༸གོང་ས་མཆོག་ཨ་རི་བ་ཚོས་ཡིད་སྨོན་ཞུ་ཡུལ་མི་སྣར་འདེམས་པ།


2019-12-31
Share
༸གོང་ས་མཆོག་གི་ཡང་སྲིད་ཐད་རྒྱ་གཞུང་ནས་ཐེ་བྱུས་བྱ་རྒྱུ་མེད། ༸གོང་ས་༸སྐྱབས་མགོན་ཆེན་པོ་མཆོག ༢༠༡༨།༡
ཨེ་ཨེཕ་པི།

ཨ་རིའི་སྲིད་འཛིན་Trump དང་སྲིད་འཛིན་ཟུར་པ་Obama ཀྱི་མཚན་མཐོ་ཤོས་བཏོན་པ་དང་། དེ་ནས་མཐོ་ཤོས་ལྷག་མ་བཅུ་བཏོན་པའི་ནང་ནས་༧གོང་ས་ཏ་ལའི་བླ་མ་མཆོག་ཚུད་ཡོད་འདུག

ཨ་རིའི་རྒྱལ་སའི་ནང་རྟེན་གཞི་བྱེད་པའི་Gallup ཞེས་པའི་དབྱེ་ཞིབ་དང་སློབ་སྟོན་ཀྱི་ཁེ་གཉེར་ལས་ཁུངས་དེས་ལོ་ལྟར་ཨ་རི་བ་ཚོར་སོ་སོའི་ཆེས་ཡིད་སྨོན་སྐྱེད་སའི་འཛམ་གླིང་ནང་གནས་སྡོད་བྱེད་བཞིན་པའི་སྐྱེས་པ་དང་བུད་མེད་གང་ཟག་སུ་ཞིག་ཡིན་མིན་བསམ་ཤོག་བསྡུ་ལེན་བྱེད་བཞིན་པ་ལྟར།  སྤྱི་ཟླ་༡༢་པའི་ཚེས་༢་ནས་༡༥་བར་བསམ་ཤོག་བསྡུ་ལེན་བྱས་པའི་ནང་ཨ་རི་བ་ཚོས་སྤྱི་ལོ་༢༠༡༩་ལོར་ཆེས་ཡིད་སྨོན་ཞུ་སའི་མི་སྣ་གྲངས་ཀ་མཐོ་ཤོས་གཉིས་བཏོན་པ་ནི་ཨ་རིའི་སྲིད་འཛིན་ཟུར་པ་Barack Obama དང་ཨ་རིའི་སྲིད་འཛིན་ལས་ཐོག་Donald Trump གཉིས་ཡིན་འདུག ད་ལོ་ཨ་རི་བ་ཚོས་ཆེས་ཡིད་སྨོན་ཞུ་སའི་མི་སྣ་འདམ་ག་བྱས་པ་དེ་ནི་ཨ་རིའི་ཆབ་སྲིད་ཚོགས་པ་གཉིས་དབར་བསམ་ཚུལ་དབྱེ་བགོས་ཡོད་པ་གསལ་སྟོན་བྱས་ཡོད་ཅིང་། དེའང་མང་གཙོ་ཚོགས་པར་རྒྱབ་སྐྱོར་བྱེད་མཁན་བརྒྱ་ཆ་༤༡་ཡིས་Obama ཀྱི་མཚན་བཏོན་པ་དང་། སྤྱི་མཐུན་ཚོགས་པར་རྒྱབ་སྐྱོར་བྱེད་མཁན་བརྒྱ་ཆ་༤༥་ཡིས་Trump གྱི་མཚན་བཏོན་ཡོད་པ་ཆགས་ནས་མང་གཙོ་ཚོགས་པར་རྒྱབ་སྐྱོར་བྱེད་མཁན་ཧ་ཅང་ཉུང་ངུ་ཞིག་གིས་Trump འདེམས་ཡོད་པ་དང་། སྤྱི་མཐུན་ཚོགས་པར་རྒྱབ་སྐྱོར་བྱེད་མཁན་ཧ་ཅང་ཉུང་ངུ་ཞིག་གིས་Obama འདེམས་ཡོད་པ་ཤེས་རྟོགས་ཐུབ་ཀྱི་ཡོད་ཅེས་གོང་ཞུས་ཨ་རིའི་མི་དམངས་ཀྱི་བསམ་ཤོག་བསྡུ་ལེན་གནང་མཁན་Gallup གྱི་དྲ་ཐོག་ཏུ་གནས་ཚུལ་སྤེལ་ཡོད་པ་རེད།

གནས་ཚུལ་མུ་མཐུད་སྤེལ་བའི་ནང་།  གོང་ཞུས་Obama དང་Trump གཉིས་ཀྱི་གྲངས་ཀ་མཐོ་ཤོས་རྗེས་ལྷག་མ་མཐོ་ཤོས་མི་བཅུའི་མཚན་བཏོན་པའི་ནང་། ཨ་རིའི་སྲིད་འཛིན་ཟུར་པ་Jimmy Carter དང་ཚོང་པ་Elon Musk  Microsoft གསར་གཏོད་པ་Bill Gates དང་ཡི་ཤུའི་བླ་ཆེན་Pope Francis སོགས་ཡོད་པའི་ནང་ནས་བོད་ཀྱི་བླ་ན་མེད་པའི་དབུ་ཁྲིད་༧གོང་ས་ཏྰ་ལའི་བླ་མའི་མཆོག་གི་མཚན་ཡོད་པ་རེད། དེ་དག་རེ་རེར་བརྒྱ་ཆ་གཉིས་ལྷག་བརྒལ་མེད་པ་རེད།།

མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎

དྲ་གནས་ཆ་ཚང༌།