ནང་སྲིད་བཀའ་བློན་མཆོག་དང་ཧི་མ་ཅལ་བློན་ཆེན་མཇལ་འཕྲད།

༄༅༎བཙན་བྱོལ་བོད་གཞུང་གི་དྲ་རྒྱའི་ནང་གནས་ཚུལ་སྤེལ་བ་ལྟར་ན། སྤྱི་ཚེས་༢༨ཉིན་ནང་སྲིད་བཀའ་བློན་རྒྱ་རི་སྒྲོལ་མ་མཆོག་གིས། སིམ་ལར་ཧི་མཱ་ཅལ་མངའ་སྡེའི་བློན་ཆེན་སྐུ་ཞབས་པེ་རེམ་ཀུ་མཱར་ཌུ་མལ་མཆོག་དང་མཇལ་འཕྲད་ཀྱིས། ས་གནས་བོད་མིའི་བདེ་སྡུག་དང་འབྲེལ་བའི་གནད་དོན་སྐོར་གླེང་མོལ་གནང་བ་དང༌། ཧི་མཱ་ཅལ་མངའ་གཞུང་གིས་ཉེ་ལམ་རྒྱལ་བ་ཀརྨ་པ་རིན་པོ་ཆེ་མཆོག་གི་མཚན་ཁྲིམས་འགལ་གྱི་དངུལ་གསོག་འཇོག་བྱས་པའི་ཉེས་མིང་ནང་འཁོད་ཡོད་པ་དེ་ཕྱིར་འཐེན་གནང་བར་སྙིང་ཐག་པ་ནས་ཐུགས་རྗེ་ཆེ་ཞུས་ཡོད་འདུག།

ད་དུང་ཉིན་དེར་ནང་སྲིད་བཀའ་བློན་མཆོག་གིས་ཧི་མཱ་ཅལ་མངའ་གཞུང་གི་སྤྱི་ཚོགས་དྲང་བདེན་ནུས་ཤུགས་སྐྱེད་སྲིང་ལས་ཁུངས་ཀྱི་དྲུང་ཆེ་ལས་འཕར་སྐུ་ཞབས་དཱས་མཆོག་དང་ཐུག་འཕྲད་གྱིས། མངའ་སྡེའི་ནང་བོད་མི་ཚོར་ས་ཆ་བོགས་མ་བཏང་བའི་སྐོར་གྲོས་མོལ་གནང་ཡོད་འདུག