ཨི་རན་ཐོག་གྲོས་མོལ་ཉིན་གསུམ་པ།


2013-11-09
Share
ཨི་རན་ཐོག་གྲོས་མོལ་ཉིན་གསུམ་པ། སུད་སིའི་ནང་རྒྱལ་ཁབ་ཁག་གི་ཕྱི་སྲིད་བློན་ཆེན་རྣམ་པས་ཨི་རན་ཐོག་གྲོས་མོལ་གནང་བཞིན་ཡོད་པ།
ཨེ་ཨེཕ་པི།

༄༅༎སུད་སི་གྲོང་ཁྱེར་ཇི་ནི་ཝའི་ནང་གཟའ་སྤེན་པའི་ཉིན་ཨི་རན་གྱི་རྡུལ་ཕྲན་གོ་མཚོན་བཟོ་སྐྲུན་གྱི་ལས་དོན་མཚམས་འཇོག་ཡོང་རྒྱུའི་ཆེད། ཨི་རན་དང་ནུབ་ཕྱོགས་ཡུལ་གྲུ་ལྔའི་དབར་ཉིན་གཉིས་རིང་གྲོས་མོལ་བྱས་ནས་དེ་རིང་ཉིན་གྲངས་གསུམ་པ་འདི་ཡིན་པ་དང་། འདས་པའི་ཉིན་གཉིས་རིང་ཨ་རི་དང་། དབྱིན་ཇི། ཕ་རན་སི། འཇར་མ་ནི་བཅས་ཀྱི་ཕྱི་སྲིད་དཔོན་རིགས་དང་། ཨི་རན་གྱི་དཔོན་རིགས་དབར་གྲོས་མོལ་བརྒྱུད་ནས་གནད་དོན་མང་པོ་ཞིག་ལ་ཐག་གཅོད་ཡོང་རྒྱུར་བཟང་ཕྱོགས་ཀྱི་རྣམ་པ་ཡོད་ཀྱང་།  ད་དུང་ཡང་ལས་དོན་མང་པོ་ཞིག་བསྒྲུབ་དགོས་ཀྱི་ཡོད་པ་དང་། ལྷན་ཚོགས་དེའི་ཐོག་ར་ཤི་ཡའི་ཕྱི་སྲིད་བློན་ཆེན་དང་རྒྱ་ནག་གི་ཕྱི་སྲིད་བློན་ཆེན་ཡང་མཉམ་ཞུགས་གནང་རྒྱུ་ཡིན་འདུག  
གོང་གི་ལྷན་ཚོགས་སུ་མཉམ་ཞུགས་གནང་མཁན་ཡུལ་གྲུའི་སྐུ་ཚབ་རྣམ་པས་གྲོས་མོལ་ཉིན་གྲངས་གཉིས་རིང་བྱུང་བའི་བཟང་ཕྱོགས་ཀྱི་རྣམ་པ་དེ་བརྒྱུད་ནས།  ཡུལ་གྲུ་དེ་དག་གི་དབར་མུ་མཐུད་གྲོས་མོལ་གནང་སྟེ། འདས་པའི་ལོ་ངོ་བཅུ་གྲངས་རིང་གནས་པའི་ཨི་རན་གྱི་རྡུལ་ཕྲན་གོ་མཚོན་བཟོ་སྐྲུན་ལས་གཞིའི་རྩོད་རྙོག་དེ་བཞིན་སེལ་ཐུབ་པའི་གྲོས་མཐུན་ཡོང་རྒྱུར་ཕྱོགས་ཚང་མས་འབད་བརྩོན་དང་རེ་བ་གནང་བཞིན་ཡོད་པ་རེད།  
གསར་འགྱུར་བརྒྱུད་ལམ་ཁག་གི་གནས་ཚུལ་སྤེལ་བ་ལྟར་ན། ཨི་རན་གྱི་རྡུལ་ཕྲན་གོ་མཚོན་བཟོ་སྐྲུན་ལས་གཞི་མཚམས་འཇོག་གི་གྲོས་གཞི་དེའི་ནང་། ཨི་རན་གཞུང་གིས་རྡུལ་ཕྲན་གྱི་གོ་མཚོན་བཟོ་སྐྲུན་ལས་གཞིའི་ཚད་གཞི་ཆུང་དུ་གཏོང་ནས།  རྡུལ་ཕྲན་གྱི་གོ་མཚོན་བཟོ་ཐུབ་པའི་རྡུལ་ཕྲ་རབ་ཀྱི་ཉིང་ཁུ་བཏོན་རྒྱུ་མཚམས་འཇོག་དགོས་པ་སོགས་ཀྱི་ནང་དོན་འཁོད་ཡོད་པ་རེད༎

མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎

དྲ་གནས་ཆ་ཚང༌།