རང་དབང་གི་འཐབ་རྩོད་གསོན་པོར་གནས་ཐུབ་དགོས།

བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་སྤེན་པ་ཚེ་རིང་མཆོག་གིས་བོད་ཀྱི་མི་རབས་གཞོན་པ་ཚོས་རང་དབང་གི་འཐབ་རྩོད་གསོན་པོར་གནས་ཐུབ་པའི་འགན་ཁུར་དགོས་ལུགས་གཏམ་བཤད་གནང་འདུག

2012.12.26

ཚེས་༢༥ཉིན་དྷ་ཤོད་བོད་ཕྲུག་ཁྱིམ་སྡེར་སློབ་ཕྲུག་ཚོར་ཉིན་དགུའི་ཟབ་སྦྱོང་དབུ་འབྱེད་ཀྱི་མཛད་སྒོའི་གསུངས་བཤད་ནང༌།  སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་གིས་བོད་མི་ཚོ་ཐོག་མར་བཙན་བྱོལ་དུ་འབྱོར་སྐབས་གང་མགྱོགས་ཕྱི་ལོག་ཐུབ་པའི་རེ་བ་བྱས་ཀྱང་ལོ་ལྔ་བཅུ་ལྷག་བཙན་བྱོལ་དུ་སྡོད་དགོས་བྱུང་བ་རེད། བོད་ཀྱི་རྩ་དོན་མ་སེལ་བར་ལོ་མང་འགོར་སྲིད་པ་རེད། གལ་སྲིད་དེ་འདྲ་བྱུང་བ་ཡིན་ན།  དབུས་བོད་མིའི་སྒྲིག་འཛུགས་དང་རང་དབང་འཐབ་རྩོད་མཇུག་སྐྱོང་བྱ་རྒྱུའི་འགན་དེ་མི་རབས་གཞོན་པ་ཚོར་སླེབས་ཀྱི་རེད་ཅེས་གསུངས་གནང་འདུག  བོད་མིའི་ཆབ་སྲིད་ལ་དུས་འགྱུར་ཆེན་པོ་ཕྱིན་ནས་སྲིད་སྐྱོང་དང་གྲོས་ཚོགས་ཀྱི་ཚོགས་གཙོ་། ལས་བྱེད་པ་ཚོས་དབུས་བོད་མིའི་སྒྲིགས་འཛུགས་ཀྱི་དབུ་ཁྲིད་ཀྱི་ཡོད།  ནམ་ཞིག་བོད་ཀྱི་དཀའ་རྙོག་སེལ་རྒྱུའི་ཐབས་ལམ་རྙེད་དུས་རང་དབང་གི་འཐབ་རྩོད་མཇུག་སྐྱོང་དང་། འཛིན་སྐྱོང་བསྐྱར་གསོའི་ལས་འགན་དེ་མི་རབས་གཞོན་པ་ཚོས་ལེན་དགོས་ཀྱི་རེད་ལ།  ཤེས་ཡོན་དང་གོ་སྐབས་བཟང་བོ་ཐོབ་པའི་དབང་གིས་མི་རབས་གཞོན་པ་ཚོས་ང་ཚོའི་རྩ་དོན་ཆེད་ནུས་པ་ཐོན་པའི་ལས་ཀ་བྱེད་ཐུབ་ཀྱི་རེད་ལ་བོད་ཀྱི་མི་རབས་གཞོན་པ་ཚོས་རང་དབང་གི་འཐབ་རྩོད་གསོན་པོར་གནས་ཐུབ་པའི་འགན་ཁུར་དགོས་ལུགས་གཏམ་བཤད་གནང་འདུག

རྒྱ་གར་དང་བལ་ཡུལ་ནས་སློབ་གྲ་༢༡གི་འཛིན་གྲ་བཅུ་གཅིག་པའི་སློབ་ཕྲུག་༡༠༥དང་། དགེ་རྒན་༡༨ཟབ་སྦྱོང་ནང་མཉམ་ཞུགས་གནང་འདུག། ཟབ་སྦྱོང་སློབ་ཁྲིད་པ་སུམ་ཅུ་ཙམ་ཡོད་པའི་གྲས་སུ་ སྲིད་སྐྱོང་བློ་བཟང་སེངྒེ་མཆོག་གཙོས་དབུས་བོད་མིའི་སྒྲིག་འཛུགས་ཀྱི་མཐོ་རིམ་དཔོན་རིགས་དང་བོད་ཀྱི་ཆབ་སྲིད་དང་། རིག་གཞུང་ཤེས་ཡོན་དོན་གཉེར་བ་བཅས་ཡོད་འདུག

བལྟ་བཤེར་མང་ཤོས་བྱས་པའི་གནས་ཚུལ།
RFA
སྐུ་ངོ་རྒྱལ་ལོ་དོན་གྲུབ་མཆོག་བོད་གངས་ཅན་ལྗོངས་ཀྱི་ལོ་རྒྱུས་ཐོག་རྡོ་ལ་རི་མོ་བརྐོས་པ་བཞིན་གནས་པའི་བླ་སྲོག་ཅིག་ཡིན་ཞེས་པའི་རྩོམ་ཡིག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
བོད་རང་སྐྱོང་ལྗོངས་ཟེར་བའི་དམར་ཤོག་དྲུང་ཆེ་ཡིས་དིང་རི་སླར་གསོ་བསྐྱར་སྐྲུན་དང་མཉམ་མཐའ་མཚམས་བརྟན་ལྷིང་གླེང་བར་གནད་དོན་དབྱེ་ཞིབ་པས་རྒྱ་ནག་གཞུང་གིས་གནོད་ཐེབས་ས་ཁུལ་གྱི་བསྐྱར་གསོའི་ལས་དོན་ཆབ་སྲིད་ལ་སྦྱར་བར་སྐྱོན་བརྗོད་གནང་སོང་།
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎