རང་ལུས་མེར་བསྲེགས་གནང་མཁན་ཞིག་གློད་གྲོལ་བཏང་འདུག


2017.07.30
བློ་བཟང་སྐལ་བཟང་བཙོན་གྲོལ་བཏང་འདུག རྒྱ་ནག་གཞུང་གིས་འཛིན་བཟུང་དང་བཙན་ཁྲིད་བྱས་པའི་བོད་དོན་ཆེད་རང་ལུས་མེར་སྲེག་གཏང་མཁན་བློ་བཟང་སྐལ་བཟང་ལོ་དྲུག་གི་རྗེས་བཙོན་གྲོལ་བཏང་འདུག
བསོད་ནམས།

དེ་སྔ་བོད་དོན་ཆེད་རང་ལུས་མེར་བསྲེགས་གནང་མཁན་བློ་བཟང་སྐལ་བཟང་ལགས་གློད་གྲོལ་བཏང་འདུག
འདི་ག་རླུང་འཕྲིན་ཁང་དུ་གནས་ཚུལ་འབྱོར་བ་ལྟར་ན། སྤྱི་ལོ་༢༠༡༧་ཟླ་༧་ཚེས་༢༩་ཉིན་མདོ་སྨད་རྔ་བ་ཀིརྟི་དགོན་པའི་གྲྭ་བློ་བཟང་སྐལ་བཟང་ལགས་རྔ་བ་ཏིག་ཡང་བཙོན་ཁང་ནས་གློད་གྲོལ་བཏང་འདུག
དེ་སྔ་སྤྱི་ལོ་༢༠༡༡་ཕྱི་ཟླ་ ༩ ་ཚེས་ ༢༦ ་ཉིན། རྔ་བ་ཀིརྟི་དགོན་པའི་རང་ལོ་ ༡༨ ་ཡིན་པའི་གྲྭ་བློ་བཟང་སྐལ་བཟང་ལགས་དང་། རང་ལོ་ ༡༨ ཡིན་པའི་གྲྭ་བློ་བཟང་དཀོན་མཆོག་གཉིས་ཀྱིས་རྔ་བ་རྫོང་གི་ཁྲོམ་གཞུང་དུ། “༧རྒྱལ་བ་རིན་པོ་ཆེ་སྐུ་ཚེ་ཁྲི་ལོར་བརྟན་པར་ཤོག བོད་ལ་ཆོས་དད་རང་དབང་དགོས།”་ཞེས་རང་ལུས་མེར་བསྲེགས་ཀྱིས་ངོ་རྒོལ་སྐད་འབོད་བྱས་ཡོད་ཅིང་། ཅང་མ་འགོར་བར་ཉེན་རྟོག་པ་དང་དྲག་ཆས་དམག་མི་མང་པོ་ཡོང་ནས་དགེ་འདུན་པ་བློ་བཟང་སྐལ་བཟང་ལགས་རྒྱ་གཞུང་གིས་བཙན་ཁྲིད་རྗེས་ད་ལྟ་བར་གར་སོང་ཆ་མེད་དུ་གྱུར་ནས་གནས་ཚུལ་ཡང་གང་ཡང་ཤེས་རྟོགས་མ་ཐུབ་པར་ལྷག་ཡོད་པ་རེད།
ད་ཆ་མི་ལོ་དྲུག་ཙམ་གྱི་རྗེས་སྤྱི་ལོ་༢༠༡༧་ཟླ་༧་ཚེས་༢༩་ཉིན་གྲྭ་བློ་བཟང་སྐལ་བཟང་ལགས་རྔ་བ་ཏིག་ཡང་བཙོན་ཁང་ནས་གློད་གྲོལ་བཏང་བའི་གནས་ཚུལ་ཁ་གསལ་ཐོན་ཡོད་པ་རེད། ཡིན་ནའང་ད་ལྟའི་ཆར་ཁོང་གི་གནས་ཚུལ་ཁ་གསལ་ཤེས་རྟོགས་ཐུབ་ཀྱི་མེད་པ་རེད།
ཁོང་ནི་རྔ་བ་རྫོང་རྨེའུ་རུ་མ་རུ་ཆེན་གཉིས་པའི་ཇ་རུ་ཚང་གི་ཚེ་རིང་བཀྲ་ཤིས་ཀྱི་བུ་དང་། ༢༠༡༡ལོའི་ཟླ་༣་ཚེས་༡༦་ཉིན་རང་ལུས་མེར་སྲེག་གནང་མཁན་གྲྭ་ཕུན་ཚོགས་ལགས་ཀྱི་ཚ་བོ་ཡིན་པ་རེད།
ཉེ་བའི་ནང་རྒྱ་ནག་གཞུང་གིས་ད་ལྟའི་བར་དུ་བོད་ནང་རང་ལུས་མེར་སྲེག་གནང་མཁན་ཀིརྟི་དགོན་པའི་བློ་བཟང་དཀོན་མཆོག་དང་། བློ་བཟང་རྒྱ་མཚོ། བློ་བཟང་སྐལ་བཟང་བཅས་དངོས་སུ་གློད་གྲོལ་བཏང་ཡོད་པ་རེད།།

གསར་འགོད་པ་ཀླུ་འབུམ།

བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
ཁྲིམས་སྒྲིག་བསྐྱར་བཅོས་འཆར་ཟིན་ཚོགས་ཆུང་གི་ལས་བསྡོམས་གྲོས་ཚོགས་སུ་སྙན་སྒྲོན་གནང་སོང་།
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎