ཧང་གཱ་རིའི་ནང་རྒྱ་ནག་གི་སྲིད་བློན་ལི་ཁེ་ཆིང་འབྱོར་སྐབས་ངོ་རྒོལ་བྱས་འདུག

ཧང་གཱ་རིའི་གྲོས་ཚོགས་འཐུས་མི་(Bernadett Szel) ༢༠༡༧།༡༡།༢༧

རྒྱ་ནག་གི་སྲིད་བློན་ལི་ཁེ་ཆིང་ཧང་གཱ་རིའི་(Hungary)་རྒྱལ་སར་འབྱོར་སྐབས་བོད་དོན་རྒྱབ་སྐྱོར་པས་ངོ་རྒོལ་བྱས་འདུག
དེ་ཡང་ཧང་གཱ་རིའི་ (Hungary)་གསར་ལམ་ཁག་ཅིག་གིས་གནས་ཚུལ་སྤེལ་བ་ལྟར་ན། ཕྱི་ཚེས་༢༦་ཉིན་རྒྱ་ནག་གི་སྲིད་བློན་ལི་ཁེ་ཆིང་ཧང་གཱ་རིའི་(Hungary)་རྒྱལ་ས་(Budapest)་ནང་དུ་རྒྱལ་ཁབ་ཕྱོགས་གཉིས་དབར་ཉིན་གྲངས་གསུམ་རིང་གི་ཚོང་འབྲེལ་ལྷན་ཚོགས་ཆེད་འབྱོར་སྐབས། ཡུལ་དེའི་བོད་དོན་རྒྱབ་སྐྱོར་བ་ཁག་ཅིག་གིས་བོད་ཀྱི་རྒྱལ་དར་འཕྱར་ནས་ཞི་རྒོལ་གནང་ཡོད་པ་དང། སྐབས་དེར་(Hendry Tibet)་ཞུ་བའི་བོད་དོན་རྒྱབ་སྐྱོར་བ་ཞིག་གིས་ལི་ཁེ་ཆིང་གི་རླངས་འཁོར་འགྲོ་སའི་གཞུང་ལམ་ཉེ་འགྲམ་དུ་བོད་ཀྱི་རྒྱལ་དར་འཁྱེར་ནས་ངོ་རྒོལ་བྱས་སྐབས་ཉེན་རྟོག་པས་བཀག་ནས་ཐག་ཉེ་ལ་བཅར་བཅུག་མི་འདུག
དེ་བཞིན་རེས་གཟའ་ཟླ་བའི་ཉིན་ཡུལ་དེའི་གྲོས་ཚོགས་ནང་(LMP)ཚོགས་པའི་འཐུས་མི་དང་མ་འོངས་པར་ཚོགས་པ་དེའི་སྲིད་བློན་འོས་མི་ཡིན་པ་གྲོས་ཚོགས་འཐུས་མི་(Bernadett Szel)ལགས་ཀྱིས་ལུས་ལ་བོད་ཀྱི་རྒྱལ་དར་གྱོན་ནས་ཧང་གཱ་རིའི་གྲོས་ཚོགས་ཀྱི་ནང་འཛམ་གླིང་ནང་གསར་བརྗེའི་སྐོར་གྱི་གྲོས་གཞི་གྲོས་འཆར་བཏོན་གནང་སྐབས་ཁོང་མོས། དེ་སྔོན་ཉེན་རྟོག་པས་ཡུལ་དེའི་མི་སེར་ཞིག་ལ་བོད་དོན་ལས་འགུལ་སྤེལ་རྒྱུར་བཀག་སྡོམ་བྱས་ཡོད་པར་སྐྱོན་བརྗོད་གནང་བ་སྦྲགས། ཁོང་མོས་བོད་རང་དབང་(FreeTibet)་ཞེས་འབོད་ཚིག་བསྒྲགས་འདུག

གསར་འགོད་པ་ཀླུ་འབུམ་དང་། རིག་ལྡན་སྒྲོལ་མ།