བོད་རང་བཙན་རྒྱ་གར་གྱི་བདེ་འཇགས་ཞེས་བའི་ལས་འགུལ་སྤེལ་འདུག

བོད་ཀྱི་གཞོན་ནུ་ཚོགས་པས་སྣེ་ཁྲིད་ནས་ལྡི་ལིར་བོད་རང་བཙན་རྒྱ་གར་གྱི་བདེ་འཇགས་ཞེས་བའི་ལས་འགུལ་སྤེལ་འདུག
དེ་ཡང་དེང་སང་རྒྱ་དཀར་ནག་གཉིས་དབར་འབྲོག་ལམ་ས་མཚམས་ཀྱི་གནད་དོན་དང་འབྲེལ་བའི་རྙོག་ཁྲ་ཡོད་བཞིན་པའི་དུས་ཚོད་དང་བསྟུན་ནས། བོད་ཀྱི་གཞོན་ནུ་ལྷན་ཚོགས་ཀྱིས་འདི་ཚེས་༡༡་གཟའ་པ་སངས་ཉིན་རྒྱ་གར་གྱི་རྒྱལ་ས་ལྡི་ལིའི་ནང་བོད་རང་བཙན་རྒྱ་གར་གྱི་བདེ་འཇགས་སམ་ཧིན་སྐད་ཐོག་(Tibet Ki Azaadi Bharat Ki Suraksha)་ཞེས་པའི་བརྗོད་གཞིའི་ཐོག་ལས་འགུལ་ཞིག་སྤེལ་འདུག
སྐབས་དེར་བོད་ཀྱི་གཞོན་ནུ་ལྷན་ཚོགས་ཀྱི་རིག་གཞུང་འགན་འཛིན་བཀྲིས་དོན་གྲུབ་ལགས་ནས། རྒྱ་ནག་གི་ངོས་ནས་དེང་སང་རྒྱ་གར་གྱི་ས་མཚམས་ཕྱོགས་གང་ས་ནས་སིམ་འཛུལ་དང་འཛུགས་སྐྲུན་རྒྱ་བསྐྱེད་གཏོང་བཞིན་ཡོད་པའི་གནས་ཚུལ་ངོ་སྤྲོད་གནང་བ་དང་སྦྲགས་རྒྱ་ནག་གིས་བོད་བཙན་བཟུང་བྱས་རྒྱ་གར་དང་རྒྱ་ནག་དབར་འཁོན་འཁྲུག་ཡོང་གི་ཡོད་པར་བརྟེན། རྒྱ་གར་གྱི་ངོས་ནས་ཀྱང་དེ་ལྟར་དགོངས་པ་བཞེས་པའི་ཐོག་ནས་བོད་མིའི་འཐབ་རྩོད་ལ་མུ་མཐུད་ནས་རྒྱབ་སྐྱོར་གནང་རོགས་གནང་ཞེས་འབོད་སྐུལ་ཞུས་འདུག

གསར་འགོད་པ་འགན་འཛིན་གཞོན་པ་སྐལ་ལྡན་བློ་གྲོས།