ཨ་མི་རི་ཀས་མཚོ་དམག་གི་ཉམས་ཞིབ་གྲུ་གཟིངས་ཤིག་ཐེ་ཝན་གྱི་མཚོ་ཁར་བཏང་འདུག
2018.10.17
རྒྱ་ནག་དང་ཨ་མི་རི་ཀའི་དབར་ཚོང་དོན་དང་གོ་མཚོན་ཚོང་འབྲེལ་གྱི་དཀའ་རྙོག་ཡོད་བཞིན་པའི་སྐབས་སུ་ཨ་མི་རི་ཀས་མཚོ་དམག་གི་ཉམས་ཞིབ་གྲུ་གཟིངས་ཤིག་ཐེ་ཝན་གྱི་མཚོ་ཁར་བཏང་ཡོད་འདུག
ཐེ་ཝན་གྱི་གཞུང་འབྲེལ་གསར་ལས་ཁང་གིས། ཐེ་ཝན་གྱི་སྲུང་སྐྱོབ་བློན་ཆེན་ཡེན་དྷེ་ཕྭ་(Yen Dep-fa)ཡིས། ཨ་མི་རི་ཀའི་མཚོ་དམག་གི་གྲུ་གཟིངས་ཐོ་མ་སེ་ཇི་ཐོམྶོན་(Thomas G Thompson) ཞེས་པ་ཐའེ་ཝན་གྱི་ཀའོ་ཤིང་(Kaohsiung)མཚོ་ཁར་འབྱོར་ཡོད་ཀྱང་དམག་དོན་གྱི་ལས་འགུལ་དང་འབྲེལ་བ་མེད་ལུགས་གསུངས་ཡོད་པ་ལུང་འདྲེན་བྱས་འདུག རྒྱ་ནག་གཞུང་གིས་ཐེ་ཝན་རྒྱ་ནག་གི་ཆ་ཤས་ཡིན་པར་ངོས་འཛིན་གྱིས་ཐེ་ཝན་དང་ཨ་མི་རི་ཀའི་དབར་དམག་དོན་གྱི་འབྲེལ་བར་དུས་རྟག་ཏུ་ངོ་རྒོལ་བྱེད་ཀྱི་ཡོད་པ་ལྟར་རེས་གཟའ་མིག་དམར་ཉིན་རྒྱ་ནག་གི་ཕྱི་སྲིད་ལས་ཁུངས་ཀྱི་མགྲི་ཚབ་པ་ལུའི་ཁང་(Lu Kang) གིས་དོན་རྐྱེན་དེར་བློ་འཚབ་སྟོན་པ་དང་སྦྲཊ་མཚོ་ཁའི་འགྲུལ་བཞུད་མཚམས་
འཇོག་དགོས་ལུཊ་བརྗོད་ཡོད་འདུག
ཨ་མི་རི་ཀའི་སྲིད་གཞུང་གིས་ཐེ་ཝན་ལ་ཨ་མི་རི་ཀའི་མཁའ་དམག་གནམ་གྲུ་ཨེཧྥུ་ ༡༦(F-16)རྟཊ་ཅན་གྱི་ཡོ་ཆས་མཁོ་སྒྲུབ་ཆེད་ཨ་རིའི་ཌོ་ལར་ས་ཡ་༣༣༠མ་གནས་ཀྱི་ཚོང་
འབྲེལ་ཕྱིར་བསྡུ་དགོས་པ་རྒྱ་ནག་གིས་རེ་འདུན་འདོན་བཞིན་པ་རེད། ཚོང་འབྲེལ་དེ་བཞིན་
ཨ་མི་རི་ཀ་དང་རྒྱ་ནག་དབར་ཚོང་འབྲེལ་གྱི་དཀའ་རྙོག་ཇེ་སྡུག་ཏུ་འགྲོ་བཞིན་པའི་སྐབས་སུ་བྱུང་ཡོད་ཅིང་། ཨ་མི་རི་ཀས་རྒྱ་ནག་གི་ཚོང་ཟོག་ལ་སྒོ་ཁྲལ་ཨ་སྒོར་ཐེར་འབུམ་༢༥༠འཕར་སྣོན་རྒྱབ་རྗེས་རྒྱ་ནག་གིས་ཀྱང་དེ་མཚུངས་ཨ་རིའི་དངོས་ཟོག་ལ་སྒོ་ཁྲལ་ཨ་སྒོར་ཐེར་འབུམ་༡༡༠སྣོན་འཇོག་བྱས་ཡོད་རེད། ཐེ་ཝན་དང་ཨ་མི་རི་ཀའི་དབར་གཞུང་འབྲེལ་མེད་ཀྱང་ཁྲིམས་ཐོག་ནས་ཐེ་ཝན་སྲུང་སྐྱོབ་གནང་རྒྱུའི་འགན་དབང་དེ་སྔ་ནས་ཡོད་པ་རེད༎
གསར་འགོད་པ་ཀརྨ་རྒྱ་མཚོ།