༸གོང་ས་མཆོག་ཐེ་དབན་དུ་གདན་འདྲེན་ཞུ་རྒྱུའི་འབད་བརྩོན།

༄༅༎ཐེ་དབན་གྲོས་ཚོགས་ཀྱི་འཐུས་མིས་༸གོང་ས་མཆོག་ཐེ་དབན་ནང་གཞུང་འབྲེལ་ཐོག་ནས་གདན་འདྲེན་ཞུ་རྒྱུའི་གྲོས་འཆར་བཏོན་རྒྱུ་ཡིན་འདུག

ཐེ་དབན་མཐུན་སྒྲིལ་མཉམ་འབྲེལ་ཚོགས་པའི་གྲོས་ཚོགས་ཀྱི་འཐུས་མི་ལིང་ཧྲེ་ཅའ་ཡིས་ཐེ་བན་གྲོས་ཚོགས་སུ་༸གོང་ས་མཆོག་ཐེ་དབན་དུ་གཞུང་འབྲེལ་ཐོག་ནས་གདན་འདྲེན་ཞུ་རྒྱུའི་གྲོས་གཞི་ཞིག་གྲོས་ཚོགས་སུ་བཏོན་རྒྱུ་ཡིན་ལུགས་འགྲེལ་བརྗོད་བྱས་པ་དང༌། ཁོང་གིས་ང་ཚོས་བོད་མི་ཚོའི་རང་དབང་ཆེད་དགོས་འདུན་ལ་གདུང་སེམས་མཉམ་སྐྱེས་མཚོན་ཐབས་ཆེད། ༸གོང་ས་ཏ་ལའི་བླ་མ་མཆོག་གཞུང་འབྲེལ་ཐོག་ནས་ཐེ་དབན་གྲོས་ཚོགས་སུ་བཀའ་སློབ་གནང་རྒྱུར་གདན་དྲེན་ཞུ་རྒྱུའི་གྲོས་གཞི་གྲོས་ཚོགས་སུ་བཏོན་རྒྱུ་དང་།  ཁོང་གིས་གྲོས་ཚོགས་ཀྱི་འཐུས་མི་ཚོའི་ས་ནས་གྲོས་འཆར་དེར་རྒྱབ་སྐྱོར་བྱེད་མཁན་གྱི་ས་རྟགས་ལེན་ནས།  ཐེ་དབན་གྲོས་ཚོགས་ལྷན་ཐོག་ཐ་མ་དེའི་སྐབས་གྲོས་གཞི་དེ་བཏོན་ཐུབ་པའི་འབད་བརྩོན་གནང་རྒྱུ་ཡིན་ལུགས་གསུངས་འདུག།