ཨ་རིའི་མཐོ་སློབ་ཅིག་ཏུ་བཀའ་ཁྲིས་གསུང་བཤད་གནང་འཆར།

ནུབ་ཀ་ནེ་ཀྲི་ཀེཏ་གཙུག་ལག་སློབ་གྲས་བཀའ་ཁྲིར་བཙན་བྱོལ་ནང་གི་དམངས་གཙོའི་འཕེལ་རིམ་ཐོག་ལ་གསུང་བཤད་གནང་བར་གདན་ཞུ།

2012.01.20

༄༅༎ཨ་མི་རི་ཀའི་ནུབ་ཀ་ནེ་ཀྲི་ཀེཏ་(Connecticut)མངའ་སྡེའི་གཙུག་ལག་སློབ་གྲའི་གཙོ་འཛིན་གྱིས་གསུང་བཤད་གནང་མཁན་རིམ་པ་གོ་སྒྲིག་ཞུ་བའི་ཁོངས་སུ་བཙན་བྱོལ་བོད་མིའི་སྒྲིག་འཛུགས་ཀྱི་བཀའ་བློ་ཁྲི་པ་བློ་བཟང་སེང་གེ་མཆོག་གིས་བཙན་བྱོལ་ནང་གི་དམངས་གཙོའི་འཕེལ་རིམ་ཐོག་ལ་གསུང་བཤད་གནང་བར་གདན་ཞུ་གནང་ཡོད་པའི་སྐོར་བཙན་བྱོལ་བོད་མིའི་སྒྲིག་འཛུགས་ཀྱི་དྲ་རྒྱའི་ཐོག་གནས་ཚུལ་སྤེལ་བཞག་ རིང་མིན་ཕྱི་ཟླ་གཉིས་པའི་ཚེས་༢༡ རེས་གཟའ་མིག་དམར་ཉིན་གྱི་ཕྱི་དྲོའི་ཚོུད་༢ པའི་ཐོག་བཀའ་བློན་ཁྲི་པ་བློ་བཟང་སེང་གེ་མཆོག་གིས། གཙུག་ལག་སློབ་གྲ་དེའི་ཚོགས་ཁང་ཆེན་མོའི་ནང་གསུང་བཤད་གནང་རྒྱུ་ཡིན་ཞིང༌། གཙུག་ལག་སློབ་གྲ་དེའི་ཚོགས་གཙོ་སྐུ་ཞབས་ཇེམ་སི་ཤོ་མོ་ཀྲར་གྱིས་གསུང་ན། ང་ཚོས་བཀའ་བློན་ཁྲི་པ་བློ་བཟང་སེང་གེ་མཆོག་ལ་ཆེ་བསྟོད་ཀྱིས་གདན་ཞུ་བྱས་པ་ལྟར། འདི་ལོའི་དཔྱིད་ཀའི་གནད་ཡོད་མི་སྣ་གདན་ཞུའི་གསུང་བཤད་གནང་མཁན་གྲས་ཡིན་པ་གསུང་ཡོད་པ་མ་ཟད། ཁོང་གིས་དེང་སྐབས་བོད་ནང་གི་གནས་སྟངས་ཛ་དྲག་གི་དུས་སྐབས་དེར། ཆབ་སྲིད་དང་དམངས་གཙོ། འགྲོ་བ་མིའི་ཐོབ་ཐང་སྐོར་ལ་གསུང་བཤད་གནང་རྒྱུ་ཡིན་པ་རེད་ གཙུག་ལག་སློབ་གྲ་དེའི་དྲ་རྒྱའི་ཐོག་ལའང་བཀའ་བློ་ཁྲི་པ་མཆོག་གི་ལོ་རྒྱུས་མདོར་བསྡུས་ཤིག་དང༌། གསུང་བཤད་ཉན་བར་མཐོ་རིམ་སློབ་གྲ་དེའི་སློབ་ཕྲུག་དང་དགེ་རྒན། ལས་བྱེད་ཙམ་མ་ཡིན་པར་མི་དམངས་ཀྱང་ཕེབས་ཆོག་པ་མ་ཟད། རིན་མེད་དུ་མཐུན་རྐྱེན་སྦྱར་རྒྱུ་ཡིན་པའི་སྐོར་སོགས་བཀོད་ཡོད་པ་རེད།

བལྟ་བཤེར་མང་ཤོས་བྱས་པའི་གནས་ཚུལ།
RFA
ཨ་རིའི་གྲོས་ཚོགས་གོང་མའི་ནང་བོད་རྒྱའི་རྩོད་རྙོག་སེལ་བར་སྐུལ་འདེད་གཏོང་བའི་ཁྲིམས་འཆར་ལ་སྤྱི་མོས་རྒྱབ་སྐྱོར་ཐོབ་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
ཨ་རིའི་སྲིད་འཛིན་ཕོ་བྲང་དཀར་པོའི་ངོས་ནས་ས་ག་ཟླ་བའི་དུས་ཆེན་སྲུང་བརྩི་གནང་འདུག
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎