སྐྱེ་རྒུ་མདོ་རུ་བུད་མེད་ཅིག་གིས་རང་ལུས་མེ་སྲེག་བཏང་བ།

༄༅༎འདི་ཚེས་ ༢༧ ཉིན་བོད་ཀྱི་དགའ་སྐྱེ་རྒུ་མདོའི་གྲོང་ཚོའི་ནང་བོད་པའི་བུད་མེད་ཅིག་གིས་རང་ལུས་ཞུགས་འབུལ་གནང་ཡོད་པའི་སྐོར། འདི་ག་རླུང་འཕྲིན་ཁང་ལ་བོད་ནས་གནས་ཚུལ་མཁོ་སྤྲོད་གནང་མཁན་བྱུང་བ་བཞིན།  རྒྱ་ནག་གི་རྒྱལ་ས་པི་ཅིང་ནང་བཅའ་བཞུགས་གནང་མཁན་བོད་རིགས་བུད་མེད་རྩོམ་པ་པོ་འོད་ཟེར་ལགས་ཀྱིས་ཀྱང་། ཁོང་གི་དྲ་གནས་ཐོག་གནས་ཚུལ་འདི་ཁུངས་བདེན་ཡིན་པའི་ར་སྤྲོད་གནང་འདུག་པ་དང༌།  ཡང་འདིའི་སྐོར་ཕ་ཡུལ་དགའ་སྐྱེ་དགུ་མདོ་ནས་ཡིན་ཅིང༌། དེང་སྐབས་རྒྱ་གར་ལྷོ་ཕྱོགས་སུ་ཡོད་པའི་གདན་ས་ཆེན་པོ་སེར་རའི་ནང་སློབ་གཉེར་གནང་བཞིན་པ་ངག་དབང་སྟོབས་ལྡན་ལགས་ཀྱིས་ཀྱང་མཁྱེན་རྟོགས་བྱུང་ཡོད་པའི་གནས་ཚུལ་འདུག།