བོད་རང་སྐྱོང་ལྗོངས་ཞེས་བའི་ནང་གི་སྟག་དང་པོ་འཇུ་བཟུང་།


2015.06.26
རྒྱ་ནག་གིས་བོད་རང་སྐྱོང་ལྗོངས་ཟེར་བའི་གསང་བའི་བདེ་འཇགས་ཀྱི་འགོ་ཁྲིད་ཟུར་པ་ལེ་ཏ་ཁོ། རྒྱ་ནག་གིས་བོད་རང་སྐྱོང་ལྗོངས་ཟེར་བའི་གསང་བའི་བདེ་འཇགས་ཀྱི་འགོ་ཁྲིད་ཟུར་པ་ལེ་ཏ་ཁོ།
Photo: RFA

རྒྱ་ནག་གིས་བོད་རང་སྐྱོང་ལྗོངས་ཟེར་བའི་གསང་བའི་བདེ་འཇགས་ཀྱི་འགོ་ཁྲིད་ཟུར་པ་ལེ་ཏ་ཁོ་འཇུ་བཟུང་བྱས་ཡོད་པ་རེད།
དེ་ཡང་རྒྱ་ནག་གིས་བོད་རང་སྐྱོང་ལྗོངས་ཟེར་བའི་གསང་བའི་བདེ་འཇགས་ཀྱི་འགོ་འཁྲིད་ཟུར་པ་དང་། ལྗོངས་མི་མང་འཐུས་མིའི་གྲོས་ཚོགས་ཀྱི་རྒྱུན་ལས་ཀྱི་འགོ་ཁྲིད་གཞོན་པ་ལེ་ཏ་ཁོ་ལྐོག་ཟ་རུལ་སུངས་ཀྱི་དོགས་གཞི་ཐོག་ནས་འཛིན་བཟུང་བྱས་ཡོད་པ་དང་། རྒྱ་ནག་གུང་ཁྲན་ཏང་གི་རྒྱལ་ཡོངས་སྒྲིག་ཁྲིམས་ཞིབ་བཤེར་ལས་ཁང་གིས་རེས་གཟའ་པ་སངས་ཉིན་ཕྱི་བསྒྲགས་ཤིག་སྤེལ་བའི་ནང་། བོད་རང་སྐྱོང་ལྗོངས་གི་མི་མང་གི་གྲོས་ཚོགས་ཀྱི་རྒྱུན་ལས་ཚོགས་ཆུང་གི་འགོ་ཁྲིད་གཞོན་པ་ ལེ་ཏ་ཁོ་ལ་ལྐོག་ཟ་རུལ་སུངས་ཀྱི་གནད་དོན་ཐོག་ཞིབ་འཇུག་བྱེད་བཞིན་པ་ཡིན་པའི་བཀོད་ཡོད་པ་རེད། འོན་ཀྱང་གསལ་བསྒྲགས་དེའི་ནང་ལེ་ཏ་ཁོའི་ནག་ཉེས་དང་ལྐོག་ཟ་རུལ་སུངས་ཀྱི་གནད་དོན་གང་དང་གང་ཡིན་མིན་གྱི་གནས་ཚུལ་གསལ་ཁ་གང་ཡང་བཏོན་མེད་པ་རེད་འདུག ཡང་རྒྱ་ནག་གི་གཞུང་འབྲེལ་གྱི་བརྒྱུད་ལམ་ནང་ལོ་ན་༥༥་ལ་སོན་པའི་ལེ་ཏ་ཁོ་རྒྱ་ནག་རྒྱལ་ཡོངས་ནང་ལྐོག་ཟ་རུལ་སུངས་ཀྱི་གནད་དོན་ཐོག་ཞིབ་འཇུག་ཀྱི་ལས་འགུལ་ནང་འཛིན་བཟུང་བྱས་པ་དང་། བོད་རང་སྐྱོང་ལྗོངས་ཀྱི་གནས་རིམ་ནང་། ལེ་ཏ་ཁོ་ལྐོག་ཟ་རུལ་སུངས་ཀྱི་དོགས་གཞིའི་ཐོག་དོ་དམ་འཛིན་བཟུང་བྱས་པའི་དཔོན་རིགས་མཐོ་ཤོས་ཡིན་པ་བཀོད་ཡོད་པ་རེདའདུག གཞུང་འབྲེལ་གྱི་བརྒྱུད་ལམ་ནང་ལེ་ཏ་ཁོ་བོད་རང་སྐྱོང་ལྗོངས་ཀྱི་ས་ཁུལ་ནས་ལྐོག་ཟ་རུལ་སུངས་ལ་རྡུང་རྡེག་ཀྱི་ལས་འགུལ་ནང་འཛིན་བཟུང་བྱས་པའི་སྟག་དང་པོ་དེ་ཡིན་པ་འགྲེལ་བརྗོད་བྱས་འདུག རྒྱ་ནག་གིས་སྲིད་འཛིན་ཞི་ཅིང་ཕིང་གིས་ལྐོག་ཟ་རུལ་སུངས་ལ་གདོང་ལེན་གྱི་ལས་འགུལ་ནང་སྟག་དང་སྦྲང་འབུ་གཉིས་ཀའི་ཐོག་ཞིབ་འཇུག་ཉེས་ཆད་ལག་ལེན་བསྟར་རྒྱུའི་བཀའ་རྒྱ་བཏང་ནས་རྒྱ་ནག་གི་ས་ཁུལ་ཁག་ཏུ་དཔོན་རིགས་ཆེ་ཆུང་མང་པོ་ཞིག་འཛིན་བཟུང་བཀག་ཉར་དང་ཁྲིམས་ཞིབ་ཀྱི་བརྒྱུད་རིམ་གྱི་ཐོག་ནས་སྲོག་ཐོག་དང་བཙོན་འཇུག་སོགས་ཀྱི་ཉེས་ཆད་མང་པོ་ལག་ལེན་བསྟར་ཟིན་པ་རེད། བོད་རང་སྐྱོང་ལྗོངས་ཀྱི་ཁུལ་དུ་དེ་སྔོན་རྗོང་དང་ཁུལ་གྱི་ལས་བྱེད་ཁ་ཤས་འཛིན་བཟུང་ཞིབ་འཇུག་བྱས་ཡོད་ལེ་ཏ་ཁོ་བོད་རང་སྐྱོང་ལྗོངས་ཀྱི་ཁྱབ་ཁོངས་ནས་ལྐོག་ཟ་རུལ་སུངས་ཀྱི་དོགས་གཞིའི་ཞིབ་འཇུག་བྱས་པའི་འགོ་ཁྲིད་མཐོ་ཤོས་ཡིན་པ་རེད་འདུག

གསར་འགོད་པ་ཀརྨ་རྡོ་རྗེ།

བལྟ་བཤེར་མང་ཤོས་བྱས་པའི་གནས་ཚུལ།
RFA
སྲིད་སྐྱོང་མཆོག་གིས་བོད་དང་ས་འབྲེལ་ལ་དྭགས་བྱང་ཐང་རྒོད་ཡུལ་སོགས་སུ་འཚམས་གཟིགས་གནང་བཞིན་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མཆོག་གི་ཚ་མོ་ཉི་མ་ལྷ་མོ་ལགས་ཀྱིས་བརྩམས་པའི་བདེན་དོན་གླེང་བའི་གཏམ་ཟེར་བའི་དེབ་ཅིག་བདེ་སྲུང་བཀའ་བློན་རྒྱ་རི་སྒྲོལ་མ་ལགས་ནས་དབུ་འབྱེད་གནང་བ།
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎