བོད་ནང་རྒྱ་རིགས་ཡུལ་སྐོར་སྤྲོ་འཆམ་པ་མང་པོ་ཡོང་བཞིན་པ་དེས་བོད་ནང་ཏོག་དབྱིབས་ནད་ཡམས་ཁྱབ་གདལ་འགྲོ་སྲིད་པའི་སེམས་ཚབས་ཡོད་པ།


2020-08-08
Share
བོད་ནང་རྒྱ་རིགས་ཡུལ་སྐོར་སྤྲོ་འཆམ་པ་མང་པོ་ཡོང་བཞིན་པ་དེས་བོད་ནང་ཏོག་དབྱིབས་ནད་ཡམས་ཁྱབ་གདལ་འགྲོ་སྲིད་པའི་སེམས་ཚབས་ཡོད་པ། ལྷ་སའི་བར་སྐོར་ནང་དང་རེ་སྐུལ་གསལ་བསྒྲགས་གང་སར་ཡོད་པ། ༢༠༢༠།༧
བོད་འབྱོར།

རྒྱ་ནག་གི་ས་གནས་ཁག་ནང་ཏོག་དབྱིབས་ནད་ཡམས་ཁྱབ་གདལ་ཡོད་མུས་ལ་མ་ལྟོས་པར། རྒྱ་ནག་གཞུང་གིས་རྒྱ་ནག་གི་ས་གནས་ཁག་ནས་རྒྱ་མི་རིགས་ཡུལ་སྐོར་སྤྲོ་འཆམ་པ་འཕོན་ཆེ་བོད་ནང་གཏོང་གི་ཡོད་པར་བོད་མི་ཚོས་སེམས་ཚབས་ཆེན་པོ་བྱེད་བཞིན་ཡོད་པ་རེད།  
དེ་ཡང་བོད་ཀྱི་རྒྱལ་ས་ལྷ་ས་ནས་བོད་མི་ཞིག་གིས་འདི་ག་རླུང་འཕྲིན་ཁང་དུ་གནས་ཚུལ་ངོ་སྤྲོད་གནང་བའི་ནང་།   དེང་སྐབས་བོད་ཀྱི་རྒྱལ་ས་ལྷ་སའི་ཁུལ་གྱི་གནས་ཆེན་ཁག་ཏུ་ལྟ་བསྐོར་དུ་ཡོང་མཁན་རྒྱ་མི་ཧ་ཅང་འཕོན་ཆེན་ཡོད་པ་དང་།   ཡིན་ནའང་བོད་ནང་གནས་སྡོད་གནང་མཁན་བོད་མི་ཚོར་སེམས་ཚབས་ཆེ་ཤོས་ནི་། རྒྱ་ནག་ནས་རྒྱ་མི་རིགས་འཕོན་ཆེ་བོད་ནང་ཡུལ་སྐོར་སྤྲོ་འཆམ་སོགས་ཀྱི་ཆེད་གཏོང་གི་ཡོད་པ་དེས། བོད་ནང་ལ་ཡང་ནད་ཡམས་ཁྱབ་གདལ་འགྲོ་སྲིད་པའི་སེམས་ཚབས་ཡོད་པ་འགྲེལ་བརྗོད་གནང་འདུག
ཡང་བོད་མི་གཞན་ཞིག་གིས་གནས་ཚུལ་ངོ་སྤྲོད་གནང་བའི་ནང་ད་ལོ་བོད་པའི་ལོ་གསར་ཙམ་ནས་བཟུང་གཙུག་ལག་ཁང་གི་གཡས་གཡོན་དུ་ལྕགས་རི་མཐོན་པོ་རྒྱབ་ནས་དེའི་ནང་ག་རེ་བྱེད་ཀྱི་ཡོད་མེད་ཕྱི་ནས་ཤེས་རྟོགས་མེད་པའི་སྐོར་ངོ་སྤྲོད་གནང་གི་འདུག
བོད་ལྗོངས་དྲ་བ་ཞེས་པའི་རྒྱ་ནག་གཞུང་འབྲེལ་གསར་འགྱུར་རྒྱུད་ལམ་གྱིས་གནས་ཚུལ་སྤེལ་བའི་ནང་བོད་རང་སྐྱོང་ལྗོངས་ཀྱིས་ནུས་ཤུགས་གང་ཡོད་ཀྱིས་ཁེ་ལས་ལ་དཀའ་ངལ་སེལ་ཐབས་དང་ཡུལ་སྐོར་ཁེ་ལས་ཀྱི་ལས་དོན་དང་ཐོན་སྐྱེས་སླར་གསོར་སྐུལ་འདེད་བཏང་བ་དང་འབྲེལ་འདི་ལོ་ལོ་སྟོད་དུ་བོད་རང་སྐྱོང་ལྗོངས་ཀྱིས་ཡུལ་སྐོར་པ་མི་ཁྲི་བརྒྱད་རྒྱ་གསུམ་ཅུ་ལྷག་ཙམ་ལ་སྣེ་ལེན་བྱས་ཡོད་ལུགས་དང་ལྷག་པར་དུ་ད་ལོ་ཕྱི་ཟླ་ལྔ་པ་དང་དྲུག་པ་ནས་བཟུང་བོད་རང་སྐྱོང་ལྗོངས་ཀྱི་ཡུལ་སྐོར་གནས་སྟངས་ཀྱི་འཕར་ཚད་རྒྱལ་ཡོངས་ནས་མགྱོགས་ཤོས་ཡིན་པའི་སྐོར་བཀོད་འདུག།

མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎

དྲ་གནས་ཆ་ཚང༌།