེས་སུ་འཇུག་མཁན་ཞིག་ཡིན་པས། ངོས་རང་རྒྱ་གར་ནང་བསྡད་རྒྱུའི་འདོད་པ་ཡོད། ཅེས་དང་། ལྷག་པར་དུ་རྒྱ་གར་དེ་བཞིན་ཆབ་སྲིད་ཀྱི་ཐོག་ནས་མང་གཙོའི་རྒྱལ་ཁབ་ཅིག་དང་། ཆོས་ཕྱོགས་ཀྱི་ཐོག་ནས་རྒྱ་གར་ནང་ཆོས་ལུགས་ཚང་མ་འཆམ་མཐུན་ངང་གནས་བཞིན་པ་དེ་ངོ་མཚར་ཅན་ཞིག་རེད་ཅེས་བཀའ་སྩལ་འདུག

406111770_738105961686235_5852768612777286760_n.jpg

ཡང་མཇལ་ཁའི་ཐོག་ཧི་མ་ཅལ་མངའ་སྡེའི་ཉེན་རྟོག་སྤྱི་ཁྱབ་ཀྱིས་དབུས་གཞན་ཡང་ཉེན་རྟོག་དཔོན་རིགས་ཆེ་ཁག་ཐུན་མོང་ནས་༸གོང་ས་༸སྐྱབས་མགོན་ཆེན་པོ་མཆོག་གི་རླབས་ཆེན་གྱི་མཛད་རྗེས་ལ་ཆེ་བསྟོད་ཀྱི་ཚུལ་དུ་དབུ་ཞྭ་དང་ཕྱག་རྟགས་འབུལ་ལམ་ཞུས་ཡོད་པ་རེད། ཁོང་རྣམ་པ་ད་རེས་གཙོ་བོ་བཞུགས་སྒར་དྷ་རམ་ས་ལར་ཚོགས་བཞིན་པའི་ཧི་མ་ཅལ་ཉེན་རྟོག་རུ་ཁག་དབར་གྱི་རྩེད་མོའི་འགྲན་བསྡུར་ཞིག་ཏུ་ཕེབས་པ་ཡོད་པ་རེད་འདུག

གསར་འགོད་པ། པ་སངས་ཚེ་རིང་། 
རྩོམ་སྒྲིག་པ། ཡེ་ཤེས་ཟླ་བ། བསྟན་འཛིན་འཕགས་སྒྲོན། 
དྲྭ་ཐོག་སྤེལ་མཁན། ཡེ་ཤེས་ཟླ་བ།

བལྟ་བཤེར་མང་ཤོས་བྱས་པའི་གནས་ཚུལ།
RFA
སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གི་༧སྐུའི་འཕྲོད་བཞེས་སྤྱིའི་ཆ་ནས་ཧ་ཅང་ཡག་པོ་ཡོད་པ་སྲིད་སྐྱོང་མཆོག་གིས་གསུངས་བྱུང་།
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
ཡོ་རོབ་མཉམ་འབྲེལ་སྒྲིག་འཛུགས་ཀྱིས་རྒྱ་ནག་ནས་ནང་འདྲེན་བྱས་པའི་གློག་སྒུལ་མོ་ཀྲ་ལ་སྒོ་ཁྲལ་སྤར་རྒྱུ་ཡིན་འདུག
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎