གསེར་རྟ་རྫོང་ནས་རྡོ་རྗེ་རིན་ཆེན་གྱིས་བོད་དོན་སྐད་འབོད།


2014.10.17
རྡོ་རྗེ་རིན་ཆེན་དང་བོད་དོན་སྐད་འབོད་བྱེད་ཡུལ་གསེར་རྟ་རྫོང། རྡོ་རྗེ་རིན་ཆེན་དང་བོད་དོན་སྐད་འབོད་བྱེད་ཡུལ་གསེར་རྟ་རྫོང།
བོད་འབྱོར།

དཀར་མཛེས་ཁུལ་གསེར་རྟ་རྫོང་ནས་བོད་མི་རྡོ་རྗེ་རིན་ཆེན་གྱིས་རྒྱ་ནག་གཞུང་ལ་ངོ་རྒོལ་སྐད་འབོད་གནང་རྗེས་འཛིན་བཟུང་བྱས་ཡོད་འདུག
དེ་ཡང་འདི་ག་རླུང་འཕྲིན་ཁང་ལ་གནས་ཚུལ་འབྱོར་དོན། ཕྱི་ཚེས་༡༦ཉིན་དཀར་མཛེས་ཁུལ་གསེར་རྟ་རྫོང་གི་ཐང་ཆེན་དུ་བོད་མི་གཞོན་སྐྱེས་ཞིག་གིས་རྒྱ་ནག་གཞུང་ལ་ངོ་རྒོལ་སྐད་འབོད་བྱས་སྐབས་དེ་མ་ཐག་ས་གནས་ཉེན་རྟོག་པས་བོད་མི་དེར་ཉེས་རྡུང་དྲག་པོ་བཏང་ནས་འཛིན་བཟུང་བྱས་ཡོད་པ་དང་། ཁོང་གིས་གསེར་རྟའི་ཐང་ཆེན་དུ་༧གོང་ས་༧སྐྱབས་མགོན་ཆེན་པོ་མཆོག་སྐུ་ཚེ་ཁྲི་ཕྲག་བརྟན་པར་ཤོག་སོགས་སྐད་འབོད་གནང་ཡོད་འདུག ཉེས་རྡུང་གཏོང་མཁན་མང་པོ་ཞིག་ས་གནས་དེའི་བོད་མི་ཉེན་རྟོག་པ་ཡིན་པའི་སྐོར་གནས་ཚུལ་དངོས་སུ་མཐོང་མཁན་བོད་མི་ཞིག་གིས་ངོ་སྤྲོད་གནང་ཡོད། ད་ལྟའི་ཆར་ཁོང་གང་དུ་བཀག་ཉར་བྱས་ཡོད་མེད་དང་ས་གནས་ཀྱི་གནས་སྟངས་སོགས་ཤེས་རྟོགས་མ་ཐུབ་པར་ལྷག་ཡོད་འདུག
གོང་གི་འཛིན་བཟུང་བྱས་མ་ཐག་པའི་བོད་མི་རྡོ་རྗེ་རིན་ཆེན་ནམ་རྡོ་རིས་ལགས་ནི་དཀར་མཛེས་ཁུལ་གསེར་རྟ་རྫོང་ཧོར་ཤུལ་ཡུལ་ཚོའི་མ་རིག་མཚོའི་བུ་ཡིན་པ་དང་། ཁོང་འཛིན་བཟུང་མ་བྱས་གོང་གསེར་རྟ་བླ་རུང་སྒར་དུ་ཚོང་ལས་གཉེར་ཡོད་པ་དང་། དེ་སྔོན་གནུབས་ཟུར་དགོན་པའི་གྲྭ་པ་ཡིན་འདུག

གསར་འགོད་པ་དོན་གྲུབ་རྣམ་རྒྱལ།

ཞིབ་ཕྲ་འདི་གའི་གསར་འགོད་པ་ཀུན་བཟང་བསྟན་འཛིན་གྱིས་བཏང་བའི་གནས་ཚུལ་ལ་གསན་རོགས།

བལྟ་བཤེར་མང་ཤོས་བྱས་པའི་གནས་ཚུལ།
RFA
རྒྱ་གར་ལྷོ་ཕྱོགས་མོན་གྷོ་འདོད་རྒུ་གླིང་བོད་མིའི་གཞིས་ཆགས་སུ་ཆར་རླུང་དྲག་པོ་བརྒྱབ་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
སྲིད་སྐྱོང་མཆོག་གིས་ཨ་རིའི་རྒྱལ་སའི་མངའ་ཁུལ་གྱི་གཞུང་འབྲེལ་མཛད་འཆར་ཁག་དབུ་འཛུགས་གནང་འདུག
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎