རྒྱལ་སྤྱིས་རྒྱ་ནག་ལ་དྭོགས་ཟོན་བྱེད་དགོས་པའི་ཉེན་བརྡ།

༄༅༎ད་ཆ་ཨ་རིར་ཡུལ་གྱར་དུ་ཕེབས་པའི་རྩོམ་པ་པོ་དང་། རྒྱ་ནག་གཞུང་ཕྱོགས་དང་སྲིད་དོན་ལྟ་བ་ཐ་དད་འཛིན་མཁན་ཡུད་ཇལ་ནས།  རྒྱལ་སྤྱིའི་སྤྱི་ཚོགས་ཀྱིས་རྒྱ་ནག་ལ་དྭོགས་ཟོན་བྱེད་དགོས་པའི་ཉེན་བརྡ་ཞིག་བཏང་གནང་འདུག
དེའང་གཟའ་འཁོར་སྔོན་མ་དེའི་ནང་། ཨ་རིར་ཡུལ་གྱར་དུ་ཕེབས་པའི་རྒྱ་ནག་གཞུང་ཕྱོགས་དང་སྲིད་དོན་ལྟ་བ་ཐ་དད་འཛིན་མཁན་དང་། རྒྱ་ནག་གི་སྐད་གྲགས་ཡོད་པའི་རྩོམ་པ་པོ་ཡུད་ཇལ་ནས་ཉེ་ཆར་གཏམ་བཤད་ཤིག་གནང་ཏེ། པེ་ཅིང་སྲིད་གཞུང་གིས་ཕྱི་ཕྱོགས་ལ་འདྲེན་པའི་རྒྱ་ནག་གི་གུང་ཁྲན་རིང་ལུགས་ཀྱི་བྱེད་སྟངས་དེ་ཚོར་། རྒྱལ་སྤྱིའི་སྤྱི་ཚོགས་ནས་དྭོགས་ཟོན་ཆེན་པོ་བྱེད་དགོས་པའི་ཉེན་བརྟ་བཏང་གནང་འདུག་ལ། ད་དུང་ཡུད་ཇལ་ནས། གདོན་འདྲེ་ནང་བཞིན་གྱི་པེ་ཅིང་སྲིད་གཞུང་དེ་ནི་གྲང་དམག་སྐབས་ཀྱི་དེ་སྔའི་ཨུ་རུ་སུའི་རྒྱལ་ཁབ་དེ་ལས་དེ་བས་ཉེན་ཁ་ཆེ་བ་ཡོད་པ་དང་། དེ་སྔའི་ཨུ་རུ་སུའུ་དེ་ནི་ཡོལ་ལའི་བརྒྱབ་ལ་ཡིབ་ནས་བསྡོད་མཁན་ཞིག་ཡིན་པ་དང་། ཡིན་ནའང་ད་ཆའི་པེ་ཅིང་སྲིད་གཞུང་དེ་ནི་དེ་ལྟར་ཞིག་མ་ཡིན་པར་། སྲིད་གཞུང་དེས་རང་གི་མི་དམངས་ལ་གནོད་འཚེ་གཏོང་བ་དང་ཆབས་ཅིག ད་དུང་ཨ་ཕི་རི་ཀ་ལ་སོགས་པའི་ས་ཁུལ་གཞན་གྱི་ཐོག་ལ་རང་ཉིད་ཀྱི་གུང་ཁྲན་ཏང་གི་བྱེད་སྟངས་དེ་ཚོ་ཕྱིར་འདྲེན་བྱེད་ཀྱི་ཡོད་ཅེས་གསུངས་ཏེ། རྒྱ་ནག་གུང་ཁྲན་ཏང་གི་ད་ཆའི་བྱེད་སྟངས་དེ་ནི་། དེ་སྔའི་ཨུ་རུ་སུའུ་ལས་ཉེན་ཁ་ཆེ་བ་ཡོད་པར་གསུངས་འདུག།