བོད་ཁུལ་དུ་རྒྱ་དམག་འབུམ་གསུམ་ལྷག་གཏན་སྡོད་བྱས་འདུག

བོད་རང་སྐྱོང་ལྗོངས་ཟེར་བའི་ལྷོ་ཕྱོགས་མཐའ་མཚམས་སུ་རྒྱ་ནག་དང་རྒྱ་གར་གཉིས་ཀྱིས་དམག་ཤུགས་འགྲན་བསྡུར་བྱེན་ཀྱིན་པ་དང་ད་ལྟ་བོད་ཁུལ་དུ་རྒྱ་ནག་གི་དམག་མི་འབུམ་གསུམ་ལྷག་གཏན་སྡོད་བྱས་ཡོད་འདུག

2012.07.30

རོའུ་ཊིར་གསར་ལས་ཁང་གི་གནས་ཚུལ་ནང་། ཨེ་ཞི་ཡའི་རྒྱལ་ཁབ་ཆེ་གྲས་གཉིས་ཏེ་རྒྱ་ནག་དང་རྒྱ་གར་གཉིས་ཀྱིས་ས་ཆ་ཁག་ཅིག་གི་མངའ་ཁོངས་བདག་དབང་ཐད་ཕན་ཚུན་དགྲར་འཛིན་གྱི་རྣམ་པ་ཇེ་གསལ་ཇེ་ཆེ་རུ་འགྲོ་བཞིན་ཡོད་ལ། རྒྱ་ནག་གིས་འདས་པའི་ལོ་ཤོས་སུ་བོད་རང་སྐྱོང་ལྗོངས་ཟེར་བར་ལམ་དང་གནམ་ཐང་མང་པོ་འཛུགས་སྐྲུན་བྱས་ཡོད། ཨ་རིའི་རྒྱལ་སྲུང་ལྷན་ཁང་གི་༢༠༡༠ལོའི་སྙན་ཐོ་ལྟར་ན། རྒྱ་ནག་གིས་བོད་རང་སྐྱོང་ལྗོངས་ཟེར་བའི་ལྷོ་ཕྱོགས་མཐའ་མཚམས་སུ་རྡུལ་ཕྲན་མདའ་མགོ་འཁྱེར་ཐུབ་པའི་འབྲིང་ཚད་འཕུར་མདའ་བཙུགས་ཡོད་པ་དང་། བོད་ཁུལ་དུ་རྒྱ་ནག་དམག་མི་འབུམ་གསུམ་གཏན་སྡོད་བྱས་ཡོད་འདུག

དེ་བཞིན་དུ་རྒྱ་གར་ཕྱོགས་ནས་ཀྱང་ལོ་ངོ་བཅུའི་རིང་གི་དམག་ཤུགས་རྒྱ་སྐྱེད་འཆར་གཞི་ལྟར། རྒྱ་གར་རྐང་དམག་གིས་ད་ལོའི་ཕྱི་ཟླ་ལྔ་བ་ནས་བཟུང་རྒྱ་གར་གྱིས་འཱ་རོ་ནཱ་ཅལ་དུ་འབོད་པ་དང་བོད་སྐད་དུ་མོན་རྟ་དབང་ཟེར་བའི་ས་མཚམས་སུ་སྐོར་སྲུང་བྱེད་མགོ་བཙུགས་ཡོད་པ་དང་། དེ་གར་རྒྱ་གར་གྱི་དམག་མི་འབུམ་གཅིག་དང་ཁྲི་གཉིས་གཏན་སྡོད་བྱས་ཡོད་པ་མ་ཟད་ཐད་འཕུར་གནམ་གྲུ་དང་མེ་ཤུགས་འཕུར་མདའ་འཛུགས་འཇོག་ཀྱང་བྱས་ཡོད། རྒྱ་དཀར་ནག་གཉིས་ཀྱི་དམག་ཤུགས་འགྲན་བསྡུར་ཐད་ཐེ་ཝན་གྱི་《ཨེ་ཞི་ཡ་ཞི་བདེ་རྒྱ་མཚོའི་སྲུང་སྐྱོབ་ལས་དོན་དུས་དེབ་》ཀྱི་རྩོམ་སྒྲིག་པ་ཀྲིན་ཇི་ཝེན་གྱི་དཔྱད་བརྗོད་ནང། ད་བར་གྱི་གནས་སྟངས་ལ་གཞིགས་ན་རྒྱ་དཀར་ནག་གཉིས་ཀས་ཅུང་བཟོད་སྒོམ་བྱེད་ཀྱིན་ཡོད་པས་ཕྱོགས་གཉིས་ཀས་འཐབ་འཁྲུག་མི་བྱུང་བའི་རེ་བ་བཅངས་ཡོད་པ་འདྲ། དེ་མིན་ཆབ་སྲིད་ཀྱི་ཐད་ནས་རྒྱལ་ཁབ་གཉིས་ཀྱི་མཐོ་རིམ་དཔོན་རིགས་ཕར་འགྲོ་ཚུར་འོང་སོགས་བྱེད་ཀྱིན་པ་དང། གཞན་ཡང་བོད་རང་སྐྱོང་ལྗོངས་ཟེར་བའི་ལྷོ་ཕྱོགས་ས་ཁུལ་གྱི་འཐབ་ཇུས་དང་རིན་ཐང་གི་ཐད་ནས་བལྟས་ཀྱང་། རྒྱ་དཀར་ནག་བར་འཐབ་འཁྲུག་བསླང་རྒྱུའི་ཚད་ལ་སླེབས་མི་སྲིད་ཅེས་བཀོད་འདུག

བལྟ་བཤེར་མང་ཤོས་བྱས་པའི་གནས་ཚུལ།
RFA
དཔལ་ས་སྐྱ་༧གོང་མ་ཁྲི་ཆེན་མཆོག་དང་འབྲུག་གི་རྒྱལ་བོ་དང་། བཙུན་མོ་རྣམ་གཉིས་མཇལ་འཕྲད་གནང་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
ལོ་ངོ་བརྒྱ་ལྷག་གི་ལོ་རྒྱུས་ལྡན་པའི་ཨ་ཚོགས་དགོན་གྱི་རིག་དངོས་རྩིས་མེད་ཀྱིས་གནས་སྤོར་བྱེད་བཞིན་འདུག
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎