རྒྱ་ནག་ནས་གསར་འགོད་པའི་ཐད་སྡང་ཟུག་གི་ཁོར་ཡུག་སྤེལ་བཞིན་པ།

རྒྱ་ནག་ལ་རྒྱལ་སྤྱིའི་གསར་འགོད་པའི་གསར་འགོད་རང་དབང་ལ་ དམ་བསྒྲགས་བྱ་རྒྱུ་ཕྱིར་ཤོལ་དགོས་སྐོར་གསུངས་ཡོད་པ་རེད་

2008-04-30
Share

༄༅༎རྒྱ་ནག་ནང་ཡོད་པའི་ཕྱི་རྒྱལ་གསར་འགོད་པའི་མཐུན་ཚོགས་ཀྱིས་ རྒྱ་ནག་གཞུང་ལ་ཨོ་ལིམ་ཕིག་རྩེད་འགྲན་གྱི་སྒྲིག་གཞི་དང་མཐུན་པ་ རྒྱལ་སྤྱིའི་གསར་འགོད་པའི་གསར་འགོད་རང་དབང་ལ་དམ་བསྒྲགས་བྱ་རྒྱུ་ཕྱིར་ཤོལ་དགོས་སྐོར་གསུངས་ཡོད་པ་རེད་

དེ་ཡང་གསར་འགོད་མཐུན་ཚོགས་ཀྱིས་ རྒྱ་ནག་གཞུང་ནས་ཕྱི་རྒྱལ་གསར་འགོད་པ་ཚོའི་ཐད་སྡང་ཟུག་གི་ཁོར་ཡུག་ཞིག་སྤེལ་བཞིན་ཡོད་པ་དེ་མཚམས་འཇོག་མ་བྱུང་ཚེ་ འདིས་ཨོ་ལིམ་ཕིག་གི་རྩེད་འགྲན་གྱི་ཁོར་ཡུག་དེ་མི་བདེ་བ་ཆེན་པོ་ཞིག་བཟོ་རྒྱུ་ཡིན་སྐོར་གསུངས་ཡོད་པ་རེད་ དེ་ཡང་གསར་འགོད་མཐུན་ཚོགས་ཀྱི་རྒྱ་ནག་ནང་ཡོད་པའི་ཕྱི་རྒྱལ་གསར་འགོད་པ་ཉུང་མཐར་ཡང་བཅུ་ཙམ་ལ་ཨིན་ཊར་ནེཊའི་དྲ་རྒྱ་དང་ གཞུང་འབྲེལ་གསར་འགྱུར་བརྒྱུད་ལམ་བཅས་ཀྱི་ནང་བོད་ཀྱི་གནད་དོན་དང་འབྲེལ་གནས་ཚུལ་ཁྱབ་སྤེལ་བྱས་པར་ སྲོག་ཉེན་གྱི་འཇིགས་སྐུལ་བྱུང་ཡོད་སྐོར་བཀོད་ཡོད་པ་རེད་ ཕྱི་རྒྱལ་གྱི་གསར་འགོད་མཐུན་ཚོགས་ཀྱིས་ རྒྱ་ནག་གཞུང་གིས་ཐོག་མ་རྩེད་འགྲན་གྱི་མགྲོན་བདག་ལ་ཞུ་སྙན་སྐབས་ ཕྱི་རྒྱལ་གསར་འགོད་པ་ཚོར་ཚུལ་མཐུན་གྱི་གསར་འགོད་རང་དབང་གནང་རྒྱུ་ཁས་ལེན་བྱས་པ་བཞིན་ ད་ཆ་ལག་ལེན་བསྟར་དགོས་ཀྱི་ཡོད་པ་དང་ འདིའི་ནང་གསར་འགོད་པ་ཚོར་ བོད་ཀྱི་ས་ཁུལ་ནང་བསྐྱོད་དེ་གནས་ཚུལ་སྤེལ་རྒྱུའི་གོ་སྐབས་དགོས་ཀྱི་ཡོད་པ་དང་ གསར་འགོད་པ་ཚོའི་ལས་དོན་ལ་འགོག་རྐྱེན་དང་དམ་ བསྒྲགས་བྱ་རྒྱུ་མཚམས་འཇོག་དང་ ཕྱི་རྒྱལ་གསར་འགོད་པ་ཚོས་བཀའ་མོལ་ཞུ་ཡུལ་གྱི་རྒྱ་རིགས་ཀྱི་མཚོན་ མི་མང་ཚོར་ཉེས་ཆད་གཏོང་རྒྱུའི་རིགས་མཚམས་འཇོག་དང་ དེ་བཞིན་ཕྱི་རྒྱལ་གསར་འགོད་པ་ཚོའི་ལྷན་ལས་ཀ་བྱེད་མཁན་གྱི་རྒྱ་རིགས་མི་མང་ལ་འཇིགས་སྐུལ་བྱ་རྒྱུ་དེ་རིགས་ཆ་ཚང་

མཚམས་འཇོག་དགོས་ཀྱི་ཡོད་ཅེས་གསུངས་ཡོད་པ་རེད་

མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎

དྲ་གནས་ཆ་ཚང༌།