སྐུ་གཤེགས་དམ་པ་སྟག་སྣ་འཇིགས་མེད་བཟང་པོ་དང་བོད་ཀྱི་ཆབ་སྲིད་བཙོན་པ།

གནད་དོན་གླེང་མོལ་གྱི་ལས་རིམ་ནང་།  རྒྱ་ནག་གཞུང་གིས་མི་ལོ་ ༣༧ རིང་བཙོན་འཇུག་བྱས་པའི་བོད་ཀྱི་ཆབ་སྲིད་བཙོན་ཟུར་སྟག་སྣ་འཇིགས་མེད་བཟང་པོ་ལགས་ ༢༠༢༠ ཕྱི་ཟླ་ ༡༠ ཚེས་ ༡༧ ཉིན་སུད་སིར་རྒན་གསོ་ཁང་ཞིག་ཏུ་དགོངས་པ་རྫོགས་པ་དང་བསྟུན།  ཁོང་གི་བཙོན་ཁང་ནང་གི་ལོ་རྒྱུས་རགས་བསྡུས་དང་བོད་མི་ཆབ་སྲིད་བཙོན་པ་གཞན་ཚོས་བློས་གཏོང་བཅས་ཀྱི་ཐད་ཨ་རིར་གནས་བཞུགས་བོད་ཀྱི་ཆབ་སྲིད་བཙོན་ཟུར་ཚེ་སྨོན་གླིང་སྤེན་པ་ལགས་དང་།  སུད་སིར་གནས་བཞུགས་བོད་ཀྱི་ཆབ་སྲིད་བཙོན་ཟུར་ངག་དབང་རིག་སྒྲོལ་ལགས་དང་ལྷན་ཨེ་ཤེ་ཡ་རང་དབང་རླུང་འཕྲིན་ཁང་གི་གསར་འགོད་པ་བཀྲིས་དབང་ཕྱུག་ལགས་ཀྱིས་གླེང་མོལ་ཞུས་པར་གསན་རོགས་ཞུ།