ཁྲིམས་ཞིབ་ཁང་དུ་ཉན་ཞིབ་ལ་ངོ་བཅར་ཞུས་མིན་འདུག


2019.12.06
ཁྲིམས་ཞིབ་ཁང་དུ་ཉན་ཞིབ་ལ་ངོ་བཅར་ཞུས་མིན་འདུག ཁྲིམས་རྩོད་པ་བློ་བཟང་གྲགས་པ་ལགས། ༢༠༡༩།༦
Photo: RFA

བྱང་ཨ་རིའི་སྐུ་ཚབ་དོན་གཅོད་ཟུར་པ་སྤེན་པ་ཚེ་རིང་ལགས་ཀྱིས་སྲིད་སྐྱོང་བློ་བཟང་སེང་གེ་མཆོག་བརྒྱུད་བཀའ་ཤག་ལ་ཆེས་མཐོའི་ཁྲིམས་ཞིབ་ཁང་དུ་ཁོང་ལ་མ་ཉེས་ཁག་གཡོགས་བྱས་ལུགས་ཀྱི་ཁྲིམས་གཏུག་བྱས་བའི་ཁ་མཆུ་ཨང་༢༠་པའི་བཀའ་ཤག་གི་ཁྲིམས་རྩོད་པ་བློ་བཟང་གྲགས་པ་ལགས་སུ་ཆེས་མཐོའི་ཁྲིམས་ཞིབ་ཁང་ནས་རྩོད་ལན་པའི་ཁྲིམས་རྩོད་པས་བཅད་ཁྲ་ཁྱབ་བསྒྲགས་བྱས་པའི་ཐད། གསར་འགོད་པར་གཏམ་བཤད་བྱས་པ་དེ་རིགས་སྤྱི་མང་ཁྲིམས་ཡིག་དོན་ཚན་ ༨༥ ༼ཁ༽ ནང་གསལ་ཆེས་མཐོའི་ཁྲིམས་ཞིབ་ཁང་ལ་ཁྱད་གསོད་བྱས་པའི་བཅོས་གསོའི་ཆད་པ་འགེལ་མ་དགོས་པའི་རྒྱུ་མཚན་བརྗོད་རྒྱུའི་ཆེད་སྤྱི་ལོ་༢༠༡༩ ཟླ་༡༢ ཚེས་༦ ཉིན་གྱི་ཕྱི་དྲོའི་ཕྱག་ཚོད་༢།༣༠ ཐོག་ཉན་ཞིབ་བྱ་རྒྱུའི་བརྡ་ཐོ་བཏང་ཡོད་ཀྱང་། ཉིན་འདིར་ཁྲིམས་རྩོད་པ་བློ་བཟང་གྲགས་པ་ལགས་ཁྲིམས་ཞིབ་ཁང་དུ་ཉན་ཞིབ་ལ་ངོ་བཅར་ཞུས་མེད་པའི་དབང་གིས་ཁྲིམས་ཞིབ་ཁང་ནས་སྤྱི་ལོ་༢༠༡༩ ཟླ་༡༢ཚེས་༩ ཉིན་གྱི་སྔ་དྲོའི་ཕྱག་ཚོད་༡༠། ༣༠ ཐོག་ཉན་ཞིབ་བྱེད་གཏན་འཁེལ་བའི་གསལ་བསྒྲགས་གནང་སོང་། ཨེ་ཤེ་ཡ་རང་དབང་རླུང་འཕྲིན་ཁང་གིས་ཁ་པར་བརྒྱུད་བཀའ་ཤག་གི་ཁྲིམས་རྩོད་པ་བློ་བཟང་གྲགས་ལགས་ལ་འབྲེལ་བ་ཞུས་ཀྱང་། ཁ་པར་ནང་འབྲེལ་མཐུད་གནང་ཐུབ་མི་འདུག་ཞེས་པའི་བརྡ་ལན་རག་པ་ལས་འབྲེལ་བ་བྱེད་ཐུབ་མ་སོང་།

གོང་ཞུས་གསལ་བསྒྲགས་དེའི་ནང་ཆེས་མཐོའི་ཁྲིམས་ཞིབ་ཁང་ནས་བཀའ་ཤག་གི་ཁྲིམས་རྩོད་པར་སྤྱི་ལོ་༢༠༡༩ ཟླ་༡༢ ཚེས་༦ ཉིན་གྱི་ཕྱི་དྲོ་ཕྱག་ཚོད་༢།༣༠ ཐོག་ཉན་ཞིབ་བྱ་རྒྱུའི་བརྡ་ཐོ། ༢༠༡༩ ཟླ་༡༡ སྤྱི་ཚེས་༢༢ ཉིན་ཁྲིམས་ཞིབ་ཁང་ནས་བརྡ་ཐོ་སྐྱེལ་མཁན་ཆེད་གཏོང་གིས། བོད་མིའི་ཁྲིམས་ལུགས་རིག་པའི་ལས་ཁུངས་སམ་ཁྲིམས་རྩོད་པའི་ལས་ཀ་བྱ་ཡུལ་གྱི་ལས་བྱེད་རིན་ཆེན་བཟང་པོ་ལ་བརྡ་ཐོ་སྤྲད་དེ་འབྱོར་ལན་མིང་རྟགས་བླངས་ཟིན་ནའང་། དོ་བདག་གོང་གསལ་དུས་བཀག་ཉིན་ཁྲིམས་ཞིབ་ཁང་དུ་ཉན་ཞིབ་ལ་ངོ་བཅར་བྱས་མེད་པར་བརྟེན། ཁྲིམས་ཞིབ་ཁང་གི་བརྡ་ཐོར་བརྩི་བཀུར་མ་ཞུས་པའི་རྒྱུ་མཚན་དང་ཆབས་ཅིག་ཉན་ཞིབ་དེ་ཟླ་བ་འདིའི་ཚེས་༩ ཉིན་བྱེད་གཏན་འཁེལ་ཡོད་པ་གསལ་བསྒྲགས་གནང་སོང་།།

བལྟ་བཤེར་མང་ཤོས་བྱས་པའི་གནས་ཚུལ།
RFA
རྒྱལ་ཁབ་ཁག་བཅོ་བརྒྱད་ནང་བོད་དོན་དང་བླངས་ཞུ་གཏུག་པ་ ༥༢༡ དང་བླང་གི་ཐོག་ནས་འཛུལ་ཞུགས་གནང་ཡོད་སྐོར། ཕྱི་དྲིལ་བཀའ་བློན་ནས་གྲོས་ཚོགས་སུ་གསུངས་པ།
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
དཔྱ་དངུལ་ཆག་ཡང་བཏང་བའི་ལོ་གཅིག་ནང་བོད་མི་དྲུག་སྟོང་ལྔ་བརྒྱ་ལྷག་གིས་དཔྱ་དངུལ་ལག་དེབ་གསར་བཟོ་དང་བསྐྱར་གསོ་གནང་འདུག
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎