བོད་མི་གསུམ་ལ་བཙོན་འཇུག་ཁྲིམས་ཆད་བཅད་འདུག


2013-10-23
Share
ནོར་བུ་རྡོ་རྗེ་དང་གུར་མགོན་གཉིས། ནོར་བུ་རྡོ་རྗེ་དང་གུར་མགོན་གཉིས།
པར། ལྷ་མོ་སྐྱབས།

རྒྱ་ནག་གཞུང་གིས་རང་ལུས་མེར་བསྲེགས་ལ་ཁ་བཏགས་ནས་བོད་མདོ་སྨད་རྔ་བ་ཁུལ་ཁྱུང་མཆུ་རྫོང་གི་བོད་མི་གསུམ་ལ་ལོ་༤ནས་༥བར་གྱི་ཚད་གཞི་མི་འདྲ་བའི་བཙོན་འཇུག་ཁྲིམས་ཐག་བཅད་འདུག

འདི་ལོ་ཕྱི་ཟླ་༡ཚེས་༡༨ཉིན་བོད་མདོ་སྨད་རྔ་བ་ཁུལ་ཁྱུང་མཆུ་རྫོང་སྦྲ་ཆེན་ཡུལ་ཚོའི་གྲུབ་མཆོག་ལགས་ཀྱིས་རང་ལུས་མེར་བསྲེགས་གནང་སྐབས། ཉེན་རྟོག་པ་དང་ལས་བྱེད་པས་མེ་གསོད་བཞིན་པ་བཀག་འགོག་བྱས་པའི་ཉེས་མིང་འོག་གུར་མགོན་ལགས་དང་། ནོར་བུ་རྡོ་རྗེ། བསོད་ནམས་ཡར་འཕེལ་ལགས་བཅས་མི་གསུམ་འཛིན་བཟུང་བྱས་ཡོད་པ་དང་། ད་ལྟ་གནས་ཚུལ་འབྱོར་བ་ལྟར་ན། ཉེ་བའི་ཕྱི་ཟླ་༧པའི་ནང་ཁྱུང་མཆུ་རྫོང་མི་དམངས་ཁྲིམས་ཁང་གིས་ཁོང་ཚོར་མི་བསད་པའི་ནག་ཉེས་བཙུགས་ནས་གུར་མགོན་དང་། བསོད་ནམ་ཡར་འཕེལ་ལགས་སུ་ལོ་༤རེ་དང༌། ནོར་བུ་རྡོ་རྗེ་ལ་ལོ་༥བཅས་ཚད་གཞི་མི་འདྲ་བའི་དུས་བཀག་བཙོན་འཇུག་གི་ཁྲིམས་ཐག་བཅད་དེ། ད་ཆ་ཟི་ཁྲོན་ཞིང་ཆེན་གྱི་མེན་ཡྰང་བཙོན་ཁང་དུ་བཙོན་འཇུག་བཀག་ཉར་འོག་ཡོད་འདུག

མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎

དྲ་གནས་ཆ་ཚང༌།