ཨ་མི་རི་ཀས་བོད་ཀྱི་གནད་དོན་དེ་བཞིན་གལ་གནད་ཆེ་བའི་གྲས་སུ་བརྩི་བཞིན་ཡོད་ཟེར།

2021.12.09
Share on WhatsApp
Share on WhatsApp
ཨ་མི་རི་ཀས་བོད་ཀྱི་གནད་དོན་དེ་བཞིན་གལ་གནད་ཆེ་བའི་གྲས་སུ་བརྩི་བཞིན་ཡོད་ཟེར། ཨ་རིའི་སྲིད་འཛིན་གྱིས་སྣེ་ཁྲིད་པའི་མང་གཙོའི་ཆེས་མཐོའི་ལྷན་ཚོགས་སྐབས། ༡༢།༩།༢༡
AFP

འདི་ཚེས་༩་ཉིན་ནས་ཉིན་གྲངས་གཉིས་རིང་། ཨ་མི་རི་ཀའི་སྲིད་འཛིན་སྦཡེ་ཌེན་གྱིས་དབུ་ཁྲིད་འོག་མང་གཙོའི་རྒྱལ་ཁབ་ཁག་གི་ཆེས་མཐོའི་ལྷན་ཚོགས་སྐོང་ཚོགས་གནང་བཞིན་པའི་སྐབས་འདིར། འདི་ག་ཨེ་ཤེ་ཡ་རང་དབང་རླུང་འཕྲིན་ཁང་གིས་ཨ་རིའི་ཕྱི་སྲིད་ལྷན་ཁང་ལ་ད་ཐེངས་ཀྱི་ཚོགས་ཆེན་ཐོག་བོད་ནང་གི་གནས་སྟངས་སྐོར་བགྲོ་གླེང་ཡོང་མིན་དྲིས་སྐབས། ཨ་རིའི་ཕྱི་སྲིད་ལྷན་ཁང་གིས་ཡིག་ཐོག་གསལ་བཤད་གནང་བའི་ནང་། ཨ་མི་རི་ཀའི་སྦཡེ་ཌེན་སྲིད་གཞུང་གིས་བོད་ཀྱི་གནད་དོན་འདི་གལ་གནད་ཆེ་བའི་གྲས་སུ་བརྩི་བཞིན་ཡོད། དེ་བས་རྒྱ་ནག་གཞུང་གིས་བོད་ནང་གི་འགྲོ་བ་མིའི་ཐོབ་ཐང་རྡོག་རོལ་གཏོང་བཞིན་པའི་གནད་དོན་དེར་འགན་འཁྲི་ཡོད་པའི་རྒྱ་ནག་གཞུང་གི་དཔོན་རིགས་ཚོར་འགན་ལེན་བྱེད་དུ་འཇུག་རྒྱུར་ཨ་མི་རི་ཀ་གཞུང་གིས་ཐབས་ཤེས་ཡོད་ཚད་བེད་སྤྱོད་གནང་རྒྱུར་བསམ་གཞིགས་བྱེད་ཀྱི་ཡོད། ཨ་མི་རི་ཀའི་སྦཡེ་ཌེན་གཞུང་འཛིན་གྱིས་ཨ་རི་དང་། འཛམ་གླིང་གོ་ལ་འདིའི་སྟེང་མང་གཙོ་གོང་འཕེལ་གཏོང་རྒྱུ་གལ་ཆེན་པོར་འཛིན་གྱི་ཡོད། སྲིད་འཛིན་སྦཡེ་ཌེན་གྱིས་མང་གཙོ་གང་ཞིག་འཐུས་ཚང་ཡིན་པ་དང་། མང་གཙོའི་ལམ་ལུགས་གང་ཞིག་རྟག་བརྟན་ཡོད་པའི་ཚད་གཞི་འདི་འདྲ་ཡིན་ཞེས་ཐེར་འདོན་བྱེད་དཀའ་བ་ཡིན་པ་ལྟར། སྲིད་འཛིན་སྦཡེ་ཌེན་གྱིས་འགན་འཁུར་རྐང་བཞེས་ཀྱི་ཐོག་ནས་ཕྱི་ཟླ་༡༢་ཚེས་༩་དང་༡༠་བཅས་ལ་རྒྱལ་སྤྱིའི་རང་བཞིན་གྱི་མང་གཙོའི་ཚོགས་ཆེན་སྐོང་ཚོགས་གནང་སྟེ། མང་གཙོ་གོང་འཕེལ་དང་མང་གཙོའི་ལམ་ལུགས་ལ་ཉེན་ཁ་ཡོད་པ་ཁག་ལ་མཉམ་འདུས་ཀྱི་གདོང་ལེན་བྱེད་སྟངས་ཐད་བཀའ་བསྡུར་གནང་བཞིན་ཡོད་པ་རེད་ཅེས་བཀོད་འདུག
དུས་སྐབས་འདི་དང་བསྟུན། རྒྱ་ནག་གཞུང་གིས་བོད་ནང་གི་ཆོས་ཕྱོགས་ཀྱི་བསྟི་གནས་དགོན་པ་ཁག་གཏོར་བཤིག་བཏང་ནས། བོད་ཀྱི་ཆོས་དང་། སྐད་ཡིག རིག་གཞུང་བཅས་བོད་མིའི་ངོ་བོ་རྩ་མེད་བཟོ་བའི་སྲིད་བྱུས་ཐད་ཐུགས་ཚབས་ཆེན་པོ་ཡོད་ཅེས་ལན་འདེབས་གནང་བྱུང་།
ད་ཐེངས་ཀྱི་མང་གཙོའི་ལྷན་ཚོགས་ཐོག་འཛམ་གླིང་གི་དབུ་ཁྲིད་ཁག་དང་ཞི་བའི་སྒྲིག་འཛུགས་ཁག་གི་དཔོན་རིགས་དང་འཐུས་ཚབ་མང་པོ་མཉམ་ཞུགས་བྱེད་བཞིན་ཡོད་པ་རེད།

གསར་འགོད་པ། བཀྲ་ཤིས་དབང་ཕྱུག
རྩོམ་སྒྲིག་པ། དཔལ་ལྡན་རྒྱལ།
དྲ་ཐོག་སྤེལ་མཁན། ཀླུ་འབུམ

བལྟ་བཤེར་མང་ཤོས་བྱས་པའི་གནས་ཚུལ།
RFA
སྲིད་སྐྱོང་ནས་རྒྱ་ནག་གཞུང་གིས་དུས་རབས་དང་མ་མཐུན་པའི་སྲིད་བྱུས་བཟུང་སྟེ་མང་ཚོགས་ལ་དཀའ་ངལ་སྤྲོད་བཞིན་པར་བློ་འཚབ་ཡོད་པ་འགྲེལ་བརྗོད་གནང་བྱུང་།
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
རྒྱ་ནག་ནང་ངོ་རྒོལ་དང་འབྲེལ་བོད་ནང་གི་དྲ་ལམ་ཁག་ཏུ་ངོ་རྒོལ་སྐོར་གྱི་གནས་ཚུལ་ཐད་དམ་དྲགས་ཤུགས་ཆེར་བྱེད་བཞིན་འདུག
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎