རྒྱ་གར་གྱི་རྒྱལ་ས་ལྡི་ལིར་རྒྱ་ནག་ལ་ངོ་རྒོལ་ལས་འགུལ་ཐེངས་ཁ་ཤས་བྱུང་འདུག


2017.12.13
རྒྱ་ནག་གི་ཕྱི་སྲིད་བློན་ཆེན་བཞུགས་སའི་མགྲོན་ཁང་མདུན་ངོ་རྒོལ། ༢༠༡༧།༡༢།༡༡ རྒྱ་ནག་གི་ཕྱི་སྲིད་བློན་ཆེན་བཞུགས་སའི་མགྲོན་ཁང་མདུན་ངོ་རྒོལ། ༢༠༡༧།༡༢།༡༡
AP

རྒྱ་གར་གྱི་ཉེན་རྟོག་པས་འཛིན་བཟུང་བྱས་བའི་བོད་མི་ལས་འགུལ་བ་ཚོ་དུས་ཡུན་གང་མཚམས་རིང་བཀག་ཉར་བྱས་རྗེས་གློད་བཀྲོལ་བཏང་འདུག
ཕྱི་ཟླ་་༡༢ ཚེས་༡༠ རྒྱལ་སྤྱིའི་འགྲོ་བ་མིའི་ཐོབ་ཐང་གི་ཉིན་མོར་བོད་ཀྱི་བེུད་ཀྱི་ལྷན་ཚོགས་གཙོ་སྒྲོལ་མ་དབྱངས་ཅན་ལགས་དང་ཟུང་དྲུང་ཨ་ནི་བསྟན་འཛིན་ཚེ་ལྷ་ལགས། དེ་བཞིན་ལྡི་ལི་ས་གནས་བོད་ཀྱི་བེུད་ལྷན་ཚོགས་ཀྱི་ཚོགས་གཙོ་བཀྲིས་ལྷ་མོ་ལགས་བཅས་ནས་རྒྱ་ནག་གི་ཕྱི་སྲིད་བློན་ཆེན་ཝང་ཡི་ལྡི་ལིར་འབྱོར་བའི་སྐབས། ཕྱི་རྒྱལ་གྱི་གཞུང་ཚབ་ལས་ཁུངས་ཁག་ཏུ་བོད་ནང་གི་འགྲོ་བ་མིའི་ཐོབ་ཐང་གི་གནས་སྟངས་དང་། བོད་མི་ཚོར་གང་ཅིའི་རང་དབང་མེད་པའི་གནས་བབས་སོགས་བོད་དོན་ཞུ་ཡིག་ཕུལ་བར་བཅར་བ་དང་། ཕྱི་ཚེས་ ༡༡ ཉིན་ཁོང་རྣམས་རྒྱ་ནག་གི་གཞུང་ཚབ་ལས་ཁུངས་སུ་ཞུ་ཡིག་ཕུལ་བར་ཕེབས་སྐབས་རྒྱ་གར་གྱི་ཉེན་རྟོག་པས་འཇུ་བཟུང་གིས་དུས་ཡུན་ཚོུད་བརྒྱད་ཙམ་རིང་བཀག་ཉར་བྱས་རྗེས་གློད་བཀྲོལ་བཏང་འདུག
ཡང་ཕྱི་ཚེས་༡༠་ཉིན་རྒྱ་གར་གྱི་རྒྱལ་སྒོ་ཆེན་པོ་(India Gate)་ཞེས་པའི་མདུན་བོད་ཀྱི་གཞོན་ནུ་ལྷན་ཚོགས་ཀྱིས་རྒྱ་གར་ནང་གཞུང་འབྲེལ་ལ་ཕེབས་པའི་རྒྱ་ནག་གི་ཕྱི་སྲིད་བློན་ཆེན་ཝང་ཡི་ལ་(Flash mob)་འམ་མི་མང་པོ་དུས་གཅིག་ཏུ་ཧོབ་ཏེ་འཛོམས་ནས་ངོ་རྒོལ་བྱེད་སྲོལ་དེ་གནང་འདུག་ལ་བོད་རང་བཙན་སློབ་ཕྲུག་ཚོགས་པས་ཀྱང་ཕྱི་ཚེས་༡༠་ཉིན་ཝང་ཡི་ལ་ངོ་རྒོལ་བྱས་པ་དང་། ཝང་ཡི་བཞུགས་གནས་མགྲོན་ཁང་མདུན་ངོ་རྒོལ་སྐད་འབོད་གནང་བ་མ་ཟད་ཁོང་བཞུགས་སའི་(Imperial) ་གསོལ་མགྲོན་ཁང་གཡས་གཡོན་གང་སར་བོད་ནང་རང་དབང་དང་འདྲ་མཉམ་འགྲོ་བ་མིའི་ཐོབ་ཐང་དགོས་པ། བོད་ཀྱི་ཁོར་ཡུག་གཏོར་བཤིག་གཏོང་མཚམས་འཇོག་དགོས་པ་སོགས་འབོད་ཚིག་འཁོད་པའི་འཕྲེད་དར་སོགས་འཕྱར་ནས་ངོ་རྒོལ་གནང་འདུག་ལ་ཕྱི་ཚེས་༡༡་ཉིན་ཝང་ཡི་བཞུགས་གནས་གསོལ་མགྲོན་ཁང་གི་ཕར་ཕྱོགས་ཀྱི་ཁང་པ་ཆེན་པོ་ཞིག་གི་ཐོག་ནས་(Wang Yi Free Tibet Now)་ཞེས་ཝང་ཡི་བོད་ལ་རང་དབང་ད་ལྟ་རང་སྤྲོད་དགོས་ཅེས་འབོད་ཚིག་འཁོད་པའི་འཕྲེད་དར་ཆེན་པོ་ཞིག་ཁང་ཐོག་ནས་མར་དཔྱང་ནས་ངོ་རྒོལ་གནང་སྐབས་རྒྱ་གར་གྱི་ཉེན་རྟོག་པས་རྒྱ་གར་ནང་གི་བོད་རང་བཙན་སློབ་ཕྲུག་ཚོགས་པའི་འགན་འཛིན་བསྟན་འཛིན་ཚེ་ལྷ་ལགས་གཙོས་པའི་བོད་རང་བཙན་སློབ་ཕྲུག་ཚོགས་པའི་ཚོགས་མི་༩་འཛིན་བཟུང་བྱས་འདུག་ཅིང་། ཁོང་ཚོ་ཡང་དུས་ཡུན་གང་མཚམས་བཀག་ཉར་བྱས་རྗེས་གློད་བཀྲོལ་བཏང་འདུག

གསར་འགོད་པ་སེང་གེ་རི་བསོད་ནམས་ལྷ་མོ།

བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
ཁྲིམས་སྒྲིག་བསྐྱར་བཅོས་འཆར་ཟིན་ཚོགས་ཆུང་གི་ལས་བསྡོམས་གྲོས་ཚོགས་སུ་སྙན་སྒྲོན་གནང་སོང་།
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎