པེ་ཅིང་ཨོ་ལིམ་པིག་རྩེད་འགྲན་ཚོགས་ཆུང་གི་དྲན་བསྐུལ།

པེ་ཅིང་ཨོ་ལིམ་པིག་རྩེད་འགྲན་གཟིགས་བར་ཕེབས་མཁན་ཕྱི་རྒྱལ་མི་རིགས་རྣམས་ཀྱིས་རང་རང་སོ་སོའི་སྤྱོད་ཚུལ་ཡག་པོ་དགོས་སྐོར་དྲན་བསྐུལ་གནང་འདུག

2008-06-02
Share

༄༅༎པེ་ཅིང་ཨོ་ལིམ་པིག་རྩེད་འགྲན་གོ་སྒྲིག་ཚོགས་ཆུང་གིས་རྩེད་འགྲན་གཟིགས་བར་ཕེབས་མཁན་ཕྱི་རྒྱལ་མི་རིགས་རྣམས་ཀྱིས་རང་རང་སོ་སོའི་སྤྱོད་ཚུལ་ཡག་པོ་དགོས་སྐོར་དྲན་བསྐུལ་གནང་ཡོད་པ་རེད་

ཨོ་ལིམ་པིག་གོ་སྒྲིག་ཚོགས་ཆུང་གི་དྲ་རྒྱའི་ནང་དམ་བསྒྲགས་བྱེད་པའི་ཐོ་གཞུང་ཞིག་བཀོད་པའི་ནང་ངོ་རྒོལ་གྱི་ལས་འགུལ་སོགས་གཙོས་པའི་ཐ་ན་ཕྱི་ཕྱོགས་ལ་ཉལ་མི་ཆོག་པའི་དམ་བསྒྲགས་བྱས་ཡོད་པ་རེད་ དེ་བཞིན་ཕྱི་རྒྱལ་གྱི་གཟིགས་མོ་གཟིགས་མཁན་རྣམས་པར་རྩེད་འགྲན་གཟིགས་རྒྱུའི་ལག་འཁྱེར་ཀྲི་སི་ཡོད་ནའང་ ཝི་ཛ་ཐོངས་མཆན་ཐོབ་པའི་འགན་ལེན་གནང་ཐུབ་ཐབས་མེད་སྐོར་བཀོད་ཡོད་པ་རེད་ པེ་ཅིང་ཨོ་ལིམ་པིག་རྩེད་འགྲན་གོ་སྒྲིག་ཚོགས་ཆུང་གིས་རྩེད་འགྲན་ཐོག་གཏོར་རྒོལ་གཏང་རྒྱུའི་འཆར་གཞི་ཡོད་མཁན་དང་རིག་འཚོ་མ་ཟིན་པ་ བསོ་མེག་འགོས་ནད་ཡོད་མཁན་ སྨན་ཚོང་གི་ལས་དོན་གཉེར་མཁན་རྣམས་རྩེད་འགྲན་དུ་བསྐྱོད་བཅུག་རྒྱུ་མིན་སྐོར་གསུང་ཡོད་པ་རེད་ རྩེད་འགྲན་ཚོགས་ཆུང་གི་སྒྲིག་གཞིའི་ནང་རྒྱ་ནག་གི་ཡུལ་དེའི་ས་གནས་མང་པོ་ཞིག་སྤྱི་བདེ་མི་སྣ་དང་གཞུང་གི་ལས་བྱེད་ཀྱིས་ཆོག་མཆན་མེད་པར་བསྐྱོད་མི་ཆོག་པའི་ཡུལ་ཞིག་ཡིན་སྐོར་ཉེན་བརྡ་བཏང་ཡོད་པ་རེད་

འདི་ལོ་ཕྱི་ཟླ་ ༨ པའི་ནང་ཚོགས་རྒྱུའི་པེ་ཅིང་གི་ཨོ་ལིམ་པིག་རྩེད་འགྲན་དེར་ཕྱི་རྒྱལ་གྱི་གཟིགས་མོ་གཟིགས་མཁན་མི་གྲངས་ ༥༠༠༠༠༠ སྐོར་ཞིག་ཕེབས་རྒྱུའི་འཆར་གཞི་ཡོད་པ་རེད་

མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎

དྲ་གནས་ཆ་ཚང༌།