རྒྱལ་སྤྱིའི་ཆོས་དད་རང་དབང་གི་ཉིན་མོ་དང་བསྟུན་ནས་ཨ་རིའི་ཕྱི་སྲིད་དྲུང་ཆེ་དང་རྒྱལ་ཚོགས་ཀྱི་ཨ་རིའི་སྐུ་ཚབ་རྣམ་གཉིས་ཀྱིས་ཆོས་དད་དང་ཡིད་ཆེས་ཀྱི་ཐོབ་ཐང་ལ་སྲུང་སྐྱོབ་བྱེད་རྒྱུའི་ཆོད་སེམས་བརྟན་པོ་ཡིན་པ་གསུངས་འདུག
དེ་ཡང་ཕྱི་ཟླ་བཅུ་པའི་ཚེས་༢༧ཉིན་མོ་དེ་བཞིན། རྒྱལ་སྤྱིའི་ཆོས་དད་རང་དབང་གི་ཉིན་མོར་སྲུང་བརྩི་ཞུ་བཞིན་ཡོད་པ་དང་བསྟུན། ཨ་རིའི་ཕྱི་སྲིད་དྲུང་ཆེ་ཨན་ཐོ་ནི་སྦིལན་ཀེན་(Antony Blinken)་མཆོག་གིས་(X)་དྲྭ་རྒྱ་བརྒྱུད་ནས་རྒྱལ་སྤྱིའི་ཆོས་དད་རང་དབང་གི་ཉིན་མོ་འདིར་ང་ཚོས་མི་ཚང་མའི་ཆོས་ལུགས་ལ་ཡིད་ཆེས་ཀྱི་རང་དབང་སྲུང་སྐྱོབ་བྱེད་མཁན་ཚོར་གུས་བཀུར་བྱེད་བཞིན་ཡོད་ལ། ཆོས་ལུགས་དད་མོས་རང་དབང་དང་ཡིད་ཆེས་ཀྱི་རང་དབང་སྲུང་སྐྱོབ་བྱེད་རྒྱུ་ཡིན་ཅེས་བཀོད་འདུག
དེ་བཞིན་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཀྱི་ཨ་རིའི་གཏན་འཇགས་སྐུ་ཚབ་(Michele Taylor)་ལགས་ཀྱིས་ཀྱང་(X)་དྲྭ་རྒྱ་བརྒྱུད། ང་ཚོས་བོད་ནང་གི་བོད་མི་ནང་པ་དང་། ཤིན་ཅིང་གི་ཡུ་གུར་ཁ་ཆེ་བ་བཅས་ཚུད་པའི་འཛམ་གླིང་སྟེང་ཆོས་དད་རང་དབང་ལོངས་སུ་སྤྱོད་རྒྱུའི་ཐོབ་ཐང་ལ་སྲུང་སྐྱོབ་བྱེད་རྒྱུའི་ཆོད་སེམས་བརྟན་པོ་ཡིན་ལ། ཆོས་ལུགས་ཀྱི་ཞེ་འཁོན་དང་། དབྱེ་འབྱེད་གང་རུང་ལ་ངོ་རྒོལ་མཐའ་གཅིག་ཏུ་བྱེད་ཀྱི་ཡོད་ཅེས་བྲིས་གནང་འདུག
Today on we commit to protecting the freedom of religion or belief for all, including Muslims in Xinjiang, Tibetan Buddhists, and Baha'i in Iran. The United States stands in firm opposition of any form of religious hatred or discrimination.
རྒྱ་ནག་གཞུང་གིས་བོད་ནང་བོད་ཀྱི་སྐད་དང་རིག་གཞུང་། བོད་བརྒྱུད་ནང་བསྟན་བཅས་རྒྱ་ནག་ཅན་ཏུ་སྒྱུར་རྒྱུའི་སྲིད་ཇུས་ལག་བསྟར་བྱེད་བཞིན་ཡོད་པ་རེད།
གསར་འགོད་པ། འཆི་མེད།
རྩོམ་སྒྲིག་པ། དོན་གྲུབ་རྣམ་རྒྱལ།
དྲྭ་ཐོག་རྩོམ་སྒྲིག་པ། དཔལ་ལྡན་རྒྱལ།
དྲྭ་ཐོག་སྤེལ་མཁན། ཀླུ་འབུམ།