འཛམ་གླིང་ནང་བུད་མེད་འགོ་ཁྲིད་མང་བ་དགོས་གལ་ཆེ།

༧གོང་ས་སྐྱབས་མགོན་ཆེན་པོ་མཆོག་གིས་དེང་སྐབས་འཛམ་གླིང་ནང་བུད་མེད་འགོ་ཁྲིད་མང་བ་དགོས་གལ་ཆེ་བ་གསུངས་འདུག
དེ་ཡང་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་ལ་FICCI་ཞེས་རྒྱ་གར་རྒྱལ་ཡོངས་བེུད་ཀྱི་ཚོང་པའི་ལྷན་ཚོགས་ཀྱིས། ལྷན་ཚོགས་དེའི་ཚོགས་མི་རྣམས་ལ་ནུས་སྟོབས་གོང་འཕེལ་གཏོང་ཐབས་སྐོར་བཀའ་སློབ་བཀྲིན་ཆེ་གནང་ཡོང་བ་ཇི་ལྟར་གསོལ་འདེབས་ཞུས་པ་བཞིན་ཕྱི་ཚེས་༢༡་སྟེ་གཟའ་སྤེན་པའི་ཉིན་རྒྱལ་ས་ལྡི་ལི་གསར་པའི་ནང་ལྷན་ཚོགས་དེའི་ཚོགས་མི་བེུད་༢༠༠་ལྷག་ལ་བཀའ་སློབ་སྩལ་སྐབས། ༧གོང་ས་མཆོག་གིས། བུད་མེད་རྣམས་ནི་མི་གཞན་ལ་སྙིང་རྗེ་ཆེ་བ་དང་གཞན་ལ་ཚོར་བ་ཆེ་བ་ཡོད་སྟབས་བེུད་མང་པོར་འགོ་ཁྲིད་བྱེད་དགོས་པའི་བློ་སྟོབས་སྤེལ་དགོས་པ་གལ་ཆེ་ཡིན་པ་བཀའ་ནན་པོ་གནང་ཡོད་ཅིང་། ༧གོང་ས་མཆོག་གིས་དེང་སྐབས་ཀྱི་འཛམ་གླིང་འདིའི་ནང་བྱམས་དང་སྙིང་རྗེ་ལྡན་པ་དང་། གཞན་ལ་བྱམས་དང་སྙིང་རྗེའི་ཐོག་ནས་ཡིད་ཆེས་དང་ལ་ཞེན་རྩིས་མཁན་བཟོ་ཐུབ་པའི་འགོ་ཁྲིད་དགོས་གལ་ཆེ་བ་དང་། བེུད་ཚོ་ནི་སྐྱེ་སྟོབས་དང་ལུས་གཞིའི་ཐོག་གམ་རང་བཞིན་གྱིས་གཞན་ལས་ཚོར་རྣོ་ཆེ་བ་ཡོད་སྟབས་འཛམ་གླིང་ལ་བེུད་ཀྱི་འགོ་ཁྲིད་མང་བ་དགོས་གལ་ཆེ་སྐོར་བཀའ་གནང་བ་མ་ཟད། མི་མང་ཡོངས་རྫོགས་རང་གི་མི་ཚེ་བདེ་ཐང་ངང་འཚོ་གནས་ཆེད་ཆོས་ལུགས་དང་མ་འབྲེལ་བའི་ཤེས་ཡོན་སློབ་སྦྱོང་གི་གོ་སྐབས་བསྐྲུན་དགོས་པ་དང་མང་ཚོགས་ཀྱི་འཕྲོད་བསྟེན་ཡར་རྒྱས་གོང་འཕེལ་གཏོང་རྒྱུའི་གོ་སྐབས་བསྐྲུན་དགོས་པ་སྤྱི་དང་ལྷག་དོན་དུ་བེུད་ཚོར་ཤེས་ཡོན་གྱི་གོ་སྐབས་བསྐྲུན་དགོས་ལ་བེུད་ཀྱི་འཕྲོད་བསྟེན་ཡར་རྒྱས་གོང་འཕེལ་གཏོང་དགོས་སྐོར་བཀའ་ནན་པོ་གནང་འདུག།

གསར་འགོད་པ་སེང་གེ་རི་བསོད་ནམས་ལྷ་མོ།