ཞི་ཅིན་ཕིང་ལ་ངོ་རྒོལ་བྱེད་མཁན་ཚོར་རྒྱལ་མཚམས་བརྒལ་བའི་དྲག་གནོན་ཕྱིར་འདྲེན་བྱེད་པ། སྙན་ཐོ།

བོད་རང་བཙན་སློབ་ཕྲུག་ཚོགས་པ་དང་ཧོང་ཀོང་དམངས་གཙོ་ལྷན་ཚོགས་གཉིས་ཀྱིས་མཉམ་སྦྲེལ་གྱིས་སྙན་ཐོ་ཞིག་བཏོན་ཏེ་རྒྱ་ནག་གཞུང་གིས་རྒྱལ་མཚམས་བརྒལ་ནས་དྲག་གནོན་བྱེད་པའི་ཐབས་བྱུས་ཁག་ཐེར་འདོན་བྱས་འདུག་ཅིང་།  བདུན་ཕྲག་འདིའི་དཔྱད་བརྗོད་གླེང་སྟེགས་ཀྱི་ལས་རིམ་ནང་།  སྙན་ཐོའི་ནང་གསལ་སྟོན་བྱས་པ་བཞིན་ ༢༠༢༣ ཟླ་ ༡༡ནང་ཞི་ཅིན་ཕིང་ཨ་རིའི་སེན་ཕརེན་སིས་ཀོར་ཨེ་ཤེ་ཡའི་ཚོང་དོན་ལྷན་ཚོགས་ཀྱི་ཐོག་མཉམ་ཞུགས་ཆེད་འབྱོར་སྐབས་རྒྱ་ནག་གཞུང་གི་འཐབ་ཕྱོགས་གཅིག་འགྱུར་ཁང་དང་སྡེ་ཁག་ཅིག་གིས་ཞི་ཅིན་ཕིང་ལ་ངོ་རྒོལ་བྱེད་མཁན་ཚོར་རྡུང་རྡེག་བཏང་པ་ར་འཕྲོད་བྱུང་ཡོད་པ་གསལ་སྟོན་བྱས་པ་ཁག་གི་ཐད་ཨེ་ཤེ་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་གྱི་འགན་འཛིན་གཞོན་པའི་ལས་ཚབ་བཀྲིས་དབང་ཕྱུག་ལགས་དང་།  རྩོམ་སྒྲིག་འགན་འཛིན་ལས་ཚབ་བསྟན་འཛིན་བདེ་སྐྱིད་ལགས་ཀྱི་དབར་དཔྱད་གཞིའི་གླེང་མོལ་ཞུས་པ་འདི་གསན་རོགས་གནང་།།

གསར་འགོད་པ། བཀྲིས་དབང་ཕྱུག བསྟན་འཛིན་བདེ་སྐྱིད།

རྩོམ་སྒྲིག་འགན་འཛིན་། བཀྲིས་དབང་ཕྱུག

དྲ་ཐོག་སྤེལ་མཁན་། ནོར་སྒྲོན།