ལྷ་སར་དམག་སྦྱོང་ཚུལ་གྱིས་བོད་མིར་འཇིཊ་སྐུལ་བྱས་འདུག

ལྷ་སར་རྒྱ་ནག་གིས་དམ་དྲག་དང་གྲོང་ཁྱེར་ནང་དམག་སྦྱོང་ཚུལ་གྱིས་བོད་མི་ཚོར་འཇིགས་བྱེད་བཞིན་པ་རེད་འདུག
དེ་ཡང་སྤྱི་ལོ་༢༠༠༨ལོའི་ཟླ་གསུམ་པའི་ཚེས་༡༤ཉིན་ནི་རྒྱ་ནག་གིས་གསུམ་གཅིག་བཞིའི་དོན་རྐྱེན་ཞེས་བོད་ནང་གི་ས་བྱི་ཞི་རྒོལ་ཆེན་མོ་ལ་མིང་འདོགས་བྱས་ནས་ད་བར་མི་ལོ་༦འཁོར་ཡོད་པའི་ཟླ་༣ཚེས༡༣ཉིན་ལྷ་ས་གྲོང་ཁྱེར་གྱི་སྤྱི་བདེ་ཉེན་རྟོག་ཚན་པ་དང་། བདེ་འཇགས་ཚན་པ། དྲག་ཆས་དམག་མི། མེ་གསོད་རུ་ཁག་བཅས་མཉམ་སུ་ལྷ་ས་གྲོང་ཁྱེར་གྱི་ཉེ་འཁོར་གང་སར་དྲག་ཆས་ཐོག་པ་དང་། དམག་སྦྱོང་བྱེད་བཞིན་པའི་འཇིགས་ཉམས་ཁག་རྒྱ་ནག་གི་༡༦༣དྲ་བར་འཁོད་ཡོད་པ་དང་། དེ་བཞིན་བོད་མིའི་རང་དབང་སྒེར་ལངས་གསུམ་བཅུའི་དུས་དྲན་སླེབས་ལ་ཉེ་བའི་ཟླ༣ཚེས༩ཉིན་ཡང་བོད་ཀྱི་རྒྱལ་ས་ལྷ་སར་བོད་རང་སྐྱོང་ལྗོངས་ཉེན་རྟོག་ཁང་དང་། དྲག་ཆས་ཉེན་རྟོག་ཁང་གཉིས་མཉམ་འབྲེལ་གྱིས་དུས་ལྟར་བརྟན་བརླིང་སྲུང་སྐྱོབ་ཀྱི་སྦྱོང་བརྡར་དྲག་ཤུགས་ངོམ་ཡོད་པ་དང་མཉམ་བརྙན་འཕྲིན་ནང་བསྟན་ཡོད་པ་དང་། དེའི་ཐད་བོད་རིགས་བུད་མེད་རྩོམ་པ་པོ་འོད་ཟེར་ལགས་ཀྱི་ཟིན་བྲིས་སུ། ཉིན་བཞིའི་བརྟན་བརླིང་ཆེད་ཀྱི་དམག་སྦྱོང་དེས་རྒྱ་ནག་གིས་བདེ་སྐྱིད་རྫོགས་ལྡན་གྱི་ལྷ་སར་ཞེས་འབོད་བཞིན་པའི་ངོ་གདོང་ངོ་མ་མཐོང་བའི་ཟུར་ཟ་བྱས་འདུག
དེ་ཙ་ན་ཕྱི་ལོ་༢༠༠༨ལོའི་ཟླ་༣པའི་ཚེས་༡༤ཉིན་ལྷ་ས་རུ་བོད་མི་མང་གིས་རྒྱ་གཞུང་ལ་ངོ་རྒོལ་བྱས་བའི་རྐྱེན་བོད་མི་༢༠༠ལྷག་དམར་གསོད་བཏང་བ་དང་། མང་པོ་ཞིག་གར་སོང་ཆ་མེད་དུ་གྱུར་བ་མ་ཟད། ལོ་དེའི་ཟླ་གསུམ་པའི་ཚེས་༡༦ཉིན་ཨ་མདོ་རྔ་བ་ས་ཁུལ་དུ་ངོ་རྒོལ་བྱས་རྐྱེན་བོད་མི་༢༠ལྷག་དམར་གསོད་བཏང་ཡོད་པ་སོགས་ས་བྱི་ཞི་རྒོལ་ཆེན་མོའི་སྐབས་བོད་ས་ཁྱོན་ཡོངས་སུ་རྒྱ་ནག་གིས་དྲག་གནོན་བྱས་ཡོད།

གསར་འགོད་པ་བོད་རྒྱལ།