ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བ་ཟུར་པ་ཕུན་རབ་བློ་བཟང་དར་རྒྱས་ལགས་དགོངས་པ་རྫོགས་འདུག

2023.11.24
ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བ་ཟུར་པ་ཕུན་རབ་བློ་བཟང་དར་རྒྱས་ལགས་དགོངས་པ་རྫོགས་འདུག ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བ་ཟུར་པ་ཕུན་རབ་བློ་བཟང་དར་རྒྱས་ལགས་དགོངས་པ་རྫོགས་པར་གཞུང་འབྲེལ་མཆོད་འབུལ་གནང་སྐབས། ༡༡།༢༤།༢༠༢༣
CTA

བོད་མིའི་སྒྲིག་འཛུགས་ཀྱི་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བ་ཐོག་མ་དང་ཁྲིམས་ཞིབ་པ་ཟུར་པ་ཕུན་རབ་བློ་བཟང་དར་རྒྱས་ལགས་ཕྱི་ལོ་༢༠༢༣ཟླ་༡༡པའི་ཚེས་༢༣ཉིན་དགོངས་པ་རྫོགས་ཡོད་འདུག དམ་པ་ཁོང་ནི་ཕྱི་ལོ་༡༩༣༧ལོར་བོད་ཀྱི་རྒྱལ་ས་ལྷ་སར་འཁྲུངས་ཞིང་། ཆུང་དུས་ནས་བོད་ཡིག་སློབ་གཉེར་གནང་བ་དང་། དེ་ནས་རིམ་པས་ཀ་སྦུག་ཏུ་དབྱིན་ཇིའི་སྐད་ཡིག་སློབ་སྦྱོང་གནང་ཞོར་བོད་ཡིག་སློབ་ཁྲིད་གནང་ཡོད་འདུག ཕྱི་ལོ་༡༩༦༠་འགོ་སྟོད་དུ་རྒྱ་གར་ལྷོ་ཕྱོགས་ལུགས་བསམ་གཞིས་ཆགས་སུ་དགེ་རྒན་གྱི་ཕྱག་ལས་གནང་བ་དང་། དེ་ནས་བོད་མི་མང་དབུས་གཙང་སྤྱི་འཐུས་སུ་འདེམས་ཐོན་བྱུང་བ་མ་ཟད། སྤྱི་འཐུས་ཚོགས་གཞོན་གྱི་ཐུགས་འགན་བཞེས། དེ་ནས་སྐབས་དེའི་བཙན་བྱོལ་བོད་གཞུང་གི་བཀའ་བློན་གྱི་ཐུགས་འགན་ལོ་མང་རིང་བཞེས་ཞིང་། དབུས་འོས་བསྡུའི་སྤྱི་ཁྱབ་འགན་འཛིན་གྱི་ཐུགས་འགན་ཡང་བཞེས་ཡོད་པོ་རེད། མཐར་བོད་མིའི་སྒྲིག་འཛུགས་ཀྱི་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བར་བསྐོ་བཞག་བྱུང་བ་ལྟར་ཕྱག་ལས་གནང་། ཕྱི་ལོ་༢༠༠༢་ལོར་བགྲེས་ཡོལ་དུ་ཕེབས་ཡོད་པ་བཅས་སྐུ་ཚེ་ཧྲིལ་པོ་བཙན་བྱོལ་སྤྱི་ཚོགས་ཀྱི་མང་གཙོའི་ཀ་བ་གསུམ་ཀའི་ནང་ཐུགས་འགན་བཞེས་མྱོང་མཁན་ཞིག་ཡིན་པ་མ་ཟད། བགྲེས་ཡོལ་ཕེབས་ཟིན་པའི་རྗེས་སུའང་༧གོང་ས་ཏཱ་ལའི་བླ་མའི་འཛམ་གླིང་སྤྱི་ཡོངས་འོས་འགན་ཐེབས་རྩ་ཁང་གི་ཚོགས་མི་གནང་བ་སོགས་གནང་ཡོད་འདུག
དབུས་བོད་མིའི་སྒྲིག་འཛུགས་ཀྱི་སྲིད་སྐྱོང་ལས་ཚབ་ཤེས་རིག་བཀའ་བློན་ཐར་ལམ་སྒྲོལ་མ་ལགས་དབུ་བཞུགས་ཐོག་བཀའ་ཟུར་དམ་པ་དེའི་མཛད་རྗེས་དྲན་གསོ་ཞུས་པ་དང་། ཉིན་རྒྱབ་ལས་ཁུངས་ཁག་སྒོ་རྒྱབ་ཏེ་སྲི་ཞུའི་ལས་བྱེད་རྣམས་འཛོམས་ནས་བསྔོ་སྨོན་གསོལ་འདེབས་གནང་ཡོད་འདུག
ཁོང་གི་སྐུ་ཚེ་ལོ་རྒྱུས་སྐོར་རྒྱུས་མངའ་ཡོད་མཁན་བོད་མི་མང་སྤྱི་འཐུས་དཔོན་ཚང་བློ་བཟང་ཐུབ་བསྟན་ལགས་ལ་ཆོས་སྐྱིད་ལགས་ཀྱིས་བཅར་འདྲི་ཞུས་པ་གོང་གི་དྲྭ་ཐག་ནས་གསན་ཐུབ།


གསར་འགོད་པ། རིག་འཛིན་ཆོས་སྒྲོན།
རྩོམ་སྒྲིག་པ། རྡོ་རྗེ་དགྲ་འདུལ།
དྲྭ་ཐོག་སྤེལ་མཁན། ཀླུ་འབུམ།

བལྟ་བཤེར་མང་ཤོས་བྱས་པའི་གནས་ཚུལ།
RFA
ཡོངས་འཛིན་གླིང་མཆོག་སྤྲུལ་རིན་པོ་ཆེས་བལ་ཡུལ་ནང་སེར་སྐྱ་མི་མང་ཁྲི་ཚོ་བརྒལ་བར་ཆོས་འབྲེལ་བཀྲིན་བསྐྱངས་པ།
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
ཧྥ་རན་སི་དང་བྷེལ་ཇིཡམ་བཅས་སུ་སྡེ་དགེ་ཕྱོགས་ཀྱི་དཀའ་ངལ་དང་འབྲེལ་བོད་མི་ཚོས་རྒྱ་ནག་གཞུང་ལ་ངོ་རྒོལ་གནང་འདུག
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎