དམར་ཤོག་མའོ་ཆིག་སྒྲིལ་ཚང་འཛོམས་ལྷན་ཚོགས།

བལ་ཡུལ་དམར་ཤོག་མའོ་རིང་ལུགས་པའི་ཆིག་སྒྲིལ་ཚང་འཛོམས་ལྷན་ཚོགས་ཞེས་བ་རེས་གཟའ་ཟླ་བ་ནས་ཉིན་ལྔའི་རིང་རྒྱལ་སར་ཚོགས་བཞིན་པ་རེད།

2012-07-17
Share

ལྷན་ཚོགས་སུ་ཚོགས་གཙོ་Pushpa Kamal Dahal གྱིས་ཚོགས་པའི་ཆབ་སྲིད་ལས་དོན་སྙན་ཞུ་སྒྲོག་སྦྱང་ཞུ་རྒྱུ་དང་།    གཙོ་བོ་འདས་པའི་དུས་ཡུན་རིང་རྩ་ཁྲིམས་གསར་བཟོའི་ལས་དོན་དང་ཞི་འགྲིག་ལས་དོན་གཉིས་འགྲུབ་རྒྱུར་ལས་དོན་ཇི་བྱས་དང་གྲུབ་འབྲས་ཇི་བྱུང་སོགས་སྙན་སེང་ཞུ་རྒྱུ་ཡིན་པ་རེད།    ད་ལམ་གྱི་ལྷན་ཚོགས་དེར་རྫོང་ཁག་སོ་སོའི་འགོ་ཁྲིད་བཅས་ཁྱོན་མི་གྲངས་ལྔ་སྟོང་ཙམ་ཚོགས་བཞུགས་གནང་བ་ནས་ཆབ་སྲིད་སྙན་ཐོ་ཁས་ལེན་བྱ་རྒྱུར་མོས་མཐུན་བྱུང་བ་ཡིན་ན།    དམར་ཤོག་སྲིད་དོན་ཚོགས་པ་དེའི་འབྱུང་འགྱུར་གྱི་རིགས་པའི་གཞུང་ལུགས་གཏན་འབེབས་བྱུང་བར་ངོས་འཛིན་བྱེད་ཀྱི་ཡོད་པ་རེད།    དེ་སྔོན་གྱི་ཚང་འཛོམས་ལྷན་ཚོགས་སུ་འགོ་ཁྲིད་ནང་ཁུལ་ལྟ་གྲུབ་འགལ་ཟླ་ཆེན་པོ་བྱུང་བའི་དཀའ་རྙོག་འཕྲད་པ་རེད།    དམར་ཤོག་མའོ་ཆིག་སྒྲིལ་ཚོགས་པའི་ཚོགས་གཙོ་Dahal གྱིས་ད་དུང་བལ་ཡུལ་ནང་སྲིད་དོན་ཚོགས་པ་ཆེ་ཁག་གིས་གྲོས་མཐུན་དོན་ཚན་བཅུ་གཉིས་བཞག་པ་གཞིར་བཟུང་མང་གཙོའི་ལམ་སྲོལ་བསྲ་བརྟན་འཛུགས་ཐུབ་པ་དང་།    ཞི་འགྲིག་དང་རྩ་ཁྲིམས་གསར་བཟོའི་ལས་དོན་འགྲུབ་རྒྱུའི་དམིགས་ཡུལ་བཟུང་ནས་སྲིད་དོན་ཚོགས་པ་ཚང་མས་མཉམ་རུབ་གནང་དགོས་པའི་འབོད་སྐུལ་ཞུས་གནང་འདུག    ་ ཕྱོགས་མཚུངས་བལ་ཡུལ་དམར་ཤོག་མའོ་ཚོགས་པ་ནས་ཁ་བྲལ་དུ་ཕྱིན་ཏེ་ཚོགས་པ་གསར་པ་ཟུར་འཛུགས་བྱས་པའི་(CPN- Maoist ) ཞེས་དམར་ཤོག་མའོ་ཚོགས་པར་ཁ་བྲལ་ཕྱིན་པ་ནས་ཚོགས་པ་ཨ་མའི་ནང་ཕྱིར་ལོག་རྒྱག་དགོས་པའི་འབོད་སྐུལ་གནང་འདུག      ཡང་ཉེ་ལམ་དམར་ཤོག་མའོ་ཚོགས་པ་ཁ་བྲལ་དུ་ཕྱིན་སྐབས་འགོ་ཁྲིད་གྲས་Krishna Rai ཡིས་Mohan Baidya ཡི་ཕྱོགས་གཏོགས་སུ་ཕྱིན་ཏེ་དམར་ཤོག་མའོ་ཚོགས་པ་ཟུར་འཛུགས་བྱས་པ་དེའི་དབུས་རྒྱུན་ཁོངས་སུ་ཚུད་ཡོད་ཀྱང་ཁ་ས་གསར་འགོད་ལྷན་ཚོགས་ཤིག་བསྐོང་སྟེ་Mohan Baidya ཡི་ཁ་བྲལ་དུ་འགྲོ་དགོས་པའི་བདེན་པ་དག་སྐྱེལ་བྱེད་ཐུབ་མེད་པ་དང་།
ཕུགས་རྒྱང་རིང་པོའི་དམིགས་ཡུལ་ངེས་གཏན་མེད་པ་སོགས་རྒྱུ་མཚན་དུ་དྲངས་ཏེ་ད་ཆ་སླར་ཡང་དམར་ཤོག་མའོ་ཆིག་སྒྲིལ་ཚོགས་པའམ་ཡང་ན་Pushpa Kamal Dahal གྱིས་འགོ་ཁྲིད་པའི་དམར་ཤོག་ཚོགས་པ་དེའི་ཁོངས་སུ་བསྐྱར་ལོག་བརྒྱབ་འདུག        ཕྱོགས་མཚུངས་སྲིད་བློན་Baburam Bhattarai ཡིས་གསུང་བཤད་ནང་།    ཚོགས་པའི་འགོ་ཁྲིད་ནང་ཁུལ་མི་མཐུན་པའི་འགལ་ཟླ་ཡོད་པ་རྣམས་གྲོས་མོལ་ལམ་ནས་ཐག་གཅོད་ཐུབ་པ་བྱ་གལ་ཆེ་བ་དང་།    ད་རེས་ཀྱི་དམར་ཤོག་མའོ་ཆིག་སྒྲིལ་ཚོགས་པའི་ཚང་འཛོམས་ལྷན་ཚོགས་དེ་ལོ་རྒྱུས་ཀྱི་རང་བཞིན་ལྡན་པ་ཡིན་པ་དང་།        ད་ལམ་གཞུང་འཛིན་དམར་ཤོག་མའོ་ཆིག་སྒྲིལ་ཚོགས་པས་ཐག་གཅོད་ཇི་བྱས་རྣམས་མདུན་བསྐྱོད་ཁོ་ནའི་ཆེད་དུ་ཡིན་ལུགས་གསལ་བཀྲོལ་གནང་འདུག།

མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎

དྲ་གནས་ཆ་ཚང༌།