བོད་ཀྱི་དབུ་ཁྲིད་༧གོང་ས་མཆོག་གིས་སོག་ཡུལ་གྱི་དད་ལྡན་པ་ཁག་གཅིག་དང་མཇལ་མོལ།


2019-09-30
Share
བོད་ཀྱི་དབུ་ཁྲིད་༧གོང་ས་མཆོག་གིས་སོག་ཡུལ་གྱི་དད་ལྡན་པ་ཁག་ཅིག་དང་མཇལ་མོལ་སྐབས། ༢༠༡༩།༩།༢༧ བོད་ཀྱི་དབུ་ཁྲིད་༧གོང་ས་མཆོག་གིས་སོག་ཡུལ་གྱི་དད་ལྡན་པ་ཁག་ཅིག་དང་མཇལ་མོལ་སྐབས། ༢༠༡༩།༩།༢༧
OHHDL

སྤྱི་ནོར༧གོང་ས་སྐྱབས་མགོན་ཆེན་པོ་མཆོག་གིས་སོག་ཡུལ་ནས་ཆེད་བཅར་དད་ལྡན་པ་ཁག་ཅིག་ལ་ནང་ཆོས་སློབ་གཉེར་བྱེད་དགོས་པའི་བཀའ་སྩལ་འདུག
བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གིས། ཕྱི་ལོ་༢༠༡༩་ཟླ་༩་ཚེས་༢༧་ཉིན། བཞུགས་སྒར་ཕོ་བྲང་མཇལ་འཕྲད་ཁང་དུ། སོག་ཡུལ་ནས་ཆེད་བཅར་ཞུས་པའི་དད་ལྡན་བ་ཁག་ཅིག་ལ་མཇལ་ཁའི་སྐབས། བོད་པ་དང་། སོག་པོ་ཚོས་གཞུང་ཆེན་ལ་སློབ་གཉེར་ཡག་པོ་གནང་རྒྱུ་དང་། དེ་དང་ཕྱོགས་མཚུངས་ཚན་རིག་སློབ་སྦྱོང་བྱེད་ཐུབ་པ་ཡིན་ན་སངས་རྒྱས་གྱི་བསྟན་པ་དུས་རབས་༢༣་བར་རྒྱུན་གནས་ཐུབ་རྒྱུ་དང་། དེའི་ཐོག་ལ་སོག་པོ་ཚོས་ཞབས་འདེགས་བསྒྲུབ་ཐུབ་ཀྱི་རེད་ཅེས་དང་། ཡང་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གིས་མུ་མཐུད་དུ། སོག་ཡུལ་དུ་ཡོད་པའི་དགོན་པ་ཁག་གི་་ནང་གཙོ་བོ་ནང་ཆོས་སློབ་གཉེར་རང་ལ་ཤུགས་སྣོན་རྒྱག་ཐུབ་པ་ཞིག་གི་ཐོག་གྲྭ་བཙུན་མིན་པར་མི་སྐྱ་ཕོ་མོ་ཚོས་ཀྱང་ནང་ཆོས་སློབ་གཉེར་བྱས་པ་ཡིན་ན་ཕན་ཐོགས་ཆེན་པོ་ཡོད་པ་རེད་ཅེས་བཀའ་བསྕལ་ཡོད།
སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་ལ་ཐེ་ཝན་གྱི་དད་ལྡན་ཆོས་ཞུ་བ་ཚོས་ཇི་ལྟར་གསོལ་འདེབས་ཞུས་པ་བཞིན། ༢༠༡༩་ཟླ་༡༠་ཚེས་༣ནས་༥་བར་ཉིན་གྲངས་གསུམ་གྱི་རིང་བཞུགས་སྒར་རྡ་རམ་སཱ་ལའི་ཐེག་ཆེན་ཆོས་གླིང་བཙུག་ལག་ཁང་དུ་དཔལ་མགོན་འཕགས་པ་ཀླུ་སྒྲུབ་ཀྱི་མཛད་པའི་དབུ་མ་རིན་ཆེན་ཕྲེང་བའི་ཆོས་འབྲེལ་སྩལ་གནང་མཛད་རྒྱུ་ཡིན་པ་རེད།

མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎

དྲ་གནས་ཆ་ཚང༌།