ཨ་རིའི་རི་འཛེཊ་པ་བལ་ཡུལ་ནས་ཕྱིར་བུད་བྱས་པ།

ཨ་རིའི་རི་འཛེཊ་པ་ཞིག་བོད་རང་བཙན་གྱི་ཕྲེད་དར་འཁྱེར་པར་བརྟེན་བལ་ཡུལ་གཞུང་གིས་ཕྱིར་བུད་བྱས་ཡོད་པ་གསུངས་འདུག

2008-04-29
Share

༄༅༎ཉེ་སྔོན་ཇོ་མོ་གླང་མའི་རི་རྩེའི་ཐོག་བོད་རང་དབང་གི་ཕྲེད་དར་འཁྱེར་མཁན་ཨ་མི་རི་ཀའི་རི་འཛེགས་པ་དེ། བལ་ཡུལ་གཞུང་གིས་ལོ་གཉིས་རིང་བལ་ཡུལ་ནང་རི་འཛེག་གི་ལས་དོན་སྤེལ་མི་ཆོག་པའི་དམ་བསྒྲགས་བཀལ་ཏེ་ཕྱིར་བུད་བྱས་ཡོད་པའི་གནས་ཚུལ་ཐོན་འདུག

བལ་ཡུལ་གྱི་ཡུལ་སྐོར་སྤྲོ་འཆམ་ལས་ཁུངས་ཀྱི་ལས་བྱེད་པ་ ཀིརིཤ་ནྰ གཡ་ཝ་ལི་ཡིས་ ཨ་རིའི་ཝིར་ཇི་ནིཡ་ མངའ་སྡེའི་ མིཌ་ལོ་ཐེ་ཡེན་ གྲོང་ཁྱེར་ནས་ཡིན་པ་ ཝིིལི་ཡམ་ གྷ་རན་ཊ་ ཧོ་ལན་ཌ་ གྱིས་བསྒྲིག་གཞི་དང་འགལ་བའི་བྱ་སྤྱོད་སྤེལ་བའི་སྐྱེན་གྱིས་ཕྱིར་འབུད་བྱས་ལུགས་བརྗོད་འདུག་པ་དང་། ཧོ་ལེནཌ་ གཟའ་ཟླ་བའི་ཉིན་བལ་ཡུལ་ནས་ཕྱིར་ཐོན་གནང་ཞིང་། གཟའ་འཁོར་སྔོན་མར་ཁོང་གིས་ཇོ་མོ་གླང་མའི་རི་འདབས་སུ་བོད་རང་དབང་ཞེས་པའི་འཕྲེད་དར་ཞིག་འཁྱེར་ཡོད་པ་བལ་ཡུལ་གྱི་དམག་མི་དང་འབྲེལ་ཡོད་ལས་བྱེད་པ་ཚོས་ཤེས་རྟོགས་བྱུང་བ་དང་། བལ་ཡུལ་གྱི་རྒྱལ་ས་་ ཀཊ་མན་ཌུ་ ལ་འབྱོར་སྐབས་བལ་པོའི་གཞུང་གི་ལས་བྱེད་པས་ཁོང་ལ་འདྲི་ཞིབ་བྱས་རྗེས། ཁོང་ཚོས་སྐུ་ཞབས་ ཝིལི་ཡམ་ས྄་ ཡིས་བལ་ཡུལ་ནང་རྒྱ་ནག་ལ་ངོ་རྒོལ་བྱེད་མི་ཆོག་པའི་ཁྲིམས་དང་འགལ་འཛོལ་གྱི་བྱ་སྤྱོད་སྤེལ་བའི་ནག་ཉེས་འོག་ཕྱིར་འབུད་བྱ་རྒྱུའི་ཐག་གཅོད་བྱས་ཡོད་པ་ཨེ་པི་གསར་འགྱུར་ལས་ཁང་གིས་གནས་ཚུལ་སྤེལ་འདུག སྐུ་ཞབས་ ཝིལི་ཡམ་ས྄་ གྱིས་ཇོ་མོ་གླང་མའི་སྟེང་རྒྱ་ནག་གི་རི་འཛེགས་པས ཨོ་ལིམ་པིཀ་ ཡི་དཔལ་འབར་བསྐོར་བསྐྱོད་བྱས་པའི་སྐབས་དེར་ངོ་རྒོལ་གནང་རྒྱུའི་འཆར་གཞི་ཡོད་ཅིང་། གཞི་རྐང་རྒྱ་མིའི་རི་འཛེགས་པ་དེ་དག་བོད་ཕྱོགས་ཀྱི་རི་འདབས་ནས་ཇོ་མོ་གླང་མའི་སྟེང་འཛེག་རྒྱུ་ཡིན་ན་ཡང་། རྒྱ་ནག་གཞུང་གི་གནོན་ཤུགས་འོག་བལ་ཡུལ་གཞུང་གིས་ཇོ་མོ་གླང་མའི་ལྷོ་ངོས་བལ་ཡུལ་ཕྱོགས་ཀྱི་རི་འདབས་སུ། རྒྱ་ནག་གཞུང་ལ་ངོ་རྒོལ་གྱི་ལས་འགུལ་རིགས་འགོག་ཐབས་སུ་བལ་ཡུལ་གྱི་དམག་མི་འབོར་ཆེན་འགྲེམ་འཇོགས་བྱས་ཡོད་པར་མ་ཟད། ཕྱི་ཟླ་ལྔ་པའི་ཚེས་ ༡ ནས་ ༡༠ བར་བལ་ཡུལ་གྱི་ཕྱོགས་ནས་ཇོ་མོ་གླང་མའི་སྟེང་རི་འཛེག་གི་ལས་དོན་ཡོངས་རྫོགས་མཚམས་འཇོག་བྱ་རྒྱུའིི་ཐག་གཅོད་ཀྱང་བྱས་ཡོད་པ་རེད༎

མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎

དྲ་གནས་ཆ་ཚང༌།