ཇོ་ཁང་མདུན་རང་ལུས་མེར་བསྲེག

རྒྱ་གཞུང་ལ་ངོ་རྒོལ་ཆེད་བོད་མི་གཞོན་སྐྱེས་གཉིས་ཀྱིས་རང་ལུས་མེར་བསྲེགས་འདུག

2012.05.27
རྒྱ་གཞུང་ལ་ངོ་རྒོལ་ཆེད་བོད་མི་གཞོན་སྐྱེས་གཉིས་ཀྱིས་རང་ལུས་མེར་བསྲེགས་འདུག
ཕལི་ཀར།

༄༅༎ཕྱི་ཟླ་༥ཚེས་༢༧རེས་གཟའ་ཉི་མའི་ཉིན་དགུང་ཆུ་ཚོད་༣་ཡོལ་ཙམ་ལ་ལྷ་སའི་ཇོ་ཁང་མདུན་དུ་བོད་མི་གཞོན་སྐྱེས་གཉིས་ནས་རང་ལུས་མེར་བསྲེགས་ཏེ་ངོ་རྒོལ་སྐད་འབོད་ཤུགས་ཆེ་བྱས་ཡོད་པ་དང།དེ་མ་ཐག་རྒྱ་གཞུང་གི་དམག་དཔུང་དང་ཉེན་རྟོག་པས་ཁོང་གཉིས་ཀྱི་ལུས་ལ་མེ་ཤུགས་ཆེ་འབར་བཞིན་པ་དེ་བསད་དེ་འཛིན་བཟུང་བྱས་པ་མ་ཟད།གཡས་གཡོན་གྱི་མི་མང་དང་ཡུལ་སྐོར་བ་ཚང་མ་ཟུར་བཀག་ཐོག་གནས་ཚུལ་དངོས་བྱུང་སར་མི་གཅིག་ཀྱང་གཏོང་གི་མི་འདུགདེ་རྗེས་སྐར་མ་༡༥ཙམ་གྱི་རིང་ལ་གནས་ཚུལ་བྱུང་ཡུལ་དུ་གཙང་སེལ་བྱས་ནས་དེ་ཁུལ་དུ་གནས་ཚུལ་གང་ཡང་ལྷག་མེད་པ་ལྟ་བུ་བཟོས་པ་དང་།སྐོར་བ་འགྲོ་མི་སོགས་སྔར་རྒྱུན་བཞིན་འགྲོ་རུ་བཅུག་པ་མ་ཟད་བར་སྐོར་རྒྱུད་ཀྱི་ཁྲོམ་སྟེག་དང་ཚོང་ཁང་ཁག་སྒོ་བརྒྱབ་མི་ཆོག་པའི་བཙན་བཀའ་བཏང་འདུག།ཕྱི་དྲོ་གཙུག་ལག་ཁང་དུ་གནས་གཟིགས་ལ་ཕེབས་ཟིན་པའི་ཡུལ་སྐོར་བ་ཕྱིར་ཐོན་སྐབས་པར་ཆས་དང་ཁ་པར་ཚང་མ་གཤེར་བཞིན་ཡོད་པ་དང་བར་སྐོར་ཁུལ་དུ་ཁ་པར་དང་དྲྭ་རྒྱ་ཚང་མ་བཀག་ཡོད་པའི་གནས་ཚུལ་འདུག།

བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
མགོན་པོ་སྐྱིད་ལགས་ཀྱིས་མུ་མཐུད་དུ་ཞུ་འབོད་ལས་འགུལ་སྤེལ་སྐབས་རྒྱ་ནག་གི་ཉེན་རྟོག་པས་འཛིན་བཟུང་གིས་གཅར་རྡུང་བྱས་འདུག
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎