པེ་ཅིན་ལ་དགའ་ལྡན་ལྔ་མཆོད་སྲུང་བརྩི།


2013-12-31
Share
དགའ་ལྡན་ལྔ་མཆོད་སྲུང་བརྩིའི་གསལ་བསྒྲགས་ཡིག་ཆ། པེ་ཅིན་ལ་དགའ་ལྡན་ལྔ་མཆོད་སྲུང་བརྩི།
པར། ཨེ་ཤེ་ཡ་རང་དབང་རླུང་འཕྲིན།

པེ་ཅིན་ལ་ཡོད་པའི་ཀྲུང་དབྱང་མི་རིགས་སློབ་ཆེན་མོའི་རིག་གཞུང་བགྲོ་གླེང་ཚོམས་ཁང་དུ་བོད་རིག་པ་ཞིབ་འཇུག་གླིང་གི་སློབ་མ་ཚོས་དགའ་ལྡན་ལྔ་མཆོད་སྲུང་བརྩི་བྱས་འདུག
དེ་ཡང་འདི་ག་རླུང་འཕྲིན་ཁང་ལ་གནས་ཚུལ་འབྱོར་དོན། ཟླ་༡༢ཚེས་༢༧དགའ་ལྡན་ལྔ་མཆོད་ཆེན་མོར་པེ་ཅིན་ལ་ཡོད་པའི་ཀྲུང་དབྱང་མི་རིགས་སློབ་ཆེན་མོའི་རིག་གཞུང་བགྲོ་གླེང་ཚོམས་ཁང་དུ་། སློབ་གླིང་དེའི་བོད་རིག་པ་ཞིབ་འཇུག་གླིང་གི་སློབ་མ་ཚོས་མཉམ་དུ་མཆོད་སྤྲིན་ཞེས་བའི་བརྗོད་གཞིའི་ཐོག་དགའ་ལྡན་ལྔ་མཆོད་ཆེན་མོ་སྲུང་བརྩི་ཆེད་རྗེ་ཙོང་ཁ་བ་ཆེན་མོར་རྗེས་དྲན་གྱི་རིག་གཞུང་བགྲོ་གླེང་ཚོགས་འདུ་ཚོགས་ཡོད་པ་དང་། སྐབས་དེར་དགེ་རྒན་གོ་ཤུལ་གྲགས་པ་འབྱུང་གནས་དང་། བཀྲ་བྷ སྟུག་རྒྱའི་བཀའ་སྲུང་མགོན་པོའམ་ཁུ་བྱུག་བཅས་ཀྱིས་དགའ་ལྡན་ལྔ་མཆོད་དང་འབྲེལ་བའི་གསུང་བཤད་ཐུང་ཐུང་རེ་གནང་རྗེས། སློབ་མ་ཚོས་རྟེན་འབྲེལ་བསྟོད་པ་དང་། ལམ་གཙོ་རྣམ་གསུམ་བློ་རྒྱུགས་ཕུད་འདུག ཚོགས་ཐོག་ཏུ་བོད་མི་ཙམ་མ་ཡིན་པར་རྒྱ་རིགས་འགའ་ཤས་ཡང་མཉམ་ཞུགས་བྱས་ཡོད་པ་དང་། མཛད་རིམ་བཞིན་སློབ་གླིང་གི་ཞིབ་འཇུག་སློབ་མ་དང་། དངོས་གཞིའི་སློབ་མ་སོགས་ཀྱིས་མཉམ་དཔྱད་རྩོམ་བགྲོ་གླེང་བྱས་འདུག དེའི་ནང་དུ་ཡང་རྒྱ་རིགས་ཞིབ་འཇུག་སློབ་མ་གཅིག་མཉམ་ཞུགས་བྱས་བ་དང་། ཁོས་ཅང་ཞི་ཞིང་ཆེན་གྱི་གྲོང་གསེབ་ཅིག་ཏུ་བོད་ཀྱི་དགོན་པ་པད་མ་དགོན་ཞེས་པ་ཞིག་ཡོད་རབས་གླེང་ནས་ཁོང་ཆུང་དུས་ནས་ནང་ཆོས་ཀྱི་བག་ཆགས་ཡོད་པ་སོགས་བཤད་འདུག་ལ། རིམ་པས་ཚང་མས་མཉམ་དུ་བོད་ཀྱི་ལོ་རྒྱུས་དང་། རིག་གནས། ཚད་མ་སོགས་ནས་འཕྲོས་པའི་གཏམ་བཤད་དང་བགྲོ་གླེང་བྱས་ཡོད་འདུག
འོན་ཀྱང་བོད་ཀྱི་རྒྱལ་ས་ལྷ་སའི་ཁུལ་དུ་རྒྱ་ནག་གིས་གང་སར་དམག་མི་དང་། ཉེན་རྟོག་པ། གསང་བའི་མི་རྒྱ་སོགས་བརྒྱ་ཕྲག་མང་པོ་དཀྲམ་ནས་དགའ་ལྡན་ལྔ་མཆོད་ཆེན་མོའི་སྔ་ཕྱི་བར་གསུམ་དུ་དམ་དྲག་ཆེན་པོ་བྱས་ཡོད་པ་རེད།

མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎

དྲ་གནས་ཆ་ཚང༌།