བོད་དོན་གོམ་བགྲོད་པ་གཉིས་རྡོ་རྗེ་གདན་དུ་འབྱོར་ཡོད་པ།

2021-01-09
Share
བོད་དོན་གོམ་བགྲོད་པ་གཉིས་རྡོ་རྗེ་གདན་དུ་འབྱོར་ཡོད་པ། བོད་དོན་ཞི་བའི་གོམ་བགྲོད་པ་བསྟན་འཛིན་དོན་གྲུབ་ལགས་དང་བསྟན་འཛིན་ཉི་མ་གཉིས་གནས་མཆོག་རྡོ་རྗེ་གདན་དུ་ཕེབས་པའི་སྐབས་གསར་འགྱུར་བརྒྱུད་ལམ་ཁག་ནས་དོ་སྣང་དང་དྲིལ་བསྒྲགས་ཡག་པོ་བྱུང་ཡོད་འདུག
བོད་མིའི་སྒྲིག་འཛུགས། ཨཡི་ཊི་སི་ཨོ།

༄༅།།༢༠༢༠ལོའི་ཟླ་བ་༡༡པའི་ནང་ཐོག་མར་བཞུགས་སྒར་རྡ་རམ་ས་ལ་ནས་འགོ་བཙུགས་ཏེ་མཐར་བྱང་ཤར་འབྲས་ལྗོངས་མངའ་སྡེའི་འཕགས་བོད་ས་མཚམས་རྣ་ཐོད་ལའི་བར་བོད་དོན་ཞི་བའི་གོམ་བགྲོད་གནང་མཁན་བསྟན་འཛིན་དོན་གྲུབ་ལགས་དང་བསྟན་འཛིན་ཉི་མ་ལགས་གཉིས་ནས་འདས་པའི་ཟླ་བ་གཉིས་ལྷག་ཙམ་རིང་རྒྱ་གར་གྱི་མངའ་སྡེ་འགའ་ཤས་བརྒྱུད་ནས་གོམ་བགྲོད་གནང་བ་དང་༢༠༢༡ ལོའི་ཟླ་༡ཚེས་༦ཉིན་གནས་མཆོག་རྡོ་རྗེ་གདན་དུ་ཕེབས་འབྱོར་བྱུང་བའི་སྐབས་རྣམ་རྒྱལ་གྲྭ་ཚང་དང་ས་གནས་ཧིན་བོད་མཛའ་འབྲེལ་ཚོགས་པ་། དེ་བཞིན་རྡོར་གདན་མཆོད་རྟེན་འཛིན་སྐྱོང་ལྷན་ཚོགས།རྒྱལ་སྤྱིའི་ནང་པའི་མཐུན་ཚོགས་སོགས་ས་གནས་ཀྱི་ཚོགས་པ་ཁག་ནས་སྣེ་ལེན་ཞུས་ཡོད་འདུག

ཕྱི་ཚེས་༧ཉིན་ས་གནས་ཚོགས་པ་ཁག་གི་མཐུན་འགྱུར་འོག་གསར་འགོད་ལྷན་ཚོགས་ཞིག་ཀྱང་བསྐོངས་ཚོགས་གནང་འདུག་པ་དེའི་སྐབས་ཁོང་རྣམ་གཉིས་ཀྱིས་བོད་དོན་ཆེད་གོམ་བགྲོད་གནང་དགོས་དོན་དོན་ཚན་གསུམ་ཡོད་པ་ནི།

༡༽ བོད་ནང་གི་ཁོར་ཡུག་གི་ཛ་དྲག་གནས་སྟངས་ལ་ངོས་འཛིན་དང་།

༢༽ བོད་དེ་རྒྱ་ནག་གིས་བཙན་འཛུལ་བྱས་པའི་རྒྱལ་ཁབ་ཅིག་ལ་ངོས་འཛིན་གནང་རྒྱུ།

༣༽ དེ་ནས་གསུམ་པ་རྒྱ་ནག་གིས་འཕགས་བོད་ས་མཚམས་སུ་དོན་མེད་རྙོག་གྲ་བཟོས་ཡོད་སྟབས་རྒྱ་ནག་གི་ཅ་དངོས་ཉོ་ཚོང་བྱེད་རྒྱུ་མཚམས་འཇོག་དགོས་པ་བཅས་ཡིན་ལུགས་གསུངས་འདུག

གོང་ཞུས་གསར་བགོད་ལྷན་ཚོགས་ཐོག་བྷི་ཧར་དང་། ཇར་ཁན་ཌི། ཆ་ཏི་སི་གར་ས་གནས་རྒྱ་གར་བོད་དོན་རྒྱབ་སྐྱོར་ཚོགས་པའི་ཚོགས་གཙོ་སྐུ་ཞབས་Sudesh Kumar Chandravanshi ལགས་དང་ཧིན་བོད་མཛའ་འབྲེལ་ཚོགས་པའི་ཚོགས་གཙོ་སྐུ་ཞབས་Ajit Kumar Nehria ལགས་སོགས་མཉམ་ཞུགས་གནང་ཡོད་འདུག

གོམ་བགྲོད་པ་གཉིས་སང་ཉིན་གཟའ་ཉི་མའི་ཉིན་གནས་མཆོག་རྡོ་རྗེ་གདན་ནས་ཐོན་ཏེ་སི་ལི་གྷུ་རི་བརྒྱུད་འབྲས་ལྗོངས་སུ་འབྱོར་རྒྱུར་སླར་ཡང་ཟླ་བ་གཅིག་ཙམ་འགོར་སྲིད་པའི་ཚོད་དཔག་གནང་གི་འདུག།

མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎

དྲ་གནས་ཆ་ཚང༌།