བོད་སོག་ལར་རྒྱ་གཅིག་གྱུར་གྱི་ཆིངས་ཡིག་ཐད་བགྲོ་གླེང༌།

བཞུགས་སྒར་དུ་བོད་སོག་ལར་རྒྱ་གཅིག་གྱུར་གྱི་ཆིངས་ཡིག་གལ་གནད་སྐོར་གྱི་བགྲོ་གླེང་ཞིག་སྐོང་ཚོགས་གནང་ཡོད་པའི་གནས་ཚུལ།

2010-12-31
Share

༄༅༎བོད་སོག་ལར་རྒྱ་གཅིག་གྱུར་གྱི་ཆིངས་ཡིག་གལ་གནད་སྐོར་གྱི་བགྲོ་གླེང་ཚོགས་འདུ་ཞིགཕྱི་ཟླ་བཅུ་གཉིས་པའི་ཚེས་༣༠ཉིནབཞུགས་སྒར་རྡ་རམ་ས་ལའི་གངས་སྐྱིད་སྤྱི་ཐབ་ཡང་སྟེང་ཚོགས་ཁང་དུ་འགོ་འཛུགས་གནང་ཡོད་པའི་སྐོར་བཙན་བྱོལ་བོད་གཞུང་དྲ་གནས་ཐོག་གནས་ཚུལ་སྤེལ་འདུག

ད་རེས་ཀྱི་བོད་སོག་ལར་རྒྱ་གཅིག་གྱུར་གྱི་ཆིངས་ཡིག་གལ་གནད་ཅེས་པའི་བརྗོད་གཞིའི་ཐོག་གི་ལྷན་ཚོགས་དེ་བཞིནབཙན་བྱོལ་བོད་གཞུང་ཕྱི་དྲིལ་ལས་ཁུང་གིས་གོ་སྒྲིག་གནང་བ་ཞིག་ཡིན་པ་དང་ཚོགས་འདུའི་སྐབས་གསུང་བཤད་གནང་མཁན་མི་སྣ་བདུན་ཡོད་པའི་ནང་སྤྱི་འཐུས་འབའ་པ་སྐལ་བཟང་རྒྱལ་མཚན་ལགས་དང་  ས་རའི་རྒྱལ་རབས་སློབ་དགེ་བསོད་ནམས་རྒྱལ་མཚན་ལགས  ཨ་རིའི་ཨིན་ཊེ་ཡ་ནའི་གཙུག་ལག་སློབ་གྲྭའི་སློབ་དཔོན་སྐུ་ཞབས་ཨི་ལོའི་ཊ་ ཨིསི་པེ་རིང། ཁེ་ན་ཊའི་ སྦིར་ཊི་ཤི་ཁ་ལོམ་བི་ཡ་གཙུག་ལག་སློབ་གྲྭའི་མཁས་དབང་ཚེ་རིང་ཤཀྱྰ་ལགསཝར་ན་མཐོ་སློབ་ཀྱི་རྒྱལ་རབས་སློབ་དཔོན་བྱམས་པ་བསམ་གཏན་ལགས  བོད་གཞུང་ཤེས་རིག་ལས་ཁུངས་ཀྱི་ཉམས་ཞིབ་པ་ཆུང་ཚེ་རིང་ལགས  མ་མྱེས་རྨ་ཆེན་བོད་ཀྱི་རིག་གཞུང་ལྟེ་གནས་ཁང་གི་འགན་འཛིན་དང་ལོ་རྒྱུས་ཉམས་ཞིབ་པ་བཀྲིས་ཚེ་རིང་ལགས་བཅས་ཡིན་པ་རེད།

 དེ་མིན་ཚོགས་བཅར་བའི་ཁོངས་སུ་བཙན་བྱོལ་བོད་གཞུང་ལྷན་ཁང་ཁག་གི་བཀའ་བློན་རྣམ་པ་དང་རང་དབ་ཅན་གྱི་ སྡེ་ཚན་ཁག་གི་འགན་འཛིན་རྣམ་པབཙན་བྱོལ་བོད་གཞུ་ལྷན་ཁང་ཁག་གི་འབྲེལ་ཡོད་མི་སྣ་སོགས་མི་གྲངས་༨༠ཙམ་ཕེབས་ཡོད་པ་རེད  མཛད་སྒོའི་ཐོག་ཕྱི་དྲིལ་བཀའ་བློན་སྟག་ལྷ་སྐལ་བཟང་དབྱངས་སྐྱིད་མཆོག་གིསདེ་རིང་གི་ཚོགས་ འདུ་དེའི་ཐོག་བཙན་བྱོལ་བོད་གཞུང་ཕྱི་དྲིལ་ལས་ཁུངས་ནས་གལ་གནད་ཆེནཔོ་བརྩི་གནང་གི་ཡོད་པ་དང་  ཚོགས་འདུའི་བརྗོད་གཞི་འདི་ང་ཚོ་བོད་ཀྱི་ལོ་རྒྱུས་ཐོག་འབྲེལ་བ་ཧ་ཅང་ཆེན་པོ་ཆགས་ཡོད་པར་བརྟེནཚང་མས་ཐུགས་སྣང་ཆེར་སྐྱེད་གནང་རྒྱུའི་གསུང་བཤད་གནང་ཡོད་པ་དང་  དེ་རྗེས་གསུང་བཤད་གནང་མཁན་ཚོས་རིམ་པས་བོད་སོག་ཆིངས་ཡིག་མ་བཞག་གོང་གི་བོད་དང་མན་ཇུ་དབར་གྱི་འབྲེལ་བའི་སྐོར་དང་། བོད་སོག་གཉིས་ཀྱི་ལོ་རྒྱུས་ཀྱི་འཕེལ་རིམ་སོགས་རིམ་པས་གསུང་བཤད་གནང་ཡོད་འདུག 

 

མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎

དྲ་གནས་ཆ་ཚང༌།