བོད་ཁམས་དཀར་མཛེས་སུ་བཙུན་མ་གཉིས་ཀྱི་སྐོར།

བཙུན་མ་བཀྲིས་དབྱངས་མཚོ་ལགས་རྒྱ་ནག་གིས་བཙོན་ཁང་ནང་ཉེས་རྡུང་ཚབས་ཆེ་བཏང་བས་རྐྱེན་གྱིས་ཛ་དྲག་གི་སྨན་བཅོས་གནང་འདུག

2010-11-23
Share

༄༅༎ཁམས་དར་རྒྱས་ནས་ཡིན་པའི་བཙུན་མ་བཀྲིས་དབྱངས་མཚོ་ལགས་རྒྱ་ནག་གིས་བཙོན་ཁང་ནང་ཉེས་རྡུང་ཚབས་ཆེ་བཏང་བས་རྐྱེན་གྱིས་ཛ་དྲག་གི་སྨན་བཅོས་གནང་དགོས་བྱུང་བའི་གནས་ཚུལ་ཐོན་འདུག་། བོད་ཀྱི་དཀར་མཛེས་རྗོང་གི་ཁྱབ་ཁུངས་སུ་ཡོད་པའི་དར་རྒྱས་དགོན་པའི་ཉ་བརྒྱད་བཙུན་དགོན་གྱི་བཙུན་མ་བཀྲིས་དབྱང་མཚོ་དང་ ཁོང་གི་ཆོས་གྲོགས་གསེར་ཕྲུག་དང་བྱམས་པ་ཆོས་སྐྱིད་གསུམ་ཕྱི་ལོ་ ༢༠༠༨་ལོའི་ཕྱི་ཟླ་ལྔ་པའི་ཚེས་༢༠ཉིན་གྱི་མཚན་མོར་དཀར་མཛེས་རྗོང་ཐོག་ཏུ་ཕྱིན་ནས་དེ་ཕྱི་ཉིན་རྒྱ་ནག་ལ་ངོ་རྒོལ་ཤུགས་ཆེ་བྱས་པའི་མཐར་རྒྱ་ནག་གིས་འཛིན་བཟུང་བྱས་ནས་རྒྱ་ནག་གི་གྲོང་ཁྱེར་དྲིན་དུའི་ཉེ་འཁོར་གྱི་བཙོན་ཁང་ཞིག་གི་ནང་མུ་མཐུད་ནས་བཀག་ཉར་བྱས་ཡོད་ཅིང་། མཐར་ལོ་ངོ་གཉིས་དང་ཟླ་བ་དྲུག་ཙམ་བཀག་ཉར་བྱས་ནས་འདི་ཟླའི་ཚེས་བཅུ་དགུ་ཉིན་བཙོན་ཁང་ནས་བཙུན་མ་བཀྲིས་དབྱངས་མཚོ་ལགས་གློད་བཀྲོལ་བཏང་འདུག་། འོན་ཀྱང་ཁོང་རྒྱ་ནག་གི་བཙོན་ཁང་ནང་ལོ་གཉིས་ལྷག་ཙམ་བཀག་ཉར་བྱས་པའི་རིང་ ཉེས་རྡུང་ཚབས་ཆེ་བཏང་བའི་རྐྱེན་གྱིས་ཁོང་གི་སྐུ་གཟུགས་ཕྱི་ནང་གཉིས་ཀར་སྐྱོན་ཆེན་པོ་བཟོས་ནས་གྲོང་ཁྱེར་དྲིན་དུའི་ནང་དུ་སྨན་བཅོས་བྱེད་བཞིན་པ་ཡིན་པ་རེད་འདུག་།

མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎

དྲ་གནས་ཆ་ཚང༌།