རྒྱ་ནག་དང་བོད་དབར་གྱི་འབྲེལ་བ་ནི་ཆོས་ཡོན་རྐྱང་པ་ལས་ཕྱི་འབྲེལ་ཆབ་སྲིད་མ་རེད་ཅེས་གསུངས་པ།

རྒྱལ་སྤྱིའི་ཁྲོད་རྒྱ་ནག་རིག་པ་བ་གྲགས་ཅན་མང་པོས་རྒྱ་ནག་གིས་ལོ་རྒྱུས་སུ་གུས་བཀུར་ཆེ་མཐོང་ཞུ་བའི་ཕྱི་འབྲེལ་གྱི་སྲིད་བྱུས་འདི་ནི་ལོ་རྒྱུས་ཁྲོད་ཤར་ཨེ་ཤེ་ཡའི་ཡུལ་གྲུ་ཁག་དང་ཆབ་སྲིད་ཀྱི་ཐབས་ཇུས་ཤིག་ཏུ་ངོས་འཛིན་བྱེད་ཀྱི་ཡོད་ཅིང་།  འདི་ནང་ཉི་ཧོང་དང་། ཀོ་རི་ཡ། ཝིཡཏ་ནམ་བཅས་ལ་ཤུགས་རྐྱེན་ཆེན་པོ་བྱུང་ཡང་།  བོད་ནང་ཆེ་མཐོང་གི་ཕྱི་འབྲེལ་སྲིད་བྱུས་འདི་ནི་གཅིག་འགྱུར་མིན་པར་བོད་ཀྱི་བླ་ཆེན་རྣམས་ལ་གོ་གནས་མཚན་མཐོང་ཕུལ་བ་རྣམས་ནི་ཆོས་ཡོན་དང་བླ་སློབ་གྱི་འབྲེལ་བ་ཡིན་ཞིང་།  ལྷག་པར་བོད་ཀྱི་བླ་ཆེན་རྣམས་རྒྱ་ནག་རྒྱལ་པོའི་གོང་དུ་བཀུར་བ་ཞིག་ཆགས་ཡོད་པ་རྒྱ་ནག་ཉམས་ཞིབ་པ་རིག་འཛིན་རྣམ་རྒྱལ་ལགས་ཀྱིས་འགྲེལ་བརྗོད་གནང་བྱུང་།  ཐེངས་འདིའི་གནད་དོན་གླེང་མོལ་གྱི་ལས་རིམ་ནང་།  རྒྱ་ནག་གིས་བོད་ནང་དུ་ལོ་ངོ་བརྒྱ་ཕྲག་མང་པོའི་རིང་འབྲེལ་བ་ཇི་ལྟར་བྱས་མིན་དང་དེའི་ཆབ་སྲིད་ཀྱི་གནད་འགག་ཇི་ཡིན་བཅས་ཀྱི་ཐད་རིག་འཛིན་ལགས་དང་ལྷན་ཨེ་ཤེ་ཡ་རང་དབང་རླུང་འཕྲིན་ཁང་གི་རྩོམ་སྒྲིག་འགན་འཛིན་བཀྲིས་དབང་ཕྱུག་ལགས་ཀྱིས་གླེང་མོལ་ཞུས་པར་གསན་རོགས་གནང་།

གསར་འགོད་པ། བཀྲིས་དབང་ཕྱུག

རྩོམ་སྒྲིག་པ། ཚེ་བརྟན་རྣམ་རྒྱལ།

དྲྭ་ཐོག་སྤེལ་མཁན། པ་སངས་དོན་ལྡན།