སྦེལ་ཇམ་ནང་སྤེལ་བའི་སྐྱབས་བཅོལ་བའི་གོམ་བགྲོད་ནང་བོད་མི་མཉམ་ཞུགས་གནང་འདུག

2022.09.29
Share on WhatsApp
Share on WhatsApp
སྦེལ་ཇམ་ནང་སྤེལ་བའི་སྐྱབས་བཅོལ་བའི་གོམ་བགྲོད་ནང་བོད་མི་མཉམ་ཞུགས་གནང་འདུག ཧྥི་ལེན་ཌར་སྐྱབས་བཅོལ་བའི་གོམ་བགྲོད་ལས་འགུལ།
tibet.net

ཧྥི་ལེན་ཌར་སྐྱབས་བཅོལ་བའི་གོམ་བགྲོད་ལས་འགུལ་ཞེས་བའི་ཚོགས་པས་གོ་སྒྲིག་བྱེད་བཞིན་པའི་ད་ལོའི་སྐྱབས་བཅོལ་བའི་གོམ་བགྲོད་ནང་བོད་མི་ཁག་ཅིག་མཉམ་ཞུགས་གནང་འདུག
དེ་ཡང་བོད་མིའི་སྒྲིག་འཛུགས་ཀྱིས་གནས་ཚུལ་སྤེལ་བ་ལྟར་ན། ཧྥི་ལེན་ཌར་སྐྱབས་བཅོལ་བའི་གོམ་བགྲོད་(Refugeework Flanders)་ཞེས་བའི་ཚོགས་པས་གོ་སྒྲིག་བྱེད་བཞིན་པའི་ད་ལོའི་སྐྱབས་བཅོལ་བའི་གོམ་བགྲོད་ནང་རུ་ཁག་༢༨༠ནས་མི་གྲངས་༡༥༨༣མཉམ་ཞུགས་བྱས་ཡོད་པའི་ལས་འགུལ་དེའི་ཐོག་བོད་མི་ཁག་ཅིག་མཉམ་ཞུགས་གནང་ཡོད་པ་དང་། དེ་ནི་སྐྱབས་བཅོལ་བའི་གོམ་བགྲོད་ལས་འགུལ་དེའི་ནང་སྦེལ་ཇམ་དུ་གནས་སྡོད་བོད་མི་མཉམ་ཞུགས་གནང་བ་ཐོག་པ་དེ་ཡིན་པ་རེད། ཁོང་ཚོས་འཛམ་གླིང་ས་ཕྱོགས་གང་སར་གནས་པའི་སྐྱབས་བཅོལ་བ་ཚོར་གདུང་སེམས་མཉམ་སྐྱེས་བྱས་ཡོད་པ་མ་ཟད། ད་དུང་ལས་འགུལ་དེའི་ནང་རླུང་རྟ་ཚོགས་པའི་ཚོགས་གཙོ་(Han Vandenabeel)་ཡང་མཉམ་ཞུགས་གནང་འདུག དེའི་ཐད་སྦེལ་ཇམ་སྐུ་ཚབ་དོན་གཅོད་རིག་འཛིན་ཆོས་སྒྲོན་ལགས་ཀྱིས་བོད་མིའི་རུ་ཁག་ལ་བསྔགས་བརྗོད་ཀྱི་འཕྲིན་ཡིག་གནང་ནས། སྐྱབས་བཅོལ་བའི་གོམ་བགྲོད་ལས་འགུལ་ནང་མཉམ་ཞུགས་གནང་མཁན་དང་དེའི་སྣེ་ཁྲིད་པ་རླུང་རྟ་ཚོགས་པ། སྦེལ་ཇམ་གྱི་བོད་མི་ཚོས་རྒྱབ་སྐྱོར་གནང་བར་ཐུགས་རྗེ་ཆེ་ཞུས་འདུག
ཧྥི་ལན་ཌར་སྐྱབས་བཅོལ་བའི་གོམ་བགྲོད་ལས་འགུལ་དེས་དམག་གི་དྲག་གནོན་དང་སྡུག་རྩུབ་མནར་གཅོད་ལས་བྲོས་བྱོལ་དུ་འབྱོར་མཁན་སྐྱབས་བཅོལ་བ་རྣམས་ལ་རོགས་རམ་གནང་གི་ཡོད་པ་ལྟར། ཐེངས་འདིའི་གོམ་བགྲོད་ནང་ཡོ་སྒོར་ཁྲི་སུམ་ཅུ་ལྷག་གི་ཞལ་འདེབས་རག་ཡོད་པ་གོང་བརྗོད་ལས་འགུལ་གོ་སྒྲིག་ཚོགས་པས་གསལ་སྟོན་བྱས་འདུག

གསར་འགོད་པ། ཕྲ་རིང་བསྟན་ནོར།
རྩོམ་སྒྲིག་པ། དཔལ་ལྡན་རྒྱལ།
དྲ་ཐོག་སྤེལ་མཁན། ཀླུ་འབུམ།

བལྟ་བཤེར་མང་ཤོས་བྱས་པའི་གནས་ཚུལ།
RFA
བོད་མིའི་སྒྲིག་འཛུགས་ཀྱི་མ་འོངས་པའི་ཆབ་སྲིད་ཀྱི་ལངས་ཕྱོགས་འགྱུར་བ་གཏོང་དགོས་མིན་རྒྱ་ནག་གི་འགོ་ཁྲིད་ཚོའི་བྱེད་བབ་ལ་རག་ལུས་ཡོད། སྲིད་སྐྱོང་མཆོག་གིས།
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
ཏོག་དབྱིབས་ནད་ཡམས་ཀྱི་ཟུར་བཀག་དམ་དྲག་རྐྱེན་ཡུལ་ཤུལ་ནས་བྱིས་བ་ལོ་གཉིས་ལ་སོན་པ་ཞིག་གྲོངས་འདུག
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎