གླེང་སློང་མང་པོའི་རྗེས་ཞི་ཅིན་ཕིང་དངོས་སུ་མང་ཚོགས་ཁྲོད་མངོན་འདུག

2022.09.28
Share on WhatsApp
Share on WhatsApp
གླེང་སློང་མང་པོའི་རྗེས་ཞི་ཅིན་ཕིང་དངོས་སུ་མང་ཚོགས་ཁྲོད་མངོན་འདུག ཞི་ཅིན་ཕིང་སྲིད་འཛིན་གྱི་ལས་དུས་གཉིས་རིང་གི་གྲུབ་འབྲས་སྐོར་གྱི་འགྲེམས་སྟོན་ཐོག ༩།༢༧།༢༠༢༢
Xinhua via AP

བར་ལམ་རྒྱ་ནག་གི་སྲིད་འཛིན་གང་མཚམས་རིང་གོ་རྒྱུ་མཐོང་རྒྱུ་མེད་པའི་གནས་ཚུལ་གླེང་སློང་བྱུང་བཞིན་པའི་སྐབས་རེས་གཟའ་མིག་དམར་ཉིན་ཞི་ཅིན་ཕིང་མང་ཚོགས་མདུན་དུ་མངོན་འདུག
ཟླ་བ་འདིའི་འགོ་སྟོད་དུ་རྒྱ་ནག་གི་སྲིད་འཛིན་ཞི་ཅིན་ཕིང་(Xi Jinping)་གིས་(Kalzakhstan)་དང་(Uzbekistan)་རྒྱལ་ཁབ་གཉིས་ནང་གཞུང་དོན་ཕྱོགས་བསྐྱོད་བྱས་ནས་འདས་པའི་ལོ་ངོ་གཉིས་ཀྱི་ནང་ཕྱི་ཕྱོགས་སུ་ཕྱོགས་བསྐྱོད་ཐོག་མ་དེ་བྱས་ཡོད་པ་དང་། དེ་ནས་ཕྱིར་རྒྱ་ནག་ཏུ་ལོག་རྗེས་འདས་པའི་ཉིན་གྲངས་བཅུ་ལྷག་རིང་གཞུང་འབྲེལ་དང་སྒེར་དོན་སོགས་ཀྱི་ཐད་ནས་ཞི་ཅིན་ཕིང་རྒྱ་ནག་གི་སྤྱི་ཚོགས་ཁྲོད་དང་གསར་འགྱུར་ནང་གོ་རྒྱུ་མེད་པ་དང་དངོས་སུ་མཐོང་རྒྱུ་མེད་པར་གྱུར་བའི་གནས་ཚུལ་བྱུང་ཡོད་པ་མ་ཟད། འགའ་ཤས་ཀྱིས་ཁོང་བཟང་བཙོན་དུ་བཅུག་ཡོད་པའི་གནས་ཚུལ་ཁྱབ་སྤེལ་བྱུང་ཡོད་པ་རེད།
ཕྱི་ཚེས་༢༨ཉིན་ལྷོ་རྒྱ་ནག་སྔ་དྲོའི་ཕོ་ཉ་ཞེས་པའི་གསར་ཤོག་གིས་གནས་ཚུལ་སྤེལ་གསལ་ལྟར་ན། ཞི་ཅིན་ཕིང་གར་ཡོད་ཀྱི་གནས་ཚུལ་གླེང་སློང་བྱུང་བཞིན་པའི་སྐབས་འདིར། རེས་གཟའ་མིག་དམར་ཚེས་༢༧ཉིན་རྒྱ་ནག་གི་རྒྱལ་ས་པེ་ཅིང་དུ་ཞི་ཅིན་ཕིང་གིས་སྲིད་འཛིན་གྱི་ལས་དུས་གཉིས་ཀྱི་རིང་གི་གྲུབ་འབྲས་སྐོར་གྱི་འགྲེམས་སྟོན་ཐོག་ཡོང་ཡོད་པ་དང་། རྒྱ་ནག་དམར་ཤོག་ཚོགས་པས་ཞི་ཅིན་ཕིང་གི་བྱས་རྗེས་སྐོར་དཔེ་དེབ་རིམ་པ་པར་བསྐྲུན་བྱ་རྒྱུ་ཡིན་པ་སོགས་རྒྱ་ནག་གཞུང་འབྲེལ་གྱི་གསར་ལམ་ཁག་གིས་གནས་ཚུལ་སྤེལ་འདུག དེ་ནི་བར་ལམ་གྱི་གནས་ཚུལ་རྗེས་སུ་དངོས་སུ་སྤྱི་ཚོགས་ཁྲོད་མཐོང་རྒྱུ་བྱུང་བ་ཐོག་མ་དེ་ཡིན་པ་རེད།
རྒྱ་ནག་གི་གཞུང་འབྲེལ་ཤིན་ཧཱ་གསར་ལས་ཁང་གིས་གནས་ཚུལ་ལུངས་འདྲེན་བྱས་པ་ལྟར་ན། ཞི་ཅིན་ཕིང་གིས་འགྲེམས་སྟོན་ལ་ལྟ་སྐོར་སྐབས། ཁོང་དང་མཉམ་དུ་རྒྱ་ནག་གི་མཐོ་རིམ་དཔོན་རིགས་དང་། མི་སྣ་༢༥ལས་གྲུབ་པའི་ཆབ་སྲིད་ཨུ་ཡོན་ལྷན་ཁང་གི་ཚོགས་མི་ཚང་མ་ཡོད་པདང་། ཁོང་གིས་འདས་པའི་ལོ་བཅུའི་རིང་། རྒྱ་ནག་གུང་ཁྲན་ཏང་གི་སྣེ་ཁྲིད་བྱས་སྟེ། རྒྱལ་ཁབ་ནང་ཆབ་སྲིད་དང་དཔལ་འབྱོར། ལྟ་གྲུབ་ཀྱི་འགལ་ཟླ་བཅས་ལ་གདོང་ལེན་ནན་པོ་བྱས་བར་གྲུབ་འབྲས་བྱུང་ཡོད་པ་མ་ཟད། རང་བྱུང་གི་གོད་ཆགས་རིམ་པར་གདོང་ལེན་འཐུས་ཚང་བྱས་ཡོད་ལུགས་ཀྱི་གཏམ་བཤད་བྱས་ཡོད་འདུག
ཞི་ཅིན་ཕིང་ད་རེས་མང་ཚོགས་ཁྲོད་ཐོན་པ་དེ། རྒྱ་ནག་དམར་ཤོག་ཚོགས་པའི་ཚོགས་ཆེན་༢༠པ་འཚོགས་ལ་ཉེ་བའི་སྐབས་དང་། ཚོགས་ཆེན་དེའི་ཐོག་ཁོང་སྲིད་འཛིན་གྱི་ལས་འཁུར་ཐེངས་གསུམ་པར་འདུག་ཐུབ་པའི་རེ་སྒུག་བྱེད་བཞིན་པའི་དུས་སུ་འཁེལ་ཡོད་པ་རེད།

གསར་འགོད་པ། དོན་གྲུབ་རྣམ་རྒྱལ།
རྩོམ་སྒྲིག་པ། རྡོ་རྗེ་དགྲ་འདུལ།
དྲ་ཐོག་རྩོམ་སྒྲིག་པ། དཔལ་ལྡན་རྒྱལ།
དྲ་ཐོག་སྤེལ་མཁན། ཀླུ་འབུམ།

བལྟ་བཤེར་མང་ཤོས་བྱས་པའི་གནས་ཚུལ།
RFA
སྲིད་སྐྱོང་ནས་རྒྱ་ནག་གཞུང་གིས་དུས་རབས་དང་མ་མཐུན་པའི་སྲིད་བྱུས་བཟུང་སྟེ་མང་ཚོགས་ལ་དཀའ་ངལ་སྤྲོད་བཞིན་པར་བློ་འཚབ་ཡོད་པ་འགྲེལ་བརྗོད་གནང་བྱུང་།
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
རྒྱ་ནག་ནང་ངོ་རྒོལ་དང་འབྲེལ་བོད་ནང་གི་དྲ་ལམ་ཁག་ཏུ་ངོ་རྒོལ་སྐོར་གྱི་གནས་ཚུལ་ཐད་དམ་དྲགས་ཤུགས་ཆེར་བྱེད་བཞིན་འདུག
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎