མའོ་ཚོགས་པས་སྲིད་འཛིན་དང་པོ་དེ་ངོས་ལེན་བྱས་མེད་པ།

བལ་ཡུལ་གྱི་སྲིད་འཛིན་དང་པོར་སྨན་པ་རམ་སྦ་རན་ཡ་རྡལྦ་འོས་འདེམས་བྱས་པར་མའོ་དམར་ཤོག་ཚོགས་པས་ངོས་ལེན་བྱེད་ཀྱི་མེད་པ་རེད།

2008-07-22
Share

༄༅༎རེས་གཟའ་ཟླ་བའི་ཉིན་བལ་ཡུལ་གྱི་ལྷོ་ཕྱོགས་ཁུལ་དུ་ཡོད་པའི་ མ་རྡེ་སི་ གྲངས་ཉུང་མི་རིགས་ཡིན་པ་སྨན་པ་ རམ་སྦ་རན་ཡ་རྡལྦ་ སྲིད་འཛིན་དང་པོར་འོས་འདེམས་བྱས་པར་བརྟེན་བལ་ཡུལ་གྱི་མའོ་དམར་ཤོག་ཚོགས་པས་ངོས་ལེན་བྱེད་ཀྱི་མེད་པ་རེད།

མའོ་དམར་ཤོག་ཚོགས་པའི་འགོ་ཁྲིད་ པར་ཅན་རྡ་ཡིས། རེས་གཟའ་ཟླ་བའི་ཉིན་གྲོས་ཚོགས་ཀྱིས་རྒྱལ་ཁབ་ཀྱི་སྲིད་འཛིན་འོས་འདེམས་བྱེད་པའི་སྐབས་མའོ་དམར་ཤོག་ཚོགས་པས་རྒྱབ་སྐྱོར་བྱེད་པའི་སྲིད་འཛིན་གྱི་འོས་མིར་གྲོས་ཚོགས་ཀྱིས་ངོས་ལེན་མ་གནང་བར་བརྟེན་ནས་དམར་ཤོག་ཚོགས་པ་གཞུང་གསར་པའི་ནང་མཉམ་ཞུགས་བྱ་རྒྱུ་མིན་པའི་ཐག་གཅོད་བྱས་པའི་སྐོར་གསུངས་ཡོད་པ་རེད། བལ་ཡུལ་གྱི་མའོ་དམར་ཤོག་ཚོགས་པ་ནི་གྲོས་ཚོགས་ནས་འཐུས་མི་མང་ཤོས་ཡིན་པ་དང་དམར་ཤོག་ཚོགས་པའི་ཚོགས་གཙོ་ པར་ཅན་རྡ་ རྒྱལ་ཁབ་གསར་པའི་སྲིད་བློན་བྱ་རྒྱུའི་རེ་བ་ཡོད་ཅིང༌། ཁ་སྔོན་བལ་ཡུལ་གྱི་གྲོས་ཚོགས་ཐོག་ནས་མི་ལོ་ ༢༣༩ ལྷག་གི་ལོ་རྒྱུས་ལྡན་པའི་རྒྱལ་བརྒྱུད་རིང་ལུགས་རྩ་མེད་བཟོས་ཏེ་དམངས་གཙོ་མནའ་སྦྲེལ་སྤྱི་མཐུན་རྒྱལ་ཁབ་ཏུ་དབུ་བརྙེས་པའི་རྗེས་སྲིད་འཛིན་དང་པོ་འོས་བསྡུ་བྱས་པ་དེ་ནི་ཐེངས་དང་པོ་གྲོས་ཚོགས་ཀྱི་གལ་ཆེའི་ཐག་གཅོད་ཅིག་ཡིན་པ་རེད།

མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎

དྲ་གནས་ཆ་ཚང༌།