ཨ་རིས་ལི་བི་ཡར་དཔལ་འབྱོར་གྱི་ཉེས་ཆད་གཏོང་རྒྱུའི་ཐག་གཅོད།

ལི་བི་ཡའི་གནད་དོན་ཐོག་མཉམ་འབྲེལ་རྒྱལ་ཚོགས་ཀྱི་བདེ་འཇགས་ལྷན་ཁང་གི་རྒྱལ་ཁབ་གྲངས་༡༥ས་རྫ་དྲག་གི་ཚོགས་འདུ་ཚོགས་བཞིན་པ་རེད།

2011-02-26
Share

༄༅༎ལི་བི་ཡའི་འགོ་ཁྲིད་མོའོ་མར་ག་རྡི་ཕི་དང་ཁོང་གིས་གཙོ་སྐྱོང་སྣེ་འཁྲིད་བྱས་པའི་གཞུང་དེ་སྲིད་དབང་ནས་མར་བབས་དགོས་པ་དང་དམངས་གཙོ་དང་ཆབ་སྲིད་བཅོས་བསྒྱུར་གཏོང་དགོས་པ་སོགས་ཀྱི་དགོས་འདུན་བཏོན་དང་བཏོན་བཞིན་པའི་ཞི་བའི་མི་མང་གི་རང་དབང་ཐོག ཤིན་ཏུ་ལྕི་བའི་དྲག་གནོན་བྱས་ཏེ་ད་ལྟའི་འཆར་ཉུང་མཐར་ཡང་མི་གྲངས་སྟོང་ཕྲག་བརྒལ་བ་རྐྱེན་ལམ་དུ་བཏང་ཡོད་པ་རེད། དེ་འདྲའི་མི་ཆོས་ལས་འདས་པའི་བྱ་སྤྱོད་དེ་དག་འཕྲལ་དུ་མཚམས་འཇོག་ཡོང་ཐབས་སླད་དུ་རྒྱལ་ཁབ་དེའི་ཐོག་དཔལ་འབྱོར་གྱི་ཉེས་ཆད་འདྲ་མིན་ཚ་ནན་གཏོང་རྒྱུའི་ཆེད་དུ་མཉམ་འབྲེལ་རྒྱལ་ཚོགས་ཀྱི་བདེ་འཇགས་ལྷན་ཁང་ནང་གཏན་འཇགས་དང་རེ་མོས་བྱས་ཏེ་ཞུགས་པའི་རྒྱལ་ཁབ་གྲངས་༡༥ས་དེ་རིང་རྫ་དྲག་གི་ཚོགས་འདུ་ཚོགས་བཞིན་པ་རེད། ཚོགས་འདུ་དེའི་ནང་ཨ་མི་རི་ཀའི་ཕྱི་སྲིད་དྲུང་ཆེ་ལྕམ་ཧི་ལ་རི་ཀི་ལིན་ཀྲེན་མཆོག་གིས་གཙོས་པའི་དབྱིན་ཡུལ་དང་ཕ་རན་སི་ ཇར་མ་ནི་བཅས་ཀྱི་ཆེས་མཐོའི་དབུ་ཁྲིད་རྣམ་པ་ཚོ་དང་ མཉམ་འབྲེལ་རྒྱལ་ཚོགས་ཀྱི་སྤྱི་ཁྱབ་དྲུང་ཆེ་སྦན་ཀི་མུན་བཅས་ཀྱིས་དཔལ་འབྱོར་ཉེས་ཆད་ལས་ལྷག་པའི་ལི་བི་ཡའི་འགོ་ཁྲིད་མོའོ་མར་ག་རྡ་ཕིའི་བྱ་སྤྱོད་དེ་ནི་མཉམ་འབྲེལ་རྒྱལ་ཚོགས་ཀྱི་ནག་ཅན་ཁྲིམས་ཁང་ནང་ཁྲིམས་གཏུགས་བྱེད་རྒྱུའི་གྲས་སུ་འཇུག་རྒྱུའི་དགོངས་ཚུལ་ཡང་འདོན་གྱི་ཡོད་པ་རེད།།

མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎

དྲ་གནས་ཆ་ཚང༌།