༸གོང་ས་མཆོག་གིས། མི་ཚང་མ་གཅིག་མཚུངས་ཀྱིས་ངོས་འཛིན་བྱེད་དགོས་པ་ཟངས་དཀར་ཁུལ་དུ་བཀའ་སྩལ་གནང་བ།

2022.08.13
Share on WhatsApp
Share on WhatsApp
༸གོང་ས་མཆོག་གིས། མི་ཚང་མ་གཅིག་མཚུངས་ཀྱིས་ངོས་འཛིན་བྱེད་དགོས་པ་ཟངས་དཀར་ཁུལ་དུ་བཀའ་སྩལ་གནང་བ། ༸གོང་ས་མཆོག་དང་ཟངས་དཀར་ཁུལ་གྱི་སློབ་ཕྲུག ༢༠༢༢།༠༨།༡༣
OHHDL

ཕྱི་ལོ་ ༢༠༢༢ ལོའི་ཟླ་བ་ ༨ པའི་ཚེས་༡༣ ཉིན་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་གོང་ས་སྐྱབས་མགོན་ཆེན་པོ་མཆོག་གིས་ཟངས་དཀར་ས་གནས་ཀྱི་ཁ་ཆེའི་ཆོས་གྲོགས་རྣམས་དང་མཇལ་འཕྲད་གནང་སྐབས། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཆོས་ལུགས་མཐུན་སྒྲིལ་དང་མི་ཚང་མ་གཅིག་འཚུངས་ཀྱིས་ངོས་འཛིན་བྱེད་དགོས་པའི་སྐོར་བཀའ་སློབ་རྩལ་གནང་སོང་།

སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཐེངས་འདིར་ས་གནས་ཀྱི་ཁ་ཆེའི་ཆོས་གྲོགས་རྣམས་དང་མཇལ་འཕྲད་གནང་བ་ནི་ས་གནས་ཀྱི་ཁ་ཆེ་ཨན་ཇུ་མན་ཨི་མ་མི་ཡའི་ཚོགས་པས་གསོལ་འདེབས་ཞུས་པ་ཡིན་སྐོར་ཚོགས་པའི་ཚོགས་གཙོ་སྐུ་ཞབས་གྷུ་ལམ་མྷེ་དིན་ལགས་ཀྱིས་ཨེ་ཤེ་ཡ་རང་དབང་རླུང་འཕྲིན་ཁང་ལ་འགྲེལ་བརྗོད་གནང་བྱུང་།

ཡང་༸གོང་ས་སྐྱབས་མགོན་ཆེན་པོ་མཆོག་ཁ་ཆེའི་ཆོས་གྲོགས་རྣམས་དང་མཇལ་འཕྲད་གྲུབ་པའི་རྗེས་ཟངས་དཀར་དཔལ་ལྡུམ་གྲུ་འཛིན་ཕོ་བྲང་གི་ཉེ་འཁོར་དུ་ཆགས་པའི་གསུང་ཆོས་རྭ་བའི་ནང་ས་གནས་ཀྱི་སློབ་ཕྲུག་གཙོ་པའི་དད་ལྡན་མི་མང་ལ་ཆོས་ལུགས་ལ་མ་བརྟེན་པའི་བཟང་སྤྱོད་སྐོར་བཀའ་སློབ་རྩལ་གནང་མཛད་སོང་།

ད་རིང་༸གོང་ས་མཆོག་གིས་་ཆོས་ལུགས་ལ་མ་བརྟེན་པའི་བཟང་སྤྱོད་སྐོར་བཀའ་སློབ་སྩལ་བ་ནི་སོ་སོའི་སེམས་ནང་ཧ་ཅང་གི་ཟུག་པོ་བྱུང་ཞེས་ས་གནས་ཀྱི་སློབ་མ་ཡེ་ཤེས་ལྷ་སྒྲོན་ལགས་ཀྱིས་འགྲེལ་བརྗོད་གནང་བྱུང་།

2022-08-13-Zanskar-G06_SA14913.jpg
གཞན་ཡང་ཟངས་དཀར་ཡུལ་ནས་ཡིན་པ་མ་སུ་རི་བོད་ཁྱིམ་གྱི་སློབ་ཟུར་བློ་བཟང་ཆོས་དར་ལགས་ཀྱིས། ༸གོང་ས་མཆོག་ཟངས་དཀར་ཁུལ་དུ་ཆིབས་སྒྱུར་བསྐྱངས་པ་དེས་ཁོང་གི་སེམས་ལ་སྤྲོ་བ་ལྡན་པ་དང་༸གོང་ས་མཆོག་གིས་ཆོས་ལུགས་མཐུན་སྒྲིལ་དགོས་པའི་སྐོར་བཀའ་སློབ་ཕེབས་པ་ནི་ཧ་ཅང་གི་སྐལ་བ་བཟང་པོ་ཞིག་ལ་ངོས་འཛིན་གནང་གི་ཡོད་པ་འགྲེལ་བརྗོད་གནང་བྱུང་།

སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་དྭགས་ཟངས་དཀར་ཡུལ་དུ་ཐེངས་མང་ཆིབས་སྒྱུར་གནང་པའི་ནང་ཕྱི་ལོ་༡༩༨༨ ལོར་ས་གནས་སུ་དུས་འཁོར་དབང་ཆེན་ཐེངས་༡༢ པ་དེ་བཀའ་དྲིན་བསྐྱངས་འདུག་པ་མ་ཟད། ད་རེས་དགོན་པོ་ས་གནས་ལ་ཆིབས་སྒྱུར་བཀའ་དྲིན་བསྐྱངས་པ་དེ་ཐེངས་༨ པ་ཆགས་ཀྱི་ཡོད་འདུག

 གསར་འགོད་པ།  འཕྲིན་ལས་ཆོས་སྒྲོན། 
རྩོམ་སྒྲིག་པ། ཡེ་ཤེས་ཟླ་བ། 
དྲ་ཐོག་སྤེལ་མཁན། ཡེ་ཤེས་ཟླ་བ།

བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཁང་གི་ཚོགས་ཐེངས་༥༡པ་ཚོགས་བའི་སྐབས་དང་བསྟུན། ཨ་རིའི་གཞུང་ཚབ་ཀྱིས་༸རྒྱལ་བ་རིན་པོ་ཆེའི་༸སྐུའི་ཡང་སྲིད་སྐོར་གླེང་སློང་གནང་རྒྱུ་ཡིན་འདུག
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎